2 KORINTIANGKVDVNG 1:22 - ANU LUGOD N. T. (BSI)

²² Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

2 KORINTIANGKVDVNG 1:22 ပူးပေါင်းရင်းမြစ်များ

JO:N 3:33

sc:kobv Bvk lukamdcm taddagnc Bvk tubjeddcm scmpc tublvgdag, jc Ru:ncpvncbv arro.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

ROMANKVDVNG 4:11

Bv kanggodkoncmpc cdcmanggom muorkoncmpc torvgsuto dormo kanamdokkcm bvk gadpukmanggv:dapc bvk mc:jvg kanamdokki. Mc:namdc bvm appv:lok Abupc badmopc cmna gadma:pc sc:kobulum dormokannc cmna kvdagji,

ROMANKVDVNG 8:23

Odokkc ru:namo:dc:mang, cmpige:la ngolu avycsin, sckkc Yalodok e:pongarnc a:ycdc du:ji, asin ara:bo svgvn-gvnna kabla dung ngolu unam awa:pc inamdcm toya:la du:la:yam, ngoluk amvrkvdv:dok arc bila rclenkunam moturkunam kvdv:dcm.

ROMANKVDVNG 8:9

Cmpige:la nolu adin amvrdo du:mang, nolu Yalodo dung, jodi aropakpc nolukkolo Ru:ncpvnckc Yalodc du:mvlo. Sc:kkci Kristokc Yalodc kama:ji Bvkkcmang.

2 KORINTIANGKVDVNG 5:5

Sc:kobv ngolum sc attarsok lcgangarc mosv:tonc Ru:ncpvncbv, sc:kobv ngolum Yalodcm aroru:ngc lcngkanpc bitu:ji.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

1 TISSALONIANG 4:8

Cdcmpidag sc:kobv:i cdcm tadka:ma:ycnc, tani:ycm mcnggcma:pc imang cmpige:la Ru:ncpvncmcmvn, sc:kobv Bvk Angunnc Yalodcm nolum bitoji.

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

LUNGOR LUNAM 2:17

“Sckkc yerungc du:ji, bvm tadmotoka okodcm Yalodc mondoli:kvdv:do ludagji Bvkkolo:pc sc:kobv mopvycji ngo lc:sula lc:nam manna:dcm biyc, odokkc ngo bvm kamponc vlvngcm biyc, vlv:do anu amin annamko okodcm sc:ko pa:ycji bv:ma:mvlo sc:kosin kinma:yc.

LUNGOR LUNAM 7:3

“Mo:pvscm cdcmanggom siycngcm cdcmanggom vsvngkvdv:dcm momvgyoka, ngolu ngoluk Ru:ncpvnckc ager gerya:ncdcm buluk mittukvdv:do tubjedcm tublvgma:sisscm.”

LUNGOR LUNAM 9:4

Bulum ncsinkvdv:dcm mo:pvsokkcm dopakma:dopc lulvgto cdcmanggom atv gencpc sa:ncm cdcmanggom atv vsvngcm, cmpige:la cdc tani: kvdvngo:dcm okodokkc bulum sc:kobulukkc Ru:ncpvnckc tubjetnamdc kama:ji buluk tupta kvdv:do;