1 TISSALONIANG 4:17 - ANU LUGOD N. T. (BSI)

¹⁷ odokkc ngolu sc:kobulu turra du:ji, sc:kobulum mcpaktagji, buluk lcdulo lckko:pc la:sa:bomycku Ru:tummc mukka:lo csardo rvgsukapc; odokkc ngolu lo:dvscm Ru:tumkc lcdulo du:mvnyc.

1 TISSALONIANG 4:17 ပူးပေါင်းရင်းမြစ်များ

1 KORINTIANG KVDVNG 15:52

vgcmpc, amigc migyabla, lcddarkc tu:lu muddodo. Kapila:nc tu:lu:dc bc:yc, odokkc sinckvdv:dcm sikuma:dopc tursangammoycku, odokkc ngolu badyugsuyc.

LUNGOR LUNAM 11:12

Odo bulu bottcru:nc gomugko tadbegto taycngtokkc bulum, “Kajc so:pc gvtok!” Cmna lunamko odokkc buluk mirukvdv:dok kangkolo taycngpc mukkangkolo dc:sangkang.

JO:N 14:3

odokkc cdvlo ngo gvlangkula noluk lcgangc dungkoko mosv:yckumvlo, ngo lckoda gvlatycku odokkc ngo nolum ngokkolo:pc la:rvgsuycku, ngo okolo du:yckunc nolusin odo du:yckupc.

1 TISSALONIANG 4:15

Kapila:nc odok lcgangc ngolu Ru:tumkc agomdokki nolum lubido, jc ngolu sc:kobulu turra du:nc, sc:kobulum Ru:tumbv gvkuma:sisscm lc:paktagnc, cdc sinckvdv:dcmyam gvpongkuma:yc.

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

AGER KVDVNG 1:9

Odokkc Bv cdvlo cdcm lutonc, bulu ka:la du:dodcm, Bvm tayc:pc la:sa:to, odokkc mukkang atakkonc Bvm ka:pv:langkuma:dopc dc:pakbomkangku.

JO:N 17:24

“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

AGER KVDVNG 8:39

Odokkc cdvlo bulu asidokkc sv:sa:tokuji, Ru:tumkc Yalodc Pilipmc yv:sa:bomtoku odokkc bv bvm lckoda cdvlosin ka:begmotokumang, odokkc bvk lambcdok mc:po mc:pola gvkangku.

METIU 26:64

Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

LUNGOR LUNAM 12:5

bv milbong awoko pa:to, cdc sc:kobv opvn appv:dcm yogvr dangi:asongki bomna migom doyckuji, cmpige:la bvk awodcm Ru:ncpvnckolo:pc la:sa:to odokkc Bvk migom dungkodo:pc

2 KORINTIANGKVDVNG 5:8

Ngolu asinc bottapc mc:sudo, odokkc amvrdokkci mo:tc:yc odokkc Ru:tumkolo mcngkampc du:mvnyc.

MARKKC 14:62

Odokkc Jisubv luto, “Ngowvng; odokkc nolu tani:kc Awodcm bottap mcngcsunamdok tayc:do teddopc ka:begyc, odokkc taycng do:mvrtok mukkangkokki gvdokupc ka:begyc.”

PILIPIANG KVDVNG 1:23

Ngom anyidok ara:do ncrkeptag. Ngok mc:namdc gvpakkupc odokkc Kristokc lcdulo du:mvnkupc, kapcnc cdc airu:pc aiya:dag.

2 PITOR 3:13

Cmpige:la Bvk pesunamdcmpc ngolu anu taycng among odokkc anu mo:pvko toya:la dung okodo dormokanamdc dagycji.

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

1 TISSALONIANG 4:18

Cdcmpidag akoncm akonc mc:pomvnsumotoka sc agomkvdv:sokki.

1 TISSALONIANG 5:10

sc:kobv ngoluk lcgangc sika:ji odomvlo jen ngolu darra du:daggom cdcmanggom yubla du:daggom ngolu Bvk lcdulo turra du:ycpc.