1 TIMOTI: 4:1 - ANU LUGOD N. T. (BSI)

¹ Su:pak Yalodc lulendanna ludag jc lcdukc ayirkvdv:do akke mc:jvglokkc gvpakycku yadgo:nc yalokvdv:dok agomcm tadla odokkc uikvdv:dok lukamcm orv:n ncrkvg agomkvdv:dcm tadla,

1 TIMOTI: 4:1 ပူးပေါင်းရင်းမြစ်များ

2 PITOR 2:1

Cmpige:la lume:pc lungor lunckvdv:dc:sin tani:kvdv:dok ara:lo lenkang, kappar noluk ara:lo lume:pc luyir lunnc lenycnc, sc:kobulu kinmango:pc momvgmosvgpcnc dormokama:nc agomcm lua:biycji, cdcmo:mang Ru:tumdcmsin lupaksula sc:kobv bulum rctoji, buluk avkc ara:lo mcna:pc lomdanna momvnsunamcm.

JU:D 1:18

bulu nolum luto, “Du:tcr dungap ayirdo aima:pc lugc gcgo:nc lenyc, buluk dormo kama:nc ka:bomc:bonam kvdv:dcmpc.”

2 PITOR 3:3

Scmmar nolu mcngkinru:pa:yc, jc aima:pc luka:nc tani:kvdvngc aima:pc luka:la du:tcr longcdo lenyc, buluk avkc ka:bomc:bo mc:namkoi odokkc.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

2 KORINTIANGKVDVNG 11:3

Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

2 TIMOTI 3:13

cdvlo aima:nc tani:kvdv:dc aima:namlokkc aima:pc ila gvboycnc, yadnc kvdvngc odokkc yadnamc.

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

JO:N 16:13

Cdvlo arodok yalodc gvycnc, Bv nolum appvng arodo:pc gvyirboyc; kapila:nc Bv avkc ilang gvlangkokki agomcm luma:yc, cmpige:la oko okkomci tadycji Bv luyc, odokkc Bv nolum a:pcnc atv agomkvdv:dcm lukanna lubiyc.

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

LUNGOR LUNAM 2:11

Sc:kokc yerungc du:ji, bvm tadmotoka okodcm Yalodc mondoli:dcm ludagji. Sc:kobv mopvdoji lckon sinamdokki sikuma:yc.

2 TIMOTI 4:4

odokkc arodcm tadma:pc gvyotdag odokkc cmmum lekedo:yvngcm kvgo:dag.

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.

LUNGOR LUNAM 3:6

“Sc:kokc yerungc du:nc, bvm tadmotoka Yalodc mondoli:kvdv:do:pc okodcm ludagji.

LUNGOR LUNAM 2:29

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji!

1 PITOR 1:20

Sc:kobv mo:pvscm mosa:ma:dapc ru:pvlvgtonc cmpigge:la noluk lcgangc ayir du:tcrdo lenmotonc.

LUNGOR LUNAM 18:2

Odokkc bv kvnggv:pc tornc gomugkki jc:la luto, “Openncdc, openncdc bottcnc Babilondc! Cdc uikvdv:dok dungkopc ikang, appvng tayumpcnam yalolok uidungko, appvng tayumpcnam odokkc tayumc bi:nc pctta:lok dungko;

KOLOSIANG 2:18

Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

1 KORINTIANG KVDVNG 10:20

Ma: ngo lukanbidung jc uikumnc kvdv:dc okodcm palvgdagnc bulu uiycm bidag Ru:ncpvnc kolo:pcmang. Ngo nolum uikokki ajoncmpc imolv:mang.

LUNGOR LUNAM 20:8

Satandcm bvk makana:dokkc mclennvgyc odokkc opvnkvdv:dcm yadkapc gvlenyc okodc:bulu mo:pvsok sungken appi:lo du:ji, cdcyam, Gogdc:lang Magogdc, mimag lcgangc bulum gogkumsuto; buluk kvnamdc bulu siycnglok sulli:kvddvko idagai.

LUNGOR LUNAM 19:20

Odokkc cdc simvndcm ycnggapto, odokkc odok lcdulo cdc lume: lungor luncdcm sc:kobv odok kangkolo kanggod agercm gerkaji okodokki bv yattoji sc:kobulu simvndok tubjetdcm torvgsutoji odokkc cdc sc:kobulu odok monam moimangdcm kumdagji. Cdc anyidcm turpc turpc siycngcmpinc vmv-pa:ta:do cdc gondokki parnam vmvdo cryi:lvgto.

LUNGOR LUNAM 18:23

odokkc saki:lok ruadko nokkolo cdvlosin ka:begma:yckubong; odokkc magbodoklang yamncdok gomukko nokkc cdvlosin tadbegkuma:bong, kapcnc nok mircm rcmnckvdv:dc mo:pvsok bottcru:nc tani:yai, odokkc appvng opvnkvdv:dc nok moyadla morunamki yadmoto.

LUNGOR LUNAM 13:14

odokkc kanggod kvdv:dokki okodc cdcm ager gerdopc mclvgdagji simvndok dungkolo, cdc yaddag sc:kobulu mo:pvso du:dagji, bulum simvndokkcpc monam moimangko modopc lulvgko lula: lula okodcm madsvgdokki pakedaggom turra du:toji;

LUNGOR LUNAM 9:20

Tani: rcngamsok akedc, sc:ko bulum moketoma:ji cdc joar a:la sinam kvdv:dokki buluk alakki ager gernamkvdv:dok lcgang asinc mc:dvrra mc:latsutomang cdcmanggom uiycm kumtvnammcm odokkc avn moimangcmbulum odokkc pitolcm odokkc vlvngcm odokkc vsvnglokki monamc, okodc:bulu ka:begla:sinmang odokkc tadbegsinmang odokkc lambcmsin gvla:mang;

LUNGOR LUNAM 3:22

“Sc:kokc yerungc du:nc, okodcm Yalodc mondoli:kvdv:do:pc ludagji sc:kokc yerungc du:nc, bvm tadmotoka!”

LUNGOR LUNAM 3:13

“Sckkc yerungc du:ji, bvm Yalodc mondoli:kvdv:do:pc okodcm ludagji tadmotoka!

LUNGOR LUNAM 2:17

“Sckkc yerungc du:ji, bvm tadmotoka okodcm Yalodc mondoli:kvdv:do ludagji Bvkkolo:pc sc:kobv mopvycji ngo lc:sula lc:nam manna:dcm biyc, odokkc ngo bvm kamponc vlvngcm biyc, vlv:do anu amin annamko okodcm sc:ko pa:ycji bv:ma:mvlo sc:kosin kinma:yc.

LUNGOR LUNAM 2:7

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.

1 KORINTIANG KVDVNG 12:11

Cdc appv:dc Yalo akko:dokki ilanggvlangcm binamongc, sc:kobv atckpc Bv mcngkampc idopc bidagji.

AGER KVDVNG 28:25

Cdcmpila, buluk arangv:dok tolvgmvnsuma:namc, bulu gvpakkangku, Poulbv agom lugodko luto: “Angunnc Yalodc noluk abukvdv:dcm lunamdc lugabdagai Isaia: lungor lunckokki lunamdc:

AGER KVDVNG 17:18

Ipikuriang kvdv:dokkclang Istoik kvdv:dok mc:lenna agom lunckvdv:dc bvm rvgsuto. Odokkc akke luto, “Sc belbelaincsc okkom ludagji?” Akke luto, “Bv ami mongkvlok taycng among agom lutadbinc koncmpc idag–” kapila:nc bv Jisumclang Bvk sige:la turkunamdcm lutadbidag.

AGER KVDVNG 13:2

Bulu kumna odokkc doma:tvma:pc du:dom, Angunnc Yalodc luto, “Ngok lcga:pc Barnaba:mclang Soulmc langutei oko ager lcgangc bulum ngo gogtu:ji.”

LUNGOR LUNAM 16:14

kapcnc bulu uilok yalokvdvngc, kanggodcm lcngkannc kvdvngc, sc:kobulu mo:dopc mo:pv appvng migom kvdv:do:pc gvdagji, bulum lckopc gvkumsumopc odo Ru:ncpvnckc Appvngcm ilang gvlanckc longcdo mimag momopc cmna.

METIU 18:7

“Pa:p du:la:yam ankangkangkvnam kvdv:dok lcgangc rcngamsokkcpc mc:dvr-mc:so:pcnamc! Kapia:nc unkangkangkvnamdc a:ycrung, ckvdaggom sc:kobvi mc:boka:bonammc a:dagnc cdc tani:dc mc:dvrmc:so:pcnamc!

LU:KKC 17:1

Odokkc Bvk agom tadjvgla gvmvnnc tani:kvdv:dcm Bv luto, “Pa:bcm ilv:nammc aroru:pc a:ycrung, ckvdaggom sckkokki cdcbulu a:dagji bv mc:dvrpcnamc!

AGER KVDVNG 20:23

Angunnc Yalodc ngom nogor appv:lo makana:lo tumnamcmlang ipusire:yc toya:la dung cmna lubinamdcmma:mvlo.

AGER KVDVNG 21:11

Odokkc ngolukkoso:pc gvge:la bv Poulkc tongali:dcm langge:la bvk avkc alcdo:lang alakdo yc:lvgsuto, odokkc luto, “Cdcmpc Angunnc Yalodc ludag, ‘Cdcmv:pc Jerusalemdok Jiwukvdv:dc cdc tani:dcm ycnggabyc sc:ko sc tongali:scm bomdagji odokkc Angunnc tani:kvdv:dcm bvm bipakyc.’ ”

1 KORINTIANG KVDVNG 2:10

Ru:ncpncbv ngolum Yalodokki lcngkanto. Kapila:nc Yalodc appvngcm mago:dag, Ru:ncpvnckc orv:nc agom kvdv:dcmci.

1 KORINTIANG KVDVNG 11:19

Kapila:nc noluk ara:do pamvnsunc pakerpayernc kcrcngc du:ru:pc sc:kobulu noluk ara:do mc:jupmcngkapdagji kangkinna:ma:dopc.

JAKOB 3:15

Sc kinnam agomsc taycng among tolokkc gvincmang, cmpige:la mo:pvsokkc, yalo agom kama:nc, uiager-inam-gvnamc.