1 TIMOTI: 6:20 - ANU LUGOD N. T. (BSI)

²⁰ O Timoti, nom okodcm bigablvgtagnc ka:sv:mosv:toka. Dormokama:nc agom luke:nc kvdv:dcm mcpaktoka odokkc luyotmvnsunam kvdv:dcm okodcm lume:pc kinnam cmna ludoji,

1 TIMOTI: 6:20 ပူးပေါင်းရင်းမြစ်များ

KOLOSIANG 2:8

Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

2 TIMOTI 2:16

Cdcmpinc sel-belainc agom luke:nc tani:kvdv:dcm mcpaklangka, kapila:nc cdc tani:kvdv:dcm bojc bojcya:pc dormo kama:lo:pc gvbodag,

KOLOSIANG 2:18

Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

ROMANKVDVNG 3:2

Appv:loi bojcdag. Lurobbompc, Jiwukvdv:dcm Ru:ncpvnckc agomkvdv:dcm togc:lvgtagai.

1 TIMOTI: 6:14

ngo lujcmna nom ludung lulvgnam agomdcm narc:dopc lc:lang odokkc lugcng kama:dopc Ru:tum Jisu Kristobv lenkuma:sisscm;

2 TISSALONIANG 2:15

Cdcmpila odokkc, bvrokvdvnga, kvnggv:la du:toka odokkc itcng-gvtcngcm gagtvla du:toka okodcm ngolukkokki nolum luyirbitungaji, agomkokki cdcmanggom nappangkokki cdcmanggom do:jvgkokki.

TITUS 3:9

Cmpige:la okolok aima:pc svgka:mvnsu:nam agomkvdv:dcm mcpaklangka, ope:ncgvng agomc, agom lukermvnsunam, lujvglurodok agomlo pamvnsunamc, kapcnc cdcbulu la:bkama:nc odokkc okopcsin aima:nc.

2 TIMOTI 2:1

No cmpcmvlo, ngok aowa, aya:do kvnggv:toka cdc Kristo Jisukolo du:ncdcm,

1 TIMOTI: 1:11

Ru:cpvnckc akirba:d pa:nc tadponc lutaddokkcmpc ima:ji ngom okodokki lugablvgtagji.

2 TISSALONIANG 1:4

Cdcmpidag ngolu Ru:ncpvnckc mondoli:do lubonsula av-avyc lusudo mcnggab garabla du:namdokki odokkc mc:jvgdok lcgangc noluk appvng ipusire: kvdv:do odokkc du:g gvnamlo okodcm nolu menbomna du:nc.

TITUS 1:14

Jiwukvdv:dok leke do:yvng kvdv:dok agom tadnamdcmyam cdcmmanggom tani:kvdv:dok lulvgkvdv:dcm sc:kobulu arodcm lupakdagji.

TITUS 1:9

bv aroru:nc agomdcm kapc poyirkanc cdcmpc gagtvla du:pa:ru:yc odomvlojen bv airu:nc astrong agomdcm luyirbila:ycpc odokkc cdc sc:kobulu cdcm lumeyc cmna luyotla luka:mvnsudagji.

1 TIMOTI: 6:11

Cdcmpige:la kapc nokkcpc, Ru:ncpvnckc tani:pc ila, cdc appv:dcm mcpaktoka; dormokanamdcm ka:mi:toka, ainc ager gernam, mc:jvgc, aipc mc:namc, mcmangke:ke:pc du:tvnammc, asin aipc inam gvnamcm.

1 TIMOTI: 4:7

Dormo kama:nc odokkc lekekc atvma:nc do:yvng kvdv:dokki okkomsin ipcnammag.

1 TIMOTI: 1:6

Kapcikin tani:ckkcnc sokbulukkc gvyotla gvla gvgong gvgo:la dung cmmum agom lugongnamno:pc,

1 TIMOTI: 1:4

cdcmanggom bulu av avkvdv:dc leke do:yvngc odokkc kvtcr kama:nc ope:ncgvng do:yvngcm kvla du:ma:dopc okodc mc:namcm mcnggo:modagnc taycng agom luyirnamdcmyam ima:pc okodc mc:jvglo:ji,

1 KORINTIANG KVDVNG 3:19

Kapila:nc Ru:ncpvnckc mo:pvsok kinnam pa:namdc monba:ba:namc kapila:nc cdcm adla lc:tag, “Bv kinnc-pa:nckvdv:dcm buluk aima:pc kinnamlok gagdag,”

AGER KVDVNG 17:21

Cdcmpidodcm Eteniang appv:dc odokkc ami amo:lok tani:kvdv:dc sc:kobulu odo dunggaji cmmumpc buluk ayircm o:kaiko luma:pc manggom atv anuko tadma:pc gvmomangai.

AGER KVDVNG 17:18

Ipikuriang kvdv:dokkclang Istoik kvdv:dok mc:lenna agom lunckvdv:dc bvm rvgsuto. Odokkc akke luto, “Sc belbelaincsc okkom ludagji?” Akke luto, “Bv ami mongkvlok taycng among agom lutadbinc koncmpc idag–” kapila:nc bv Jisumclang Bvk sige:la turkunamdcm lutadbidag.

LUNGOR LUNAM 3:3

Mc:pa:toka cdcmpcmvlo no okodcm torvgsutonc odokkc tattonc; cdcm gagla du:toka, odokkc mc:dvrra asinc mc:latsutoka. No kinsuma:mvlo, ngo dopsongkoncmpc gvyc, odokkc no kinma:yc oko ayirdo ngo nokkolo:pc gvycji.

TITUS 1:4

Tituskolo:pc, ngok awodc lo:dcm mc:jvgnamlo: Ayangc odokkc mcnganc Ru:ncpvnc cdc Abudokkc odokkc Kristo Jisubv ngoluk Morturnckolokkc.

1 KORINTIANG KVDVNG 2:6

Ckvdaggom sv:batsunckvdv:dok ara:do ngolu kinnam pa:namcm cdcmanggom sc rcngam ayirsok migomdonckvdv:dc, sc:kobulu siycrung cmna pelvgnammcji.

ROMANKVDVNG 1:22

Kinnc pa:nc cmna lusuge:la,

AGER KVDVNG 16:1

Odokkc bv Derbi:do:pclang Listra:do:pcsin gvto odo agom tadjvgla gvmvnnc tani: ako dungai, Timoti: cmnamko, Jiwu nc:ng akodok awokonc sc:kobv mc:jvgnc tani:ka:ji; cmpige:la bvk abudc Girikkai.

1 TIMOTI: 1:2

Timoti:kolo:pc, ngok aro awodo:pc mc:jvglo: Ayangc, mc:yinsunamc, odokkc mcnganc Ru:ncpvncnkolokkc Abudokkc odokkc Kristo Jisu ngoluk Ru:ncpvnckolokkc.

1 TIMOTI: 1:9

cdcm mcngkinge:la, jc lujvglurodcm dormokancdok lcga:pcmang cmpige:la lujvgluro kama:ncdok lcgangc odokkc lukamdcmpc tadma:ncdok lcgangcmvn jvgtang, dormokama:nc odokkc pa:p inckvdv:dok lcgangc, angunma:nc odokkc napvnarc:ma:nc kvdv:dok lcgangc, abukvdv:dcm mokenckvdv:dok lcgangc odokkc anckvdv:dcm mokenam lcgangc, tani: pakenckvdv:dok lcgangc,