1 TISSALONIANG 5:21 - ANU LUGOD N. T. (BSI)

²¹ okodc aidagji kvnggv:pc gagla du:lang,

1 TISSALONIANG 5:21 ပူးပေါင်းရင်းမြစ်များ

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

IPESIANG KVDVNG 5:10

odokkc okodc Ru:tummc aipc mc:lvgsumodagji kinpc cmna itoka.

AGER KVDVNG 17:11

Cdcmpc inamc cdc Jiwukvdv:dc Tissalonika kvdv:dok Jiwukvdv:dcmyam asin aiya:dagai, kapcnc bulu airu:pc longgcm longgcm astorong agomkvdv:dcm lukamdcmpc idagji ima:ji cmna ka:la tadtvla agomdcm torvgsuto.

LU:KKC 12:57

“Odokkc nolu kapila avyc avkcm kcbangcm ba:suma:n okodc arodagji?

PILIPIANG KVDVNG 4:8

Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

ROMANKVDVNG 12:9

Aipc mc:namc mc:jup mcngkaplangkangka; tayumlang okodc aima:nc agercji, gagla du:lang okodc aidagji;

LUNGOR LUNAM 3:3

Mc:pa:toka cdcmpcmvlo no okodcm torvgsutonc odokkc tattonc; cdcm gagla du:toka, odokkc mc:dvrra asinc mc:latsutoka. No kinsuma:mvlo, ngo dopsongkoncmpc gvyc, odokkc no kinma:yc oko ayirdo ngo nokkolo:pc gvycji.

PILIPIANG KVDVNG 3:16

Ngolu kajc okodcm pa:toji cdcmong aropc gagbomna du:lai.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

PILIPIANG KVDVNG 1:10

Odomvlo jen nolu okodc appvngcm aiya:dagji aidag cmna luycpc, odokkc Kristokc longcdok lcgangc angunna odokkc aimang cmna lukosuma:pc du:ycpc.

JO:N 8:31

Jisubv odo Jiwukvdv:dcm luto sc:kobulu mc:jvgtoji,

LUNGOR LUNAM 2:25

nokkc okko du:ji cdcm gaglangong du:toka, ngo gvkuma:sisscm.

HIBRIUKVDVNG 10:23

Kajc ngoluk mc:tinnamdok pesunamdcm gagtvla du:lai olototo:pc bcngo:ma:pc, kapcnc sc:kobv pesutoji mc:jvg jvrvgdag;

2 TISSALONIANG 2:15

Cdcmpila odokkc, bvrokvdvnga, kvnggv:la du:toka odokkc itcng-gvtcngcm gagtvla du:toka okodcm ngolukkokki nolum luyirbitungaji, agomkokki cdcmanggom nappangkokki cdcmanggom do:jvgkokki.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

JO:N 15:4

Ngok dungkolo du:mvnnangka, odokkc ngo nolukkolo du:mvnyc. Rcngke:dc avyc kapc a:yc e:sula:ma:nc, angur amv:lo cdc sanggabmvnna du:ma:sisscm, nolusin e:la:mang, ngokkolo nolu du:ma:mvlo. Ngo angur amv:dc, nolu rcngke:kvdv:dc.

LUNGOR LUNAM 3:11

Ngo lomdanna gvdu:bong; nokkc okodc du:ji kvnggv:pc gagla du:toka, odomvlo jen sc:kosin nok migom dumlubcm rotpakma:ycpc.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

2 TIMOTI 4:14

Alekjandarbv ta:m attar moncdc kvnggv:pc ngom aima:pc luksanmoto; Ru:tumbv bvm bvk aima:nc ager gernam kvdv:dok lcgangc palvgcm lvgycpc.

2 TIMOTI 1:15

No kinna dung jc Asia:do du:nc appv:dc ngokkolokkc gvpakka, odokkc buluk ara:lok Pigelu:bv odokkc Hermogenebv.

1 KORINTIANG KVDVNG 2:11

Kapila:nc oko amidc tani:akolok mc:namcm kindon tani:dok bvk ara:bok du:nc yalodcwongma:mvlo? Cdcmv:pc Ru:ncpvnckc mc:namsagnamdcm sc:kosin mingkinmang Ru:ncpvnckc yalodcwongma:mvlo.

AGER KVDVNG 11:23

Cdvlo bulu gvla Ru:ncpvnckc ayangcm ka:begtoji, bv mc:pokang; odokkc Ru:tummc mc:jvgla du:ncpc idopc luyircm luto lo:dvscm mc:la gvangkunamdcmpc du:dopc;

2 TIMOTI 3:6

Kapcnc buluk ara:dok cdc sc:kobulu cra:lo:pc buluk lambcm gva:dag odokkc milbomago:nc nc:ngkvdv:dcm gagdag, pa:bcm jo:dag odokkc angu angu mc:nam agercm gerdag,

GALATIANG KVDVNG 6:10

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

1 TISSALONIANG 5:22

aima:nc ager appv:lokkc gc:rlangka.