1 TISSALONIANG 5:11 - ANU LUGOD N. T. (BSI)

¹¹ Cdcmpidag akoncm akonc asincm pvtamolang odokkc akoncm akonc mosa:lang, kappar nolu ila du:ji.

1 TISSALONIANG 5:11 ပူးပေါင်းရင်းမြစ်များ

IPESIANG KVDVNG 4:29

Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

HIBRIUKVDVNG 10:25

lckopc rvgsunammcm mc:yamc:sama:pc, akke kapc iyitdagji, cmpige:la akoncm akon lusv:lvgla, odokkc appv:dcmyam nolu ka:toka Longcdc aninpc pvnga:du:bong.

ROMANKVDVNG 15:2

ngoluk appvngc kajc bvkkc bvkkc kumrvko:rcm bvk ainam lcgangc bvm aikampomopc cmna aipc mc:molai.

HIBRIUKVDVNG 3:13

Cmpige:la akoncm akonc longgcm longgcm luyirmvnsulang, cddvlo:pc “silo” cmna luycji, jc nolukkolok sc:kosin pa:pdok yadnamdokki asin torma:ycpc.

1 TISSALONIANG 4:18

Cdcmpidag akoncm akonc mc:pomvnsumotoka sc agomkvdv:sokki.

ROMANKVDVNG 14:19

Kajc cmpcmvlo okodc mcnganmodagji luyirra lubilai odokkc lckolakkopc owudpc mosa:dagji.

1 KORINTIANG KVDVNG 14:12

Cdcmpidag noluk avkcpc; nolu Yalodok lcngkansunamdcm kvnggv:pc mc:dag, mondoli:do mosa:lvgpc aipakpc mcma:ru:pc akoncmyam akonc gvgctoka.

IPESIANG KVDVNG 4:12

Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc.

JU:D 1:20

Cmpige:la nolum mc:bomsunamkvdvnga, av-avyc nolu mosa:sutoka noluk airu:pc angunnc mc:jvgnam kvdv:dokki; Angunnc Yalodo Kumnangka;

IPESIANG KVDVNG 4:16

Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.

1 KORINTIANG KVDVNG 10:23

“Appvng attarc lujvg-luro lukamdcmpc idag,” ckvdaggom appvng attarc idum-gvdumsumang. “Appvng attarc lujvg-luro lukamdcmpc idag.” Ckvdaggom appvng attarc tayc:pc mosa:lvgmang.

2 PITOR 1:12

Cdcmpidag ngo lo:dv:scm mc:dag nolum mc:pa:dopc sc agomkvdv:scm, nolu cdcmbulum kindagcigomsin odokkc cdc nolukkolo du:nc arodo mogablvgto.

2 KORINTIANGKVDVNG 12:19

Siddv longcko ngolukkc gvmurc kamang cmna yaddung cmnai mc:du:n? Cdc Ru:ncpvnckc kangkolo:jc ngolu Kristokolo agom ludung, odokkc nolum appvngcm aimopc cmna:mvn aipc mc:bomsunam kvdvnga.

1 KORINTIANG KVDVNG 14:29

Anyikoba: awum lungor lunncm lumotoka, odokkc akedcm asino:bo mcngka:la ka:motoka okodcm lutoji.

ROMANKVDVNG 15:14

Ngo av avyc noluk agomcm mc:tv:sudag, ngok bvrokvdvnga jc nolu av avkvdv:dc ainammc pv:namkopc dung, appvng kinnam-pa:namc bi:la dung, odokkc akoncm akonc luyirla:dag.

1 TIMOTI: 1:4

cdcmanggom bulu av avkvdv:dc leke do:yvngc odokkc kvtcr kama:nc ope:ncgvng do:yvngcm kvla du:ma:dopc okodc mc:namcm mcnggo:modagnc taycng agom luyirnamdcmyam ima:pc okodc mc:jvglo:ji,

1 TISSALONIANG 4:10

odokkc aropakpci nolu Makedonia:dok bvrokvdv:dcm nolu aipc mc:dag. Cmpige:la ngolu nolum luyircm lula lusv:dung, bvrokvdvnga, cdcmpc iyang iyangla gvdopc, ansvngo:pc du:pc bottcpc mc:tinna turradu:dopc,

1 KORINTIANG KVDVNG 14:5

Su:pak ngo nolu appvngcm angu agomki lutoka cmna mc:dag, cmpige:la cdcmyam luya:toka. Sc:kobv lungorcm ludonc sc:kobv angu agomki ludonc bvm bottaya:dag, sc:koiyc lukonsubiru:ma:mvlo, odomvlo jen mondoli:dc aiya:la gvdopc.