1 TISSALONIANG 2:13 - ANU LUGOD N. T. (BSI)

¹³ Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

1 TISSALONIANG 2:13 ပူးပေါင်းရင်းမြစ်များ

HIBRIUKVDVNG 4:12

Kapcnc Ru:ncpvnckc agomdc turra du:nc odokkc ager gerla du:nc, kekon-kesagdok radnc matsvgcmsin radya:nc, yalodoklang atma:dok du:pansukodo:pc tu:setsukodo:pc odokkc ammobo:pc gva:nc, odokkc asinlok mc:namkvdvngclang odokkc mcngkam kvdvngcm kinabla.

ROMANKVDVNG 10:17

Cdcmpinamc mc:jvgdc a:dag okodcm taddagji, odokkc okodcm taddagji Kristomc lutad lubinamdokkc a:dag.

1 PITOR 1:23

Nolum anupc otungkubong, yogpakpcnc ammolokkcmang cmpige:la yogpakma:nc-kokki,

1 PITOR 1:25

cmpige:la Ru:tumkc agomdc lo:dv longkvpc du:tvdag.” Cdc agomdc tadponc lutadc okodcm nolukkolo:pc lutadla lubito.

1 PITOR 2:2

Anupc onam Kowawcmpc, angunpc narc:nc gakvrdcm asinang olangka, jc cdcmpc ila nolu moturnamdo:pc sv:sa:ycpc;

LU:KKC 11:28

Cmpige:la Bv luto, “Ckvdaggom sc:kobulu Ru:ncpvnckc agomcm taddagnc odokkc cdcmbulum lukamdcmpci idagnc bulumvn gernc-pu:ncn.”

AGER KVDVNG 13:48

Odokkc cdvlo Ru:ncmc kinma:nc tani:kvdv:dc cdcm tattoji, bulu mc:pokang odokkc Ru:ncpvnckc agomdcm amincm gvmoto; odokkc cddv cddvkonc turyartvla turnamdokki vrnama:ji mc:jvgto.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

GALATIANG KVDVNG 4:14

odokkc ngok du:nam-dagnamdc nolukkcpc ipusire:pc ikangaji, nolu ngom tayumtomang cdcmanggom ngom yodpaktomang, cmpige:la ngom Ru:ncpvnckc taycng lutadkoncmpc torvgsuto, Kristo Jisukcmpc.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

AGER KVDVNG 17:11

Cdcmpc inamc cdc Jiwukvdv:dc Tissalonika kvdv:dok Jiwukvdv:dcmyam asin aiya:dagai, kapcnc bulu airu:pc longgcm longgcm astorong agomkvdv:dcm lukamdcmpc idagji ima:ji cmna ka:la tadtvla agomdcm torvgsuto.

KOLOSIANG 1:6

Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo.

LU:KKC 8:21

Ckvdaggom Bv bulum lubito, “Ngok ancdc odokkc ngok bvrrangkvdv:dc cdcbulu sc:kobulu Ru:ncpvnckc agomcm tadge:la lukamdcmpci idagji.”

JO:N 17:19

Odokkc buluk lcgangc ngo avyc tolvgsudung, bulusinjen arolo tolvgsuycpc cmna.

METIU 10:40

“Sc:kobv nolum torvgsudagnc bulu ngom torvgsudag, odokkc sc:kobv ngom torvgsudagnc bvm torvgsudag sc:ko ngom mclvgtagnc.

JO:N 17:17

Nok agomdc arro.

JO:N 15:3

Nolum ngok lubinam agomkvdv:dokki narcngcimotobong.

LU:KKC 8:11

“Su:pak cdc kvkanbila kvnam do:yv:dc sc:na: amni:dc Ru:ncpvnckc agomdc,

METIU 10:20

Kapila:nc cdc sc:ko ludagnc nolumang, cmpige:la cdc Yalodc noluk Abukc nolukkokki agom luncdc.

2 PITOR 3:2

jc nolu angunnc lungor-lunckvdv:dok ro:yampokc do:yvng kvdv:dcm mc:pa:pcnamc odokkc Ru:tumclang Moturnckc lulvg agomkvdv:dcm noluk mclvgla ager gernc tani:kvdv:dokkcm.

JAKOB 1:18

Bvk avkc mc:suki bv ngolum aro agomdokki langa:toku jc ngolu e:pongarnc a:yckvdv:dok akoncmpc Bvk ru:pongarnam kvdv:dokkc.

AGER KVDVNG 17:32

Cdcmpidodcm cdvlo bulu sinc tani:yc turkunamdcm tadtoji, akedc yirka:la luto; ckvdaggom akedc luto, “Ngolu lckoda sok agomcm tadycku.”

AGER KVDVNG 16:14

Noluk agom tadnckvdv:dok akonc Tiatira nogordok Lidia cmnam nc:ngkai, ba:yomcmpc genc attarcm konckonc, sc:kobv Ru:ncpvncmc kumncka:ji. Ru:tumbv bvk asindcm Poulbv okodcm lubitoji cdcm tadgapdopc kuge:moto.

AGER KVDVNG 10:33

Cdcmpila ngo nokkolo:pc vgcmpc gvto, odokkc aya:ru:la gvbito. Su:pak cdcmpila ngolu appvngc su:pak Ru:ncpv:nckc kangkolo dung, Ru:tumkc lulvgnam appv:dcm tadpc cmna.”

AGER KVDVNG 2:41

Cdcmpila cdc sc:kobulu bvk agom kvdv:dcm torvgsutoji baptismongcm langapto, odokkc odo baptismongcm bisetla bulu lv:ying awum kvramko yallo idagai.

AGER KVDVNG 8:14

Cdcmpc inamc Jerusalemdok mclvgla ager germonam kvdv:dc Samariangdo:sin Ru:ncpvnckc agomcm torvgsuto cmna cdvlo tadtoji bulu Pitormclang Jo:nmc bulukkolo:pc mclvgto,

LU:KKC 5:1

Ru:ncpvnckc agomcm tadpc cmna tani:kvdv:dc Bvm nv:rumbomnamc, Bv Genesaret siycng bottcnc pa:tang ru:yido dagla dungai.

HIBRIUKVDVNG 4:2

Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.