1 TISSALONIANG 1:3 - ANU LUGOD N. T. (BSI)

³ ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

1 TISSALONIANG 1:3 ပူးပေါင်းရင်းမြစ်များ

1 KORINTIANG KVDVNG 13:13

Cdcmpidag, mc:jvgc, mc:tinc, aipc mc:namc dungkolo du:mvndag, cdc awumdok, cmpige:la odok bottarya:ncdc aipc mc:namdc.

LUNGOR LUNAM 2:19

Ngo kindag nok agerkvdv:dcm, nok aipc mc:namdc odokkc mc:jvgdcm odokkc ager gernamcm odokkc mcyinsula mentumsula du:namdcm, odokkc jc nok lcdukcdc ipongarnamdcm aiya:dag.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

2 TISSALONIANG 1:11

Odok lcga:pc ngolu lo:dvscm noluk lcgangc kumdo, jc ngoluk Ru:ncpvncbv Bvk gognamdcmpc arckapc imodopc, odokkc appvng ainc agom lulen luangcm odokkc mc:jvglok agercm Bvk ilang gvlangkokki gerpvtdopc,

1 JO:N 5:3

Kapcnc cdcna Ru:ncpvnckc aipc mc:namdc, jc ngolu Bvk lulvg lunam kvdv:dcm gagdo. Odokkc Bvk lulvg lunam kvdv:dc jo:la:ma:pc inammang.

GALATIANG KVDVNG 6:9

Odokkc kajc ngolu ainc agercm gerla du:tvla gerdvryoka, Kapila:nc gaddvlo ngolu gadycku, ngolu jodi asincm mclvgma:mvlo.

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

1 TISSALONIANG 3:6

Cmpige:la su:pak jc Timoti:bv ngolukkolo:pc gvdo nolukkolokkc, odokkc noluk mc:jvgdok tadponc lutaddokla: aipc mc:namdok bombido odokkc lubitung jc nolu lo:dvscm ngolum aya:pc mc:la mc:pa:dodokkc ngolum ka:lv:dag,

1 JO:N 3:18

Ameo:nc ommang kvdvnga, kajc ngolu gompir gomugongcba: agom lunamongki aipc mc:yoka cmpige:la agerkokki odokkc arokokkisin.

HIBRIUKVDVNG 10:36

Kapcnc nolukkc mentumsunamcm mapcnammc, odomvlojen nolu Ru:ncpvnckc mcngkamdcm iycpc odokkc okodcm pesutoji pa:ycpc.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

1 JO:N 3:21

Aipc mc:bomsunamkvdvnga, ngoluk asinkvdv:dc ngolum aimang cmna luma:yc, ngolukkc Ru:ncpvnckolo mc:jvg mcnggod dung;

1 PITOR 3:4

cmpige:la cdc lc:sula du:nc asin ara:bok tani:dokki yogpakma:ncdok asin ansvngclang agamnc yalodok avn gcrung gcbangki cdcmpc v:rmotoka, okodc Ru:ncpvnckc kangkolo airu:pc arc kadagji.

HIBRIUKVDVNG 11:17

Mc:jvgkokki Abrahambv, cdvlo bvm ankang kangkvtoji, Isahakmc bipakto, odokkc bv sc:kobv pesunamdcm tolvgsutonc bvk atcrong awodcm bipakpc mosv:suto, sck agomcm cdcm lutonc,

HIBRIUKVDVNG 6:15

Odokkc cdcmpila Abrahambv, mentumsula du:to, pesunamdcm pa:to.

1 TIMOTI: 2:3

Cdc aidag, odokkc cdc Ru:ncpvnc ngoluk Moturnckc kangkolo torvgsula:nammc,

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;

ROMANKVDVNG 16:6

Meri:mc kumtadsubilang, sc:kobv ngoluk ara:lo kvnggv:pc ager gertoji.

ROMANKVDVNG 15:4

Kapila:nc okodcmci lekkem adtungaji ngolum luyir lcgangc adtungai, jc cngungcma:pc du:namdokki odokkc Ru:nckc agom jvggabdokki ngolukkc mc:bomsunamc du:ycpcji.

ROMANKVDVNG 12:12

Noluk mc:tinnamdo mc:pomcngantoka, ipusire:dowcm mentumsulangka, kumnamcm kumtvla du:langka.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

AGER KVDVNG 10:31

‘Korneliua, nok kumnamdcm tadtobong odokkc Ru:ncpvnckc kcra:do nok aya:la ammem binam kvdv:dcm mc:pa:bitubong.

AGER KVDVNG 3:19

Asinc cdcmpila mc:dvrra mc:latsutokuk, odokkc lckoda gvlattokuka, noluk pa:pkvdv:dcmjen motidamdopc, cdc anumonam ayirdc:jen Ru:tumkolokkc a:ycpc,

JO:N 14:15

“Nolu ngom aipc mc:mvlo, nolu ngok kvnggv:pc lulvgnam agom kvdv:dcm lukamdcmpc iyc.

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

HIBRIUKVDVNG 4:11

Kajc cdcmpidag cdc du:rasukodo:pc gva:lai, jc sc:kosin cdcmv:pinc agom lukamdcmpc tadma:nampc ingapla siycpc.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

ROMANKVDVNG 16:26

Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–

JO:N 15:10

Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.

1 TIMOTI: 1:14

aya:dc ngok lcga:pc bi:pokkang Kristo Jisukc mc:jvgclang aipc mc:namkokki.