2 KORINTIANGKVDVNG 1:12 - ANU LUGOD N. T. (BSI)

¹² Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

2 KORINTIANGKVDVNG 1:12 ပူးပေါင်းရင်းမြစ်များ

AGER KVDVNG 23:1

Odokkc Poulbv, kcba:dcm ka:mi:miri:la kangge:la, luto, “Bvrrang kvdvnga, ngo Ru:ncpvnckc kangkolo appvng mc:namsagnamcm kinna silolo:pc dung.”

AGER KVDVNG 24:16

Cdcmpila ngo lo:dvscm Ru:ncpvnckc lcgangc tani:lo:pc narcngo:nc mc:nam sagnamcm mc:pc mc:dvrro mc:do.

ROMANKVDVNG 9:1

Ngo Kristokolo du:la agomdcm ludung, ngo lume:ycm lumang; ngok mc:nam sagnamsc Angunnc Yalodo ngom lukancm lubidag,

1 KORINTIANG KVDVNG 1:17

Kapila:nc Kristobv ngom baptismo bidopc mclvgmangai cmpige:la tadponc lutaddcm lukapcmvn, odokkc tadpopc agom lujo:namkokkimang, ckvma:mvlo Kristokc kurusdc odok ilang gvla:namdc kama:pc ipakycpc.

1 KORINTIANG KVDVNG 12:8

Akoncm Yalodokki kinjvgla kinnam agomcm bitung lukur lule:la lubila:dopc, odokkc akonkoncm kinnam agomcm lubila:dopc cdc Yalo atcro:doggongkcmpc, akonkoncm mc:jvgnammcm cdc Yalo akko:dokki,

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 2:13

Odokkc ngolu sc agomkvdv:scm tani: kinnam-pa:namki agompc luyirmang cmpige:la Yalodok luyirdokki, taycngamong arokvdv:dcm lukonsubila cdc sc:kobulu yalodcm gogdagji.

1 KORINTIANG KVDVNG 4:4

Ngo avwcsinci kcbangcm ba:sumang. Ngo avkc birudi:pc okkomsinci ansuka:sumang, cmpige:la ngo odokki imurkama:ncpc imang. Cdc Ru:tumbv:pak sc:kobv ngom kcbangcm ba:doji.

1 KORINTIANG KVDVNG 5:8

Kajc ngolu, cdcmpidag cdc donam-tv:namdcm ilai, cdc aku komira:dokkimang, cdc aima:pc ncka:mvnsunclang aisi:ma:nc komirangdokkimang, cmpige:la komirang ilvgma:nam pitangdokki ainc asin gcnamclang arodokki.

2 KORINTIANGKVDVNG 1:17

Ngo cdcmpc gvpc mc:dodcm ngo ngedkup-ngedlatdunganci? Ngok ager tarungcm rcngamsok tani:ycmpc idonci, C: cmna odokkc Ma: cmna lupc vgcmpc mosv:sula?

2 KORINTIANGKVDVNG 11:3

Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

2 KORINTIANGKVDVNG 8:8

Ngo scm lulvgla lunampc lumang, cmpige:la amikc asinc kvnggv:nammcm la:lenna lcngkanpc jc noluk aipc mc:namkvdv:dc:sin arorung.

GALATIANG KVDVNG 6:4

Cmpige:la appvngcm bvkkc bvkkc agercm ankvsula kangkvsumotok, odokkc odo bvk atcro:do bottapc lubonsunamdok pa:ycpc odokkc bvk du:jon kumrv-ko:rvdo:mang.

IPESIANG KVDVNG 6:14

Dagrobtok cdcmpidag, noluk vgvngkvdv:dcm arokokki yc:rcgsutok gcnamdcm gcge:la,

PILIPIANG KVDVNG 1:10

Odomvlo jen nolu okodc appvngcm aiya:dagji aidag cmna luycpc, odokkc Kristokc longcdok lcgangc angunna odokkc aimang cmna lukosuma:pc du:ycpc.

1 TISSALONIANG 2:10

Nolu lukan binckvdvdc, odokkc Ru:ncpvncbv:sin, kapc cddvko angunnc odokkc dormokannc odokkc lujck kama:na:ji ngoluk nolukkolo:pc inam-sa:nam kvdv:dc;

1 TIMOTI: 1:5

cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

TITUS 2:7

Avyc lcngkansutoka appvng agerlo ainc ager gernc akoncmpc ila, odokkc nok poyirkolo angu anguma:namcm lcngkanna, kvnggv:namcm,

HIBRIUKVDVNG 13:18

Ngoluk lcgangc kumbitei; kapcnc ngolu kinsudag jc ngolukkc aiyo:pc mcngcsaggc dung, mcngc kadopc gerpc mc:namc appvng agerlo dung.

JAKOB 4:6

Cmpige:la Bv bojcya:pc ayang abbom bidag; cdcmpidag cdc ludag, “Ru:ncpvncbv bottcpc lubonsuncdcm lutumdag, cmpige:la asin ansv:ncdcm ayangcm bidag.”

1 PITOR 3:16

odokkc noluk mcngc-saggcm narc:pc mc:langka, cdcmpcmvlojen, cdvlo nolum aima:pc luycnc, cdc sc:kobulu noluk aipc Kristokolo inamsa:namdc anyi:sumoycpc.

1 PITOR 3:21

Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,