1 TISSALONIANG 3:6 - ANU LUGOD N. T. (BSI)

⁶ Cmpige:la su:pak jc Timoti:bv ngolukkolo:pc gvdo nolukkolokkc, odokkc noluk mc:jvgdok tadponc lutaddokla: aipc mc:namdok bombido odokkc lubitung jc nolu lo:dvscm ngolum aya:pc mc:la mc:pa:dodokkc ngolum ka:lv:dag,

1 TISSALONIANG 3:6 ပူးပေါင်းရင်းမြစ်များ

1 KORINTIANG KVDVNG 11:2

Ngo nolum aidag cmna ludo kapila:nc nolu ngom appv:lo mc:pa:dag odokkc itcng-gvtcng kvdv:dcmsin idag ngo kapc cdcmbulum nolum bitoji.

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

AGER KVDVNG 18:5

Cdvlo Sila:bv:lang Timoti:bv Makedonia:dokkc gvpv:tonc, Poulbv lutad lubila lumi-miri:la dungai, Kristobv:jc Jisubvai cmna Jiwukvdv:dcm lukan lubila dungai.

PILIPIANG KVDVNG 1:8

Kapcnc Ru:ncpvncbv ngok lukanbinnc, kapc ngo noluk appvngkc lcgangc aipc mcngkesula sitoji Kristo Jisukc aipc mc:namki.

1 JO:N 3:23

Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.

HIBRIUKVDVNG 13:7

Noluk gvgurla gvgcbonc kvdv:dcm mc:pa:langka, cdc sc:kobulu nolum Ru:ncpvnckc agomcm lubitoji; Buluk turnamkvdv:dokki kapc ikaji cdcm ka:langka, odokkc buluk mc:jvgkvdv:dcm mc:jvgkaimvnsulang.

HIBRIUKVDVNG 13:3

Mc:pa:langka cdc sc:kobulu makana:lo tumtu:ji, buluk lcdulo makana:lo tumnamvngcmpc; odokkc cdc sc:kobbulum aisi:ma:pc itag-gvtagji, kapc nolusin cdc amvr atcrdo du:la:yam.

PILEMON 1:5

Kapila:nc ngok aipc mc:namclang mc:jvgcm taddag okodc nokkc Ru:tum Jisukcpc du:ji odokkc aipc kumnc tani: appv:dokkcpc,

2 TIMOTI 1:3

Ngo Ru:ncpvncmc aipai bido sc:kom ngo narc:pc mc:nam-sagnamki agercm gerbodoji, kapc ngok abukvdv:dc ika:ji, cdvlo ngo mcma:pc ngok kumkolo mc:pa:doji.

1 TIMOTI: 1:5

cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

1 TISSALONIANG 2:17

Cmpige:la ngolu nolum mcpansutonc, bvrokvdvnga, adjio:kopc, tani:pc asinkokkimang, ngolu kvnggv:pc anna ka:to odokkc kvnggv:pc nolum dumsi migmom kcra:pc ka:rvgmvnsulv:to;

1 TISSALONIANG 2:9

Kapcnc nolu ngoluk ager gernamclang kvnggv:pc ager gernamcm kindag, bvrokvdvnga; ngolu yummcmnang longgcm agercm gerto, odomvlo nolukkolok sc:komsin jo:namko jo:dopc ima:dopc, cdvlo ngolu Ru:ncpvnckc tadponc lutaddcm nolukkolo lubitoji.

KOLOSIANG 4:18

Ngo, Poulbv sc kumtadsunamscm adtung ngok avkc alagki. Ngok ikoli: rvbvkvdv:dcmbulum mc:pa:langka. Noluk lcdulo ayangc dungka:langka.

KOLOSIANG 1:4

lcga:dc ngolu taddung noluk Kristo Jisukolo mc:jvgnam odokkc noluk aipc mc:namdcm appvng aipc kumnc tani:kvdv:dok lcgangc.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

1 KORINTIANG KVDVNG 13:13

Cdcmpidag, mc:jvgc, mc:tinc, aipc mc:namc dungkolo du:mvndag, cdc awumdok, cmpige:la odok bottarya:ncdc aipc mc:namdc.

AGER KVDVNG 18:1

Odok lcdupc bv Etendcm mcto odokkc Korintodo:pc gvto.

AGER KVDVNG 16:1

Odokkc bv Derbi:do:pclang Listra:do:pcsin gvto odo agom tadjvgla gvmvnnc tani: ako dungai, Timoti: cmnamko, Jiwu nc:ng akodok awokonc sc:kobv mc:jvgnc tani:ka:ji; cmpige:la bvk abudc Girikkai.

1 TISSALONIANG 3:7

ngolu kapc nolum ka:lv:dagji–sok lcga:sok, bvrokvdvnga, ngoluk appvng dungkoycko kamangkolo, du:g gvnamlo odokkc asin mc:dvrro ngolum nolukkokki noluk mc:jvgkokki mc:pomoto;