1 TIMOTI: 5:3 - ANU LUGOD N. T. (BSI)

³ Tumbbonc:ng kvdv:dcm mcnggclangka sc:kobulu aroru:pc tumboji. Tumbonc:ng kolokkc jodi ommangc cdcmanggom nati:ommangc dung.

1 TIMOTI: 5:3 ပူးပေါင်းရင်းမြစ်များ

AGER KVDVNG 6:1

Cdcmpidodcm odo longckvdv:do agom tadjvgla gvmvnnc kvdv:dc kvnamlo bojcbomna, Helleni:kvdv:dc Hibriukvdv:dc lujcgmvnsukang lcga:dc buluk tumbo nc:ngkvdv:dcm longgcm longgcm orbikolo cmmumpc mcyodla lc:dungai.

1 PITOR 2:17

Bvrra:pc mc:namcm aipc mc:langka. Ru:ncpvncmc pcsolangka. Migomlok migom kvdv:dcm mcnggclangka.

1 PITOR 3:7

Cdcmv:pc nolu milbongkvdvnga, noluk nc:ng kvdv:dokki mcngcsagcla mc:jo:langka, nc:ngkvdv:dcm mcnggcla mc:la bulum rcmagncpc ru:namla:yam, kapc turnamsok aya:pc mc:namila:yam, cdcmpc ipc cmna jc noluk kumnamdcm motum morumma:dopc.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

1 TISSALONIANG 2:6

Cdcmanggom ngolu tani:kvdv:dokkcm amin gvnamcm makanci, nolukkcmyc cdcmanggom amikolokkcmyc, ngolu Kristokc mclvgla ager germonc cmna lujcmna lula:ya:pcgom.

AGER KVDVNG 9:39

Cdcmpila Pitorbv darobto odokkc buluk lcdulo gvmvnto. Odokkc bv gvpv:nammc, bulu bvm talcngkc soyardo:pc gvsa:boto. Bvk kcra:do tumbo nc:ng appv:dc kabla dungai, odokkc buluk lcdulo du:mvndodcm Dorka:bv oko oko galugcm odokkc ake attarkvdv:dcm omtungaji cdcmbulum lcngkan lcngkanna.

LU:KKC 7:12

Bv nogordok yabgo anindo:pc pvnga:nammc, ka:toka, sinc tani:ko jo:bomna gvdagai, bv ancdok awo atcrai, odokkc bv tumbokai; odokkc nogordokkc bottcru:nc tani:yc kcrcngko bvk lcdulo gvmvndagai.

LU:KKC 2:37

odokkc tumbopc du:la bv dv:tak nyiyingkolang appikopc idagaboi. Bv kumko okumdokkc gvkumangai, menna dungge:la longgcmna: yummcm kumna.

METIU 23:13

“Ckvdaggom nolukkcpc mc:dvrpcnamc, poyirna odokkc Parisi:kvdvng, agom lc:sula lunc mc:jola kinnc tani:kvdvngc! Lcga:dc nolu taycng amo:tok migom du:tcng mo:pvdcm tani:kvdv:dokkcm mokapdag;

METIU 15:6

Cdcmpidag noluk ta:toya:yokc longcdok igod gvgoddok lcgangc, nolu Ru:nckc agomcm mcpakto.

1 TIMOTI: 5:2

abv:ya:nc nc:ngcm anncmpcbulu, ame:ya:nc nc:ngcm bvrmangcmpc, appvng napvnarcngki.

JO:N 1:47

Jisubv Natanaelmc Bvkkolo:pc gva:dopc ka:to, odokkc bvm luto, “Ka:toka, Israel akonc aropcma:nckonc, sckkolo atv yadnam panam kama:nc.”

AGER KVDVNG 9:41

Odokkc bvk alagcm laglenbito odokkc bvm sosa:to. Odo aipc agom tadjvgla kumnc kvdv:dcmnang tumbo nc:ng kvdv:dcm gogangge:la bvm turpc bilattoku.