1 TIMOTI: 6:16 - ANU LUGOD N. T. (BSI)

¹⁶ sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

1 TIMOTI: 6:16 ပူးပေါင်းရင်းမြစ်များ

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

1 JO:N 1:5

Sc:na lutad lunamdc ngolu Bvkkolokkcm tadtonc odokkc nolum lutadbinamdc, jc Ru:ncpvncbv pvangc odokkc Bvkkolo kcmmo cmpcsin kamang.

KOLOSIANG 1:15

Bv:na ka:begma:nam Ru:ncpvnckc yaloka:begdc, ru:nam appv:dok opo:nam appv:dc;

JO:N 6:46

Sc:kobv Ru:ncpvnckotokkc mclvgnammcnc bv:ma:mvlo sc:kosin Abudcm kangkvmang; Bv Abudcm kangkvtak.

LUNGOR LUNAM 22:5

Odokkc yummc cdvlosin kakuma:ycbong; bulu atv saki:lok pvangko cdcmanggom do:nyiko lagima:ycbong kapcnc Ru:tum Ru:ncpvncbv buluk pva:pc iycku, odokkc bulu lo:dv longkvpc migom doycku.

LUNGOR LUNAM 4:11

“No arckancrungko, ngoluk Ru:tuma odokkc Ru:ncpvnc, amin gvnamclang mcnggcnammc, kapcnc no appvng attarcm ru:to, odokkc nok mcngkamki bulu du:dag odokkc ru:tungai.”

LUNGOR LUNAM 1:6

Bvkkolo:pc sc:kobv ngolum aipc mc:dagji odokkc ngolum ngoluk pa:p kvdv:dokkcm mopvttoji Bvk i:dokki ngolum migom dokokopc motoji, Bvk Ru:ncpvnclang Abudok kumnam ager gergurncpcbulu imotoji, Bvkkcpc amin gvnamdc odokkc mopvnamdc lo:dv longkvpc dungka:langka. Amen.

JU:D 1:25

ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.

IPESIANG KVDVNG 3:21

Bvkkcpc mondoli:lo aminc gvka:langka odokkc Kristo Jisukolo appvng opvnno, lo:dv-lo:dcm. Amen.

LUNGOR LUNAM 7:12

“Amen! Akirba:dclang amin gvnamc odokkc kinnamc odokkc aipai binamc odokkc ilang gvlangc odokkc tornamc ngoluk Ru:ncpvnckc lo:dv longkvpc lo:dv longkvpc ika:langka! Amen!”

HIBRIUKVDVNG 13:8

Jisu Kristobv c:mongc mclosin odokkc silosin odokkc lo:dvlongkvpc.

LUNGOR LUNAM 21:3

odokkc ngo bottapaknc gomugko migomdungkodokkc ludopc ngo tatto, “Ka:toka, tani:kvdv:dok lcdulo Ru:ncpvnckc du:nam dagnamc. Bv buluk lcdulo du:mvnyc, odokkc bulu Bvk tani:pc iyc, odokkc Ru:ncpvncbv avdci buluk lcdulo du:mvnyc;

JO:N 14:9

Jisubv bvm lubito, “Ngo siddv longcko du:mvnma:lang, odokkc ckvdaggom nolu ngom kinmang, Pilipa? Sc:kobv ngom ka:tobo:nc Abubvmci ka:tobong; no kapc lula:don, ‘Ngolum Abudcmci lcngkanteika cmna?

LUNGOR LUNAM 1:8

“Ngo Alpa:dc odokkc Omega:dc,” Ru:tum Ru:ncpvncdc ludag, sc:kobv du:ji odokkc sc:kobv dungaji odokkc sc:kobv gvkupcncdc:ji, cdc Appvngcm Migang ga:yangarncdc.

JO:N 8:58

Jisubv bulum lubito, “Aroru:pc, aroru:pc, ngo nolum lubidung, Abrahammc oma:dokkcbong, ngo dung.”

PILIPIANG KVDVNG 4:20

Ngoluk Ru:ncpvncbv odokkc Abubv lo:dv longkcm amin gvka:langka. Amen.

JAKOB 1:17

Appvng ainc aman binamkvdv:dc odokkc appvng aiyo:pc ainc bipaknam amanc tayc:tokkc, pva:lok Abukotokkc gvido sckkolo mcngumcnge:yc kamang cdcmanggom langkonsunam, lcgangc.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.