1 TIMOTI: 6:2 - ANU LUGOD N. T. (BSI)

² Cdc sc:kobulukkc mc:jvgnc ru:tumc du:ji bulum mcnggcma:pc ipc lagimang jc bulu bvrrangc; cdcmyam bulu aiya:pcrung agercm gerpcnammc buluk ager gernamkvdv:dcm arc kama:nckvdv:dc mc:jvgnc odokkc aipc mc:ncpc ila:yam. Poyirtoka odokkc lusv:toka sc gerpcnam agerkvdv:dcm.

1 TIMOTI: 6:2 ပူးပေါင်းရင်းမြစ်များ

KOLOSIANG 4:1

Ru:tumkvdvnga; nolu pagbokvdv:dcm aropc odokkc aikampopc lula:mc:langka, nolukkcsin taycngamo:tc Ru:tumko dung cmna kinna.

1 TIMOTI: 4:11

Lulvgtoka odokkc sc agomkvdv:scm poyirtoka.

JU:D 1:8

Ckvdaggom cdc ikamgvkamv:pc cdc tani:kvdv:dc buluk ma:nying mangkolo adin amvrdcm narc:ma:pc imodag, lulvglunc migom amidcm tadka:ma:pc lugc gcdag, odokkc aipc amin gvnckvdv:dcm aima:pc lugcdag.

2 PITOR 2:10

odokkc ncrkvgpc cd sc:kobulu mc:bo ka:bonammcm mc:la mcnggomola narc:ma:pc imodagji odokkc ka:sv:mosv:ncm agom lukamcm tadmang.

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

HIBRIUKVDVNG 3:14

Kapcnc ngolu Kristokolo orsudo, jodi ngolu mc:tinar–po:namdcm du:tcrdo:pc mcnggabtvla du:mvlo,

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

TITUS 3:8

Cdc lunamdc arorungc. Ngo nolum sc agomkvdv:scm mcma:pc gagla du:toka cmna asinbc mc:dag, odomvlo jen cdc sc:kobulu Ru:ncpvncmc mc:jvgdagnc ainc agercm avkvdv:dc gerpc ansuka:suycpc; cdcbulu anguru:pc aidag odok tani:kvdv:dokkcpc av kadag.

TITUS 2:15

Sc appv:scm lutadgo:toka; luyirtoka odokkc ge:yirtoka appvng ilang-gvlangki. Sc:komsin nom lupakluyakkosuyok.

TITUS 2:1

Cmpige:la nolukkcpcdan okodc aiyo:pc lunam astrong agomcji poyirtoka.

1 TIMOTI: 5:1

Abv:ya:nc tani:ycm aima:pc luyoka cmpige:la bvm luyircm nok abu anckonmpc lulangka; ame:ya:nc tani:ycm bvrrompcbulu ila:sa:langka,

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

KOLOSIANG 1:4

lcga:dc ngolu taddung noluk Kristo Jisukolo mc:jvgnam odokkc noluk aipc mc:namdcm appvng aipc kumnc tani:kvdv:dok lcgangc.

KOLOSIANG 1:2

Aipc kumnc tani:kvdv:do:pc odokkc Kolosiangkvdv:dok Kristokolo mc:jvg jvrvgnc bvrokvdv:dc: Nolukkolo:pc aya:pc mc:namc odokkc ngoluk Abu Ru:ncpvnckolokkc mcnganc.

IPESIANG KVDVNG 3:6

cdcyam, kapc Ru:ncmc kinma:nc tani: kvdv:dc attar pa:tcmvnjoncji, amvr atcro:dok alc alagc, odokkc Kristo Jisukc pesunamdcm pa:tc:mvnnc tadponc agomdokki.

IPESIANG KVDVNG 1:15

Odok lcgangc, ngo noluk mc:jvgcm Ru:tum Jisukolo tadla:yam odokkc noluk aipc mc:namcm aipc kumnc tani:kvdv:do:pc,

IPESIANG KVDVNG 1:1

Poulkolokkc Ru:ncpvnckc mcngkamdokki Kristo Jisukc mclvgla ager germonammc, Ainc Kumnc tani:kvdv:do:pc sc:kobulu Kristo Jisukolo mc:jvgdagsinji:

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

ROMANKVDVNG 11:17

Cmpige:la rcngke:kvdv:dok akke dvrsodamkang, odokkc nolusin, yumrang Jolpai oiyinnc, Jolpai vsvng amv:dokkcm mitcmircmdcm pa:mvnsupc cmna pasotge:la ilvgto, rcngke:kvdv:dcm pa:la bottapc lusuyok.

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

METIU 25:40

Odokkc cdc Migomdc bulum lubiyc, ‘Aroru:pc, ngo nolum lubidung, nolu sc ngok ame:yarnc bvrokvdv:sok akoi cdcmpc itomvlo, nolu cdcm ngommvn iton.’

METIU 23:8

Ckvdaggom nolu robbi cmkosupcnammang, kapila:nc nolukkc luyirnc akkongko dung, odokkc nolu appvngc bvrrangongc

METIU 6:24

“Sc:kosin ru:tum anyilok agom tadla agercm gerbila:mang; bv akoncm tayumyc odokkc akondcm aipc mc:yc, cdcmanggom akondc aipakpc mc:yc odokkc akondcm aima:pc mc:la mcpakyc. Nolu Ru:ncpvncmc odokkc murkong uidok agercm lckko:pc gerra:mang.

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,