1 TISSALONIANG 1:5 - ANU LUGOD N. T. (BSI)

⁵ kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.

1 TISSALONIANG 1:5 ပူးပေါင်းရင်းမြစ်များ

MARKKC 16:20

Odokkc bulu gvngapkang odokkc appv:lo lutadbigo:to, Ru:tumbv buluk lcdulo germvnto odokkc lutad lunamdcm arro cmna odok kanggodkvdv:dokki lcngkanamto. Amen.

LU:KKC 1:1

Sc:kobulu lendodokkcbong amikkokki ka:nckvdvnga:nc odokkc agomdok lutadbigo:ncp ika:ji, bulu ngolum luyirkamdcmpc,

AGER KVDVNG 11:21

Odokkc Ru:tumkc alagc bulum lagribomna dungai, odokkc odok bojcrungc mc:jvgnc kvdv:dc Ru:tumkolo:pc gvlattoku.

AGER KVDVNG 16:14

Noluk agom tadnckvdv:dok akonc Tiatira nogordok Lidia cmnam nc:ngkai, ba:yomcmpc genc attarcm konckonc, sc:kobv Ru:ncpvncmc kumncka:ji. Ru:tumbv bvk asindcm Poulbv okodcm lubitoji cdcm tadgapdopc kuge:moto.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

ROMANKVDVNG 1:16

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

ROMANKVDVNG 2:16

ngok tadponc agomdcmpc, Ru:ncpvncbv tani:lok lc:sinam kvdv:dcm kcbangcm Kristo Jisukkokki ba:dag.

1 KORINTIANG KVDVNG 1:24

ckvdaggom sc:kobulum gogtagnc, Jiwuclang Girik anyipagcm, Kristobv Ru:ncpvnckc ilang gvlangc odokkc Ru:ncpvnckc kinnampa:namc.

1 KORINTIANG KVDVNG 10:33

ngo kapc appvng agercm gerdon appvng tani:ycm mc:lvgsudopc ikvla ka:do, ngok avkc ainamcm masuma:pc, cmpige:la bojcrungc aidopc, bulujen turdopc.

1 KORINTIANG KVDVNG 3:16

Nolu kinma:nci nolujc Runcpvnckc Yalodc:jc nolukkolo du:dag cmna?

1 KORINTIANG KVDVNG 3:6

Ngo lelvgto, Apollo:bv asidcm pvlvgto, cmpige:la Ru:ncpvncbv sa:moto.

1 KORINTIANG KVDVNG 4:20

Kapila:nc Ru:ncpvnckc migomdoko amo:dc agom lukolo du:mang cmpige:la ilang-gvlanglo:pak.

1 KORINTIANG KVDVNG 9:14

Cdcmv:pc, Ru:tumbv kvnggv:pc lulvgto jc cdc sc:kobulu tadponc lutaddcm ludoji turnancm tadponc lutaddokki pa:pa:do.

2 KORINTIANGKVDVNG 3:6

sc:kobv ru:toji anu lugoddok migom ager gerncpc ngolum motoji, jvgnam lujvglurolo:mang cmpige:la Yalodo; kapila:nc adnam lujvglurodc mokedag, cmpige:la Yalodc turnamcm bidag.

GALATIANG KVDVNG 2:2

Ngo lungor lunamki gvto; odokkc ngo buluk kcra:do (atckpc cmpige:la sc:kobulu amin gvdagaji buluk kcra:do) tadponc lutaddcm lubito okodcm ngo angu tani:kvdv:dok kcra:lo lutadbitoji; ckvma:mvlo ngo kapcjila ngo ipusire:ycm pa:ycpc cdcmanggom cmmumpc ipusire: pa:to.

GALATIANG KVDVNG 5:5

Kapcnc Yalodokki, mc:jvgki, ngolu dormokanamdcm toya:la toka:la dung.

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

IPESIANG KVDVNG 3:20

Su:pak Bvkkcpc ager gernc ilang gvla:dokki ngoluk ara:sok du:nc bojcru:yangko pv:sepv:yeycpc ila:ya:dag ngoluk konamc cdcmanggom mc:nam kvdv:dcmyam,

PILIPIANG KVDVNG 2:13

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

PILIPIANG KVDVNG 4:9

Nolu okodcm kinyirsutonc odokkc torvgsutonc odokkc tadtonc odokkc ngokkolo ka:tonc, gertok; odokkc mcngandok Ru:ncpvncbv nolukkolo du:mvnka:langka.

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

2 TISSALONIANG 2:14

Su:pakpc Bv nolum tadponc lutaddokki gogto, odomvlo jen nolu ngoluk Ru:tum Jisu Kristokc amin gvnamdcm pa:ycpc.

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

2 TIMOTI 2:8

Mc:pa:toka Jisu Kristomc, sikolokkc turkuncdcm, Dawidkolokkc lennc, ngok tadponc lutaddo kapc lutoji,

HIBRIUKVDVNG 10:22

kajc aro asinki kcra:pc gva:lai mc:jvgc pv:namrungko du:la, ngoluk asinkvdv:dc abkatla narc:la odokkc aima:si:ma:nc mc:namlokkc odokkc amvrkvdv:dcm angunnc asikokki.

HIBRIUKVDVNG 6:11

Odokkc ngolu mc:dag noluk appvngc c:mo:pinc kvnggv:pc mc:namcm pv:namkopc mc:tindokkc du:tcrdo:pc du:ma:sisscm lcngkanka:langka cmna,

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

1 PITOR 1:3

Ngoluk Ru:tum Jisukc Abudc akirba:d pa:ncpc ika:langka! Bvkkc bottcru:nc aya:pc mc:namki ngolu anupc turkangku Jisu Kristokc sikolokkc lckoda turkunamdokki mc:tintvla du:tvnamdo:pc,

1 PITOR 5:3

anyi:sunam arcpa:nam lcga:mang cmpige:la airu:pc ilvng gvlv:la, ru:tumpc ila cdc nok ka:pcnam kvdv:dok tayc:do cmpige:la kcrc:dok gvgcnc akopc ila:pak.

2 PITOR 1:10

Cdcmpidag, bvrrangkvdvnga, bojcya:pc mc:bola ager gerncpc itoka nolum gognamdcmlang balennamdcm aroru:pc mcnga:supc, kapcnc jodi nolu cdcm iyc nolu cdvlosin ilang gvla:ma:pc ima:yc;

2 PITOR 1:19

Odokkc ngolukkc cdc lungor lunam agomdc dung abaya:pc aroya:pc lunamdc. Nolu scm aipc mcnga:la aipc iyc mcruc kapc kcmonc mo:takkolo dorra du:namcmpc, cdc longcdc pva:ma:dodo:pc odokkc cdc ro:rokomlok takardc noluk asin ara:bo karma:sisscm.