1 TIMOTI: 6:9 - ANU LUGOD N. T. (BSI)

⁹ Cmpige:la cdc sc:kobulu mircmpc cmna mc:dagnc ka:bo-mc:bonam lendag, keteplo pandag, bojcrungko kinma:pa:ma:nam odokkc mojog-morognam mc:namcm mc:dag cdc tani: kvdv:dcm sinamno:pc obudsumodag odokkc omvgosvgsunamlo:pc.

1 TIMOTI: 6:9 ပူးပေါင်းရင်းမြစ်များ

1 TIMOTI: 3:7

cdcmyamsin angu tani:kvdv:dc bvm aidag cmna mc:pa:ru:yc, cdcmanggom bv uidok nindai lunamlo odokkc keteplo panpckc.

AGER KVDVNG 8:20

Cmpige:la Pitorbv bvm luto, “Nok murko:dc noggvngkolo omvgosvg ka:langka, kapila:nc no mc:dungai Ru:ncpvnckc aya:la binam amandcm murkongkokki pa:la:ycpc cmna!

METIU 13:22

Ta:ng alcgdok pidnamdok agomdc, cdc bv sc:ko agomdcm taddagnc ckvdaggom mo:pvsok agomcm mc:la odokkc mircmcm mc:bola agom dcm ncrkela, odokkc cdc a:yc e:ma:namdcm lcngkandag.

JU:D 1:11

Bulukkcpc mc:dvrpcnamc! Kapcnc bulu Kainkc lambclok lambcm gvdag, odokkc arc pa:nam lcgangc avkvdv:dc mc:paksudag Balaamkc imurgvmurdcm, odokkc Kora:kc birudi:pc mimag monamdo singabamdag.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

IPESIANG KVDVNG 4:22

Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

MARKKC 4:19

odokkc mircmnammcm mc:bola, odokkc ake attar lcgangc mcngkolo, odokkc agomdcm nv:rumbomdag, odokkc cdc attv kamang cmna lcngkandag.

METIU 26:15

dormo ager gerncdok bottarya:nckvdv:do:pc gvto odokkc luto, “Nolu ngom okkom biycn ngo Bvm nolum bila:mvlo?” Odokkc bulu bvm vyvng awumkopc murkongcm bito.

METIU 19:22

Cdvlo cdc ya:me amidc cdcm tattonc bv mc:dvrmc:so:la gckangku; kapila:nc bvkkc bojcrungko attarc dungai.

2 TIMOTI 2:26

odokkc bulu uidok ketelepdokkc duggcla:ycpc, bvk mcngkamcm idopc lcdudo sogabdag.

1 TIMOTI: 1:9

cdcm mcngkinge:la, jc lujvglurodcm dormokancdok lcga:pcmang cmpige:la lujvgluro kama:ncdok lcgangc odokkc lukamdcmpc tadma:ncdok lcgangcmvn jvgtang, dormokama:nc odokkc pa:p inckvdv:dok lcgangc, angunma:nc odokkc napvnarc:ma:nc kvdv:dok lcgangc, abukvdv:dcm mokenckvdv:dok lcgangc odokkc anckvdv:dcm mokenam lcgangc, tani: pakenckvdv:dok lcgangc,

LU:KKC 21:35

kapila:nc cdc mo:pvso nolu turra du:nc appv:so a:yc.

METIU 6:19

“Mo:pvso avkc lcgangc murkongcm lcngkumsuyoka, okolo tapumclang argomc dopakdagnc odokkc dopsongkvdv:dc:sin gvala dopso:dagnc,

LU:KKC 12:21

“Cdcmpidag sc:kobv avkcpc murkong lcngkumsudonc, odokkc Ru:ncpvnckcpc mircmmang.”

1 TIMOTI: 6:10

Kapcnc murkongcm aipc mc:bonamdc appvng aima:n agerlok appvrc, cdc cdcmpc mc:bonamdc jc akke bulu mc:jvgkvdv:dokkc gvyotla gvpakka:bong odokkc buluk asinkvdv:dcm bojcrung dvgnamkokki nvgkesungaptobong.

1 TIMOTI: 6:17

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

TITUS 2:12

ngoluk dormo kama:n appv:dcm odokkc mo:pvsok aima:pc mc:namsagnam mcpakdopc luyirdag, odokkc ansv:n asin gcla turra du:dopc, dormokala, odokkc so mo:pvsok dormokanc turnamko turla, ngoluk akirba:d pa:nam toya:dcm toka:la du:la,