1 TIMOTI: 4:16 - ANU LUGOD N. T. (BSI)

¹⁶ No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

1 TIMOTI: 4:16 ပူးပေါင်းရင်းမြစ်များ

TITUS 1:9

bv aroru:nc agomdcm kapc poyirkanc cdcmpc gagtvla du:pa:ru:yc odomvlojen bv airu:nc astrong agomdcm luyirbila:ycpc odokkc cdc sc:kobulu cdcm lumeyc cmna luyotla luka:mvnsudagji.

TITUS 2:7

Avyc lcngkansutoka appvng agerlo ainc ager gernc akoncmpc ila, odokkc nok poyirkolo angu anguma:namcm lcngkanna, kvnggv:namcm,

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

HIBRIUKVDVNG 13:9

Gvyodla gvngubonc odokkc tadkvma:nam luyircm tadla gvyotmvnyoka; kapcnc cdc mc:yinsunamki asin kvnggv:namdc aiya:dag, okodc buluk mcmangke:ke:pc du:namdcm avkamotoma:ji apin donamkokkimang.

HIBRIUKVDVNG 12:15

Ka:toka cdcm jc sc:kobv:sin Ru:ncpvnckc aya:pc mc:namdcm pa:ma:pc ipc lagimang; jc oko “Konc appvrcsin” pvrsa:pc odokkc ipu sire:lok lcga:pc imopc lagimang, odokkc odokki bojcrungc napvnarc:ma:pc idag;

2 TIMOTI 3:14

Cmpige:la nokkcpcdan, okodcm no kintonc odo du:tvtoka kvnggv:pc mc:jvgtoji,

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

1 TIMOTI: 4:6

Jodi nolu sc luyir lunamkvdv:scm bvrokvdv:dok kcra:do lc:biyc nolu Jisu Kristokc ainc migom ager gerncpc iyc, mc:jvglok agomlo mosv:momola odokkc ainc lukam agom okodcm nolu tadla gvmvntoji.

1 TIMOTI: 1:3

Kapc ngo nom lugablvgla lukanc cdvlo ngo Makedoniangdo:pc gvdungaji, Ipesu:do dungge:la, jc no kapin tani:yckkcm angu angupc astrong agomcm luyirma:pcka cmna lujcmlangka,

ROMANKVDVNG 16:17

Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang.

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

1 KORINTIANG KVDVNG 9:27

Cmpige:la ngo ngok amvrcm kvgsudo odokkc cdcm momapdo, ckvma:mvlo ammem lutadcm lubige:la gno avyvngc tadma:ncpc ipagyc.

AGER KVDVNG 6:4

Cmpige:la ngolu avycm kumnamlo tolvgsuyc odokkc agomdok agerlo:pc.”

MARKKC 13:9

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

JAKOB 5:20

bvm kinmotoka jc papi:n ako sc:kobvi gvlatbotokunc bvk lambcdok imur ager kvdv:dcm bvk yalodcm sikolokkcm mopvyc odokkc bojcru:nc pa:bcm motityc

TITUS 2:15

Sc appv:scm lutadgo:toka; luyirtoka odokkc ge:yirtoka appvng ilang-gvlangki. Sc:komsin nom lupakluyakkosuyok.

KOLOSIANG 4:17

Odokkc Arkipu:mc lulang, “Ka:langka jc nolu migom agerdcm gerpvnnang okodcm Ru:tumkolokkcm nolu pa:toji.”

1 KORINTIANG KVDVNG 9:22

Asin kvnggv:ma:nc kvdv:dokkcpc ngo kvnggv:ma:ncpc ito, jc ngo:jen kvnggv:ma:nc kvdv:dcm mopvla:pc cmna. Ngo appv: tani:lo:pc appv:pc itobong, jc appv:pc ila ngo akkemci mopvla:ycpc cmna.

ROMANKVDVNG 11:14

ngo ngok agercm unjvgmodo ngok ajon Jiwu kvdv:dcm ncmopc cmna gerdo, odokkc bulukkolok akkem asudowko mopvtla:dopc.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

AGER KVDVNG 26:22

Silo longcso:pc Ru:ncpvnckolokkc pa:nam gvdumsunamcm pa:to, odokkc cmpila ngo sido adji:ncla bottcnc appv:lo lukanbila dagdung, okkomsin luma:pc cmpige:la Mose: lungor lunckc oko lunamkvdv:dc lukamdcmpci iycbo:ji cdcmong lula:

PILEMON 1:19

Ngo, Poulbv, scm ngok avkc alagsokki adtag, ngo cdcm dorycku nokkc ngom okkomsin bikupcnam kamang cmpc nom avdcmsinci.

1 TISSALONIANG 2:16

odokkc Ru:ncpvncmc mc:nyi:motoji odokkc appvng tani:ycm motumtoji ngolum Angu tani:kvdv:dcm lumoma:dopc jc bulu turdopc–cdcmpc kapc buluk pa:pkvdv:dcm kvnamdcm pv:modopc. Cmpige:la Ru:ncpvnckc aglv:la mokenamdc lcddarpc pvngangkang!

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

1 TIMOTI: 4:15

Sc gerpcnam agerkvdv:scm iyit-gvyittoka, odobulu no avyc tolvgsulangka, odomvlo jen appvngc nok gvgcla gvnamdcm ka:begycpc.