1 TISSALONIANG 5:8 - ANU LUGOD N. T. (BSI)

⁸ Cmpige:la, ngolu longcdokkcpc ila:yam, kajc ngolu asinc ansv:lai, odokkc mc:jvgloklang aipc mc:namlo angkcng torasunancdcm gclai, odokkc tukkudok tornc dumlupko moturdokkcm gclai.

1 TISSALONIANG 5:8 ပူးပေါင်းရင်းမြစ်များ

1 PITOR 1:13

Cdcmpidag noluk asinkvdv:dcm kvnggv:pc mc:sutoka, dojup-dokapla doncpc ilangka, noluk mc:tincm Pv:namko nolukkolo:pcjc ayangc pvnga:ycnc mc:tintoka Jisu Kristokc lendokudodo:pc.

IPESIANG KVDVNG 6:11

Ru:ncpvnckc mimagmonamlok gcnam attar appv:dcm pvdlvgsutoka, jc nolu uidok yadnampanamdcm dagrasula:ycpc.

HIBRIUKVDVNG 6:19

Ngolukkc sc yalodok arorungc dung odokkc lo:dvpc du:nc ollung ke:tumsunanc, mc:tinko kumko okumdok arang sorkomnam gasor kekondo:pc gva:nanc,

1 KORINTIANG KVDVNG 13:13

Cdcmpidag, mc:jvgc, mc:tinc, aipc mc:namc dungkolo du:mvndag, cdc awumdok, cmpige:la odok bottarya:ncdc aipc mc:namdc.

1 TISSALONIANG 5:5

Kapcnc nolu appvngc pva:lok ommangc odokkc longclok ommangc; ngolu yumclokkcmang cdcmanggom kcmolokkcmang.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

2 KORINTIANGKVDVNG 6:7

dormokanamdok yoktung-katokki lagbvk alakdok lcgangc odokkc lakkedok lcgangc;

IPESIANG KVDVNG 6:23

Bvrrangkvdv:do:pc mcnganc dungka:langka, odokkc mc:jvgkokki ayangc, Abu Ru:ncpvnckolokkc odokkc Ru:tum Jisu Kristokolokkc.

GALATIANG KVDVNG 5:5

Kapcnc Yalodokki, mc:jvgki, ngolu dormokanamdcm toya:la toka:la dung.

2 TISSALONIANG 2:16

Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,