1 TISSALONIANG 2:4 - ANU LUGOD N. T. (BSI)

⁴ Cmpige:la kapc ngolum tadponc lutaddcm togc:lvgdopc Ru:ncpvnc bvkkokki tolvgtonc, cdcmpila ngolu agomdcm ludo, tani:kvdv:dcm mc:lvgsumopc cmna imang, cmpige:la Ru:ncpvncmc mc:lvgsudopc sc:kobv ngoluk asinkvdv:dcm anka:la ka:dagji,

1 TISSALONIANG 2:4 ပူးပေါင်းရင်းမြစ်များ

GALATIANG KVDVNG 1:10

Ngo su:pak tani:lok mclvgbinamcm madu:nci, cdcmanggom Ru:ncpvnckolokkcm? Cdcmanggom ngo tani:ycm mc:lvgsumopc cmna ikvdu:nci? Ngo tani:ycm su:paksin aipc mc:lvgsumodu:mvlo, ngo Kristokc ager gerya:ncpc ipcma:namc.

ROMANKVDVNG 8:27

Odokkc sc:kobv tani:kvdv:dok asinkvdv:dcm madagji Yalodok mc:namdcm kindag, kapila:nc mc:jvgla kumnc tani:kvdv:dok lcga:pc Yalodc Ru:ncpvnckc asin mcngkamdcmpc kumbidag.

GALATIANG KVDVNG 2:7

Cmpige:la odok kekonpc, cdvlo bulu ka:to jc ngom tadponc lutaddcm gadpukma:nam kvdv:dok lcga:pc togc:lvgtak, kapc Pitormc tadponc lutaddokki gadpukma:nam kvdv:do:pc togc:lvgtagji.

2 TIMOTI 1:14

Angunnc Yalodokki oko arodcm nom togc:lvgtaganc aipc mc:toka okodc ngolukkolo du:ji.

IPESIANG KVDVNG 6:6

amigc ka:la du:namkokki gernamo:mang, tani:ycm aipc mc:monammcmpc, cmpige:la Kristokc ager gerya:ncpc, asinkokki Ru:ncpvnckc mcngkampc agercm gerla.

TITUS 1:3

sc:kobv cdvlosin lume:ycm luma:nc dv:tagkvdv:dok dv:tak po:pcbong pesubitoji odokkc lenpcnam ayirardo Bvk agomdo lcngkansuto lutad inamdokki okodokki ngom Ru:ncpvnckc lulvgkki ngoluk Motuncdc lugablvgtoji.

IPESIANG KVDVNG 3:8

Ngokkcpc, aipc kumnc tani: appv: dokkcmyam adji:ya:nc-daggom, sc aya:scm bitungai Angu tani:kvdv:dcm Kristokc mala malenna:ma:nam mitc-mircm kvdv:dcm lubidopc,

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

1 KORINTIANG KVDVNG 9:17

Kapila:nc ngo jodi cdcm ngok mcngkamkokki iyc, ngok amanc dung; cmpige:la ngok avkc ilvngkokki ima:mvlo, ngom bottapc gerpcnam agerkokki lulvgtag.

LU:KKC 16:11

Cdcmpcmvlo nolu dormo kama:nc murko:dok lcgangc mcnggapma:ncpc ika:mvlo, sc:kobv nolum aro mitcmircmdcm togclvgycn?

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.

HIBRIUKVDVNG 4:13

Odokkc Bvk kcra:lo oko ru:namcsin lc:sisula:mang, cmpige:la appv:dc moge:nammc odokkc Bvk amiglo ka:de:pc lc:tag okodokki ngolu ipcnammcji.

1 TIMOTI: 6:20

O Timoti, nom okodcm bigablvgtagnc ka:sv:mosv:toka. Dormokama:nc agom luke:nc kvdv:dcm mcpaktoka odokkc luyotmvnsunam kvdv:dcm okodcm lume:pc kinnam cmna ludoji,

KOLOSIANG 3:22

Pagbokvdvnga, mo:pvsok noluk ru:tumkvdv:dcm appv:lo lukamdcmpci tadlangka, amikki ka:la du:dodok agero:mang, tani:kvdv:dcm mc:lvgsummo:pcmang; cmpige:la asin atcrongkokki, Ru:tummc pcsola.

2 KORINTIANGKVDVNG 5:11

Cdcmpila:yam Ru:tumkc pcsodcm kinna, ngolu tani:kvdv:dcm mc:jvgdopc lubido; cmpige:la ngolu sc:kobuluji Ru:ncpvncbv kindag, odokkc ngo mc:dag cdc noluk mc:na sagnancsin kindag.

2 TIMOTI 2:2

odokkc no okodcm ngokkolokkcm tadtoji bojcrung lukanbinclokkcm mc:jvgnc tani:ycm togc:lvgnam sc:kobulu ammemsin poyirbila:dopc.

2 KORINTIANGKVDVNG 5:16

Su:pakkolokkc, cdcmpidag, ngolu sc:komsin tani: mcngkam sagkampc kinma:bong; cdcmpidaggom Kristomc lcko tani: mcnggodlok mc:la mcnggcdagagomsinci Bvm su:pak ngolu cdcmpc cdvlosin mcngkuma:bong.

1 KORINTIANG KVDVNG 7:25

Su:pak mida: moma:nc kvd:dok agomc, ngokkc Ru:tumkolokkc kvnggv:pc lulvgnammc kamang, cmpige:la ngo ngok mc:lenna lunamcm bidung Ru:tumkc ayang kokki akonc mc:tinsukampc.

JO:N 21:17

Bv lckoda lcumnapc tawuto, “Simona, Jo:nkc aowa, no ngom aipc mc:dagyc?” Pitorbv mc:nyv:la mcngkang lcga:dc bvm “No ngom aipc mc:dang?” cmna lcwumkopc tawula:yam. Odokkc bv Bvm luto, “Ru:tuma, no appvngcm kindag; no kindag jc ngo nom aipc mc:dag.” Jisubv bvm luto, “Ngok bera sobenkvdv:dcm kanggabla dogo:molangka.

LU:KKC 12:42

Odo Ru:tumbv luto, “sc:kobvn cmpcmvlo mc:jvgncla: mc:jvg kinncdc, sc:kom bvk ru:tumdc Bvk okumdok appv:dok ka:bomdagbomncpc togc:lvgycnc, bulum dodvlo donamcm bidopc?

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.