1 TISSALONIANG 3:3 - ANU LUGOD N. T. (BSI)

³ jc sc:kosin ipusire:sokki cngunma:ycpc cmna. Nolu av avkvdv:dci kindag jc cdc ngoluk pa:pcnampc ipcnammc.

1 TISSALONIANG 3:3 ပူးပေါင်းရင်းမြစ်များ

LU:KKC 21:12

Ckvdaggom sc appv:sok po:pc bulu nolum alagcm pigabla nolum irvsinyyom ingapyc, nolum kumko okumkvdv:do togcngamlvgla odokkc makanang kvdv:do, odokkc nolum migomkvdv:dok kangkolo soangbomyc odokkc amo:ru:tum kvdv:dok kcra:lo ngok amin lcgangc.

JO:N 16:2

Bulu nolum kumko okumnokkcm mcnnenlvgyc; ncrkvgpc, ayirdc pvnga:du:bong cdvlo sc:kobv nolum mokeycnc bv Ru:ncpvncmc agerko gerbidung cmna mc:yc.

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

AGER KVDVNG 2:25

Kapila:nc Dawidbv Bvk agomcm lutag, ‘Ngo lo:dvscm Ru:tummc ngok kcra:pc ka:begto, kapila:nc ngo cngunma:ycpc cmna Bv ngok lagbvk alagpc dung;

AGER KVDVNG 21:11

Odokkc ngolukkoso:pc gvge:la bv Poulkc tongali:dcm langge:la bvk avkc alcdo:lang alakdo yc:lvgsuto, odokkc luto, “Cdcmpc Angunnc Yalodc ludag, ‘Cdcmv:pc Jerusalemdok Jiwukvdv:dc cdc tani:dcm ycnggabyc sc:ko sc tongali:scm bomdagji odokkc Angunnc tani:kvdv:dcm bvm bipakyc.’ ”

AGER KVDVNG 21:13

Odo Poulbv luto, “Nolu okkom idu:n, ngok asinscm kabla bedmodu:nci? Kapila:nc ngo makana:lo tumkosuppong cmnai mosv:sumang cmpige:la Ru:tum Jisukc amin lcgangc Jerusalemolo sipcsincimvn mosv:sutung.”

AGER KVDVNG 9:16

kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”

ROMANKVDVNG 5:3

Cdcmpcyamsin, ngolu ngolum ipusire:kvdv:do mc:pomola:do, ipusire: pa:dolo:sin mentumsula:nam tornamcm lenmodag cmna kinna:yam,

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

1 KORINTIANG KVDVNG 4:9

Kapila:nc ngo kindag jc Ru:ncpncbv ngolum appv:lok lcddarncdcm lcngkanto; sidopc lulvgnam tani:ycmpc; kapila:nc ngolu mo:pvsokkcpc, taycng among lutad lunckvdv:dokkcpc odokkc appvng tani:kvdv:dokkcpc ka:pc kare:nampc ikang.

IPESIANG KVDVNG 3:13

Cdcmpila ngo nolum ludung asinc mclvgma:pc ngo okkom noluk lcgangc ipusire:ycm pa:du:ji, okodc noluk amin gvnamcji.

PILIPIANG KVDVNG 1:28

odokkc noluk birudi:kvdv:dok okkomsin pcsoma:pc. Sc narcngo:pc bulum sinamcm ka:pangc, cmpige:la nolukkc motunamdc, odokkc cdc Ru:ncpvnckolokkc.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

1 TISSALONIANG 5:9

Kapcnc Ru:ncpvncbv ngolum aglv:la palvgnamdok lcgangc lc:mang, cmpige:la ngoluk Ru:tum Jisu Kristokokki moturcm pa:dopc cmna:mvn,

2 TISSALONIANG 1:4

Cdcmpidag ngolu Ru:ncpvnckc mondoli:do lubonsula av-avyc lusudo mcnggab garabla du:namdokki odokkc mc:jvgdok lcgangc noluk appvng ipusire: kvdv:do odokkc du:g gvnamlo okodcm nolu menbomna du:nc.

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

1 PITOR 2:21

Kapcnc odok lcga:pc nolum gogtung, kapcnc Kristobv:sin ipusire:ycm noluk lcgangc pa:to, nolum kanggodkopc lcngkanbila, jc nolu Bvk lckorcm kormvnpcnamc.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

LUNGOR LUNAM 2:13

Ngo kindag no okolo dagdoji, okolo Satan migom dungkodc:ji; Antipaskc longcdo ngom lukan lubinamdo:sinci no ngok amincm gagtvla dung odokkc no ngok mc:jvgcm lupaksutomang, ngok mc:jvgnc okodc sc:kom nolukkolo moketoji, okolo uidc du:doji.