1 TIMOTI: 5:17 - ANU LUGOD N. T. (BSI)

¹⁷ Abv:nc aipc sc:kobulu ka:svmosvncji mcnggcnammcm anyikopc pa:motoka, anggoscscmpc cdc sc:kobv pogo:bikolo odokkc lutadgo:bikolo agerpc gerdoji;

1 TIMOTI: 5:17 ပူးပေါင်းရင်းမြစ်များ

HIBRIUKVDVNG 13:17

Noluk igur-gvgurbonc kvdv:dok lukam tadlangka odokkc bulukkolo tolvgsulangka; kapcnc bulu noluk yalokvdv:dcm kanggabya:la dung, isabcm bikupcnc tani:kvdv:dcmpc. Bulum mc:po-mcnganla scm germotoka, odokkc mc:dvrra ima:pc, kapcnc cdc nolukkcpc ipo-siyanncpc ima:yc.

GALATIANG KVDVNG 6:6

Sc:ko agomcm poyirdagji bvm appvng ainc attarkvdv:dcm bv sc:kom poyirdagji bisumotoka.

LU:KKC 10:7

Odokkc odo okumv:do du:lang, okkomci bulu biycji dola:tv:lang, kapila:nc ager gerncdc bvk gerrckvdv:dcm pa:pa:do; Okum akonlokkc okum akonlo:pc gvyoka.

HIBRIUKVDVNG 13:7

Noluk gvgurla gvgcbonc kvdv:dcm mc:pa:langka, cdc sc:kobulu nolum Ru:ncpvnckc agomcm lubitoji; Buluk turnamkvdv:dokki kapc ikaji cdcm ka:langka, odokkc buluk mc:jvgkvdv:dcm mc:jvgkaimvnsulang.

2 TIMOTI 2:6

Cdc kvnggv:pc torpc ager gernckvdv:dc sc:ko pa:pongarnam arvg kvdv:dcm pa:pa:do.

PILIPIANG KVDVNG 2:29

Cdcmpidag Ru:tumkolo bvm appvng mc:pobatsunamkokki torvgsulang;

ROMANKVDVNG 12:8

sc:kobv ainc agomcm luyir mc:yirdag, bvk luyirmc:yirkolo, sc:ko murkongcm bidumsudoji, mc:pomcnganna; sc:kobv bidumsunamcm bidonc, kvnggv:pc mc:bola: sc:kobv ayang agercm lcngkandonc, mc:tv:sula, mc:yumsula mc:pomcnganna.

AGER KVDVNG 28:10

Bulu bojcrungko amancm ngolum bitungai; odokkc cdvlo ngolu ko:la gvtokuji, bulu oko okkom ngolum lagidagaji ja:j ollu:do lvgto.

2 KORINTIANGKVDVNG 6:1

Bvkkokki lckopc agercm gerbosula, odokkc, ngolu nolum kumna:sola: ludung Ru:ncpvnckc ayangabodcm cmmumpc torvgsuyoka.

ROMANKVDVNG 16:12

Tripaena:mc odokkc Triposa:mc. Aipc mc:nam Persismc kumtadsubilang, sc:kobv Ru:tumkcpc kvnggv:pc torpc agercm gerkaji.

ROMANKVDVNG 15:27

Cdcm ipc bulu mc:lvgsukangai, odokkc aroru:pci bulu bulukkcpc murkong langgcsucsin, kapila:nc Angu tani:kvdv:dc buluk yalodok akirba:d pa:namkvdv:dcm lukansukapc gvdomvlo, bulu bulukkcpc atv attar akirba:d kvdv:dok lcgangcsin ager gerncpc ipc ipcnammc.

PILIPIANG KVDVNG 4:3

Odokkc ngo nolumsin taudung, aropakpc jungoli:ajonc, sc nc:ngkvdv:scm gerdum-gerrumsudung, kapcnc bulu kekonkesakpc agercm gerto tadponc lutaddcm lckopc luddom Klementkokki odokkc ngok ake ager gerjon ajonkvdv:dokki, sc:k aminkvdv:dc turnam potindo du:ji.

1 KORINTIANG KVDVNG 16:16

ngo nolum luyirdung cdcmpinc tani:kvdv:dok lukampc gvlang odokkc appvng ager gerjoncm odokkc du:gsila ager gerncm.

AGER KVDVNG 11:30

odokkc bulu cdcmv:pc ito, abv:nc kvdv:do:pc Barnaba:kclang Soulkc alaklo mclvgla.

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

1 TIMOTI: 3:5

kapcnc jodi tani:akonc bvk avkc okum cra:dcm kasv:mosvng kinma:yc, bv kapc Ru:ncpvnckc mondoli:dcm ka:sv:la:ycn?

PILIPIANG KVDVNG 2:16

Odomvlo jen Kristokc longcdo ngo cmmumpc du:g gvtomang cdcmanggom cmmumpc agercm gertomang.

METIU 24:25

Ka:toka, ngo nolum po:pcbong luno:bitu:bong.

HIBRIUKVDVNG 13:24

Noluk igur-gvgurbonc appv:dcm kumtadsulangka odokkc aipc kumjo:nc appv:dcm. Cdc sc:kobulu Itali:dokkc gvdu:nc nolum kumtadsunamcm mclvgamtag.

1 TIMOTI: 4:10

Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

AGER KVDVNG 20:35

Cdc appvng agerdo ngo nolum lcngkanto jc cdcm ager gertu:la akonc opanncdcm ka:dumsupa:ru:do, Ru:tum Jisukc agomkvdv:dcm mc:pa:la, kapc Bv lutoji, “Torvgsunamdcmyam binamdc ayang pa:ya:nammc.”

JO:N 4:38

Ngo nolum gadta:ka cmna mclvgtojc okodok lcgangc nolu agercm germa:ji; akke ager gerto, odokkc nolu buluk ager gernamdo gva:to.”

LU:KKC 12:42

Odo Ru:tumbv luto, “sc:kobvn cmpcmvlo mc:jvgncla: mc:jvg kinncdc, sc:kom bvk ru:tumdc Bvk okumdok appv:dok ka:bomdagbomncpc togc:lvgycnc, bulum dodvlo donamcm bidopc?

1 TIMOTI: 5:3

Tumbbonc:ng kvdv:dcm mcnggclangka sc:kobulu aroru:pc tumboji. Tumbonc:ng kolokkc jodi ommangc cdcmanggom nati:ommangc dung.

1 TIMOTI: 4:6

Jodi nolu sc luyir lunamkvdv:scm bvrokvdv:dok kcra:do lc:biyc nolu Jisu Kristokc ainc migom ager gerncpc iyc, mc:jvglok agomlo mosv:momola odokkc ainc lukam agom okodcm nolu tadla gvmvntoji.

1 KORINTIANG KVDVNG 3:9

kapila:nc ngolu Ru:ncpvnckc ager gerjonc; nolu Ru:ncpvnckc arvgc, Ru:ncpvnckc monam okumc.

1 TIMOTI: 4:14

Nok aman du:ncdcm mc:ya-mc:sayoka, okodcm cdvlo nom lungor lunamkokki bitungaji cdvlo abv:nc kvdv:dok kcba:dc buluk alakkvdv:dcm nokkolo pigapkaji.

1 TIMOTI: 5:19

Cdvlosin abv:nc tani: birudi:pc atvko lujcmycmvlo anyikoba: awumko lukanbinnc du:tc:ma:sisscm tada:yok.