1 TISSALONIANG 4:3 - ANU LUGOD N. T. (BSI)

³ Kapila:nc sc Ru:ncpvnckc mcngkamdc, noluk angunna gvnamdc; jc nolu aima:pc, mc:boka:bonamlokkc (nc:ng milbong ka:bomc:bonammc) gc:rlangka;

1 TISSALONIANG 4:3 ပူးပေါင်းရင်းမြစ်များ

1 PITOR 4:2

lcdukc ayir appv:dcm adin amvrdo cdvlosin tani: mc:bo-ka:bokima:bong cmpige:la Ru:ncpvnckc mcngkamki turpc cmna.

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

HIBRIUKVDVNG 13:4

Noluk ara:lo yamnc gvnam-la:namc aipc mcnggcsuka:langka, odokkc midang monamdok asubc narc:pc:scng ka:langka; kapcnc Ru:ncpvncbv aima:pc asin gcnckvdv:dcm odokkc ami miycng langgo:nckvdv:dcm kcbangcm ba:ycku.

IPESIANG KVDVNG 5:17

Cdcmpidag okkomsin monba:ncmpc iyoka, cmpige:la Ru:tumkc asin mc:namdc okkoji kintoka.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

1 TISSALONIANG 4:4

nolukkolok appvngc kinnang kapc appvngc avkcpc angunna odokkc mcnggcla yamncm la:pcnammcji,

GALATIANG KVDVNG 5:19

Su:pak adin amvrdok agerkvdv:dc lendanna dung: nc:ng milbo:pc gvmang la:ma:pc la:mvnsunam, narc:ma:nam, ka:bomc:bogo:la gvnamc,

1 JO:N 2:17

Odokkc mo:pvsc yogpakycpc, odokkc mc:boka:bonam kvdv:dc; cmpige:la sc:kobv mcngkampc agercm gerdonc lo:dvscm du:mvndo.

METIU 7:21

“Ngom ‘Ru:tuma, Ru:tuma,’ cmnc appv:dci taycngamong migom dokodo:pc gvangkuma:yc, cmpige:la sc:kobvi taycng amo:tok du:nc ngok Abukc mcngkamdcmpc agercm gerycnc bv:ong gva:ycku.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

2 TISSALONIANG 2:13

Cmpige:la ngolu Ru:ncpvncmc lo:dcm aipai bipcrung idag noluk lcgangc, bvrokvdvnga Ru:tumkolo mc:bomsunamkvdvnga, kapila:nc Ru:ncpvncbv nolum lendodokkcbong motudopc cmna balento, Yalodokki narc:dopc mopu:la odokkc arodo mc:jvgnamdokki.

HIBRIUKVDVNG 10:36

Kapcnc nolukkc mentumsunamcm mapcnammc, odomvlojen nolu Ru:ncpvnckc mcngkamdcm iycpc odokkc okodcm pesutoji pa:ycpc.

IPESIANG KVDVNG 6:6

amigc ka:la du:namkokki gernamo:mang, tani:ycm aipc mc:monammcmpc, cmpige:la Kristokc ager gerya:ncpc, asinkokki Ru:ncpvnckc mcngkampc agercm gerla.

1 KORINTIANG KVDVNG 7:2

Ckvdaggom aisi:ma:nc ager gerrv:namlo ankang kangkvnamkokki, appvng milbong taniyc bvk nc:ngko du:pa:do odokkc appvng nc:nglokkc bvk avkc milbongc du:pa:do.

AGER KVDVNG 15:29

jc nolu okodcm murti:lo palvgtagji odokkc gertoka odokkc i:lokkc odokkc okodcm lv:polok yumna yumkedagji odokkc amikc nc:ngcm la:binamlokkc. Nolu avyc odokbulukkc odokkcm gc:rsula du:la:mvlo, nolu aincm iyc. Cdcbong.”

1 TISSALONIANG 5:18

Kapila:nc cdcna Ru:ncpvnckc noluk lcgangc Kristo Jisukolo mcngkamc.

MARKKC 3:35

Sc:kobvi Ru:ncpvnckc mcngkamdcmpc iycnc bv ngok bvrrangc, odokkc bvrmc, odokkc annc.”

1 PITOR 1:2

Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

KOLOSIANG 1:9

Odokkc cdcmpila, ngolu cdcm tadbegdo longcdokkc, ngolu noluk lcgangc kumngasumang, ngolujen Bvk mcngkamdcmpc kinnamki odokkc mcngkinnamkokki Ru:tumkolo arckanc turnamcm turgcboycpc cmna.

2 KORINTIANGKVDVNG 12:21

Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

JO:N 4:34

Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.

METIU 15:19

Kapila:nc asin ara:bokkc aima:nc mc:nam sagnamc lendag, tani: mokenammc, ami nc:ngcm la:namc amilo gvma:dapc ika:mvnsunammc, dopso:nammc, yadla lubisunamc, aima:pc luka:nam.

METIU 12:50

Kapila:nc sc:koi ngok taycng among abukc mcngkamdcmpc idogvdonc bvci ngok bvrro, odokkc bvrmc, odokkc annc.”

KOLOSIANG 4:12

Ipapra:bv sc:kobv nolukkologvng akoncji, Kristo Jisukc pagbo akoncji, nolum kumtadsudag, lo:dv:scm airu:pc bvk kumkolo mc:pa:la, jc nolu kinncpa:ncpc du:ycpc odokkc Ru:ncpvnckc appvng mcnggodlo pv:namkopc arro cmna mc:la.

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

AGER KVDVNG 20:32

Odokkc Bvk ayang abonamdok agomdo:pc tolvgdung, okodc nolum mosa:pc mosa:ladagji odokkc nolum sc:kobulum narc:pc mopu:tonc buluk du:tcngcm du:bomdopc imola:dagji.

AGER KVDVNG 15:20

Ckvdaggom bulukkolo:pc adpcnammc murti:ycm kumlusula kumnamcm mcpakdopc odokkc nc:ngcm aima:pc mc:boka:bo kolokkc odokkc okodc okkom yumkela dodagji odokbulukkc.

JO:N 7:17

tani: akolokkc bvk mcngkamcm ipc cmna mc:mvlo bv kinyc luyirdc Ru:ncpvnckolokkcyc: ma: ngo avkc lulang-gvlangkokki ludu:yc.

HIBRIUKVDVNG 12:16

jc sc:kosin aima:n ager gerncpc cdcmanggom Esaukcmpc dormo kama:pc ipcma:namc, sc:kobv bvk ododokkcbong pa:nam onam sottom apin kosak lcgangc kopaksutonc.

ROMANKVDVNG 1:29

Bulukkc appvng aisi:ma:nc ager gernam ipa:ma:nam ager, ka:bomc:bonam, ncnamc pv:namkopc dungai. Mirupc mc:namongc bi:la, tani:mokenc, pamvnsunamc, yadnamc, cmpcsin ka:lv:mvnsuma:namc, bulu pvsvpasapc agom luka:mvnsunc,

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

METIU 5:32

Cmpige:la ngo nolum ludungkc sc:kobvi avkc nc:ngcm mcpakdokunc, aima:nc ka:bo-mc:bomvnsunamlok ma:mvlo, bvm amikc milbongkokki la:mvngvmvnsumonampc idag; odokkc sc:kovi mcpakkunam nc:ngcm la:donc, amikc nc:ngcm bv:sin la:nampc idag.

1 TISSALONIANG 4:2

Kapila:nc ngolu oko luyircm Ru:tum Jisukolo nolum bikanc kindag.