1 TIMOTI: 3:15 - ANU LUGOD N. T. (BSI)

¹⁵ jodi ngo lcdupc gvyc, nolu kinpa:yc jc kapc Ru:ncpvnckc okumcra:dcm ka:sv:mosv:pcnamcji, okodc turnc Ru:ncpvnckc mondoli:ycji, arolok du:rasunc gai kunta odokkc gcrinamdc.

1 TIMOTI: 3:15 ပူးပေါင်းရင်းမြစ်များ

1 PITOR 2:5

odokkc turnc vlvngkoncmpc nolu av-avkvdvngc dormokanam yalokvdvng okumpc mosa:toka, angunnc dormo ager gerncpc, dormokanam yalolok palvgnampc bulu Jisu Kristokokki Ru:ncpvnckolo bisula:dopc.

1 TISSALONIANG 1:9

Kapila:nc bulu av avkvdv:dc ngoluk agomcm lutadto kapinc torvgsunamc ngolu nolukkolo pa:toji, odokkc kapc nolu Ru:ncpvnckolo:pc gvlattokuji moimang monamkvdv:dokkc.

GALATIANG KVDVNG 2:9

Odokkc cdvlo bulu ngom binam aya:dcm mcngkinto, Jakobbv:lang Kepa:bv odokkc Jo:nbv, sc:kobulu vlvng kuntc cmna bottcru:pc amin gvdaganc, ngomna Barnaba:mc ajon jonsunamdok lagbvg alagdcm bito, jc ngo Ru:ncmc kinma:nc tani:kvdv:do:pc gvpcnammc odokkc bulu gadpuknam kvdv:do:pc;

ROMANKVDVNG 3:2

Appv:loi bojcdag. Lurobbompc, Jiwukvdv:dcm Ru:ncpvnckc agomkvdv:dcm togc:lvgtagai.

METIU 16:16

Simon Pitorbv luto, “No:na Kristodc, turra du:nc Ru:ncpvnckc Awodc.”

ROMANKVDVNG 9:26

“Odokkc odo okolo cdcmbulum lukaji, ‘Nolu ngok tani:mang,’ bulum luyc ‘Turra du:nc Ru:ncpvnckc awokvdvngc.’ ”

AGER KVDVNG 1:2

cdvlo Bvm tayc:pc la:sa:tokunc odo longcdo:pc, Bv Agunnc Yalodokki lulvg luge:la Bv sc:kobulum balentagaji mclvgnam ager gernckvdv:dcm.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

METIU 18:18

“Aropakpc, ngo nolum lubidung, okodcmci so mopvso nolu mokapycnc taycngamo:to:sin mokabyc, odokkc okodcmci mo:pvso moge:ycnc cdcmci taycngamo:to:sin moge:yc.

LUNGOR LUNAM 7:2

Odo ngo do:nyi sanggatokkc lennc taycng among lutad lunc akoda ka:begto, turnc Ru:ncpvncdok tubjet kancdokki, odokkc bv bottapakpc gomugki taycng among lutad lunc appv:dcm luto okodc:bulu scmpc lula mo:pvscmnang siycngdcm momvgdopc ilanggvlangcm bitoji,

HIBRIUKVDVNG 12:22

Cmpige:la nolu Jion Adi:do:pc gva:to odokkc turnc Ru:ncpvnckc nogordo:pc, taycng dungkodo du:nc nogordo:pc, taycng dungkodo du:nc Jerusalempc, odokkc kvngapla:ma:nam taycng among lutad lunckvdv:dcm mc:popc dcngkonsunamc,

HIBRIUKVDVNG 3:12

Ka:sv:mosv:toka, bvrrang kvdvnga, ckvdma:mvlo nolukkolok akonc jodi aima:nc ager gerckvdv:dokkcpc iyc, mc:jvgma:nc asinpc ila, turnc Ru:ncpv:ncdokkcpc gerdopc gvboycpc.

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

1 TIMOTI: 4:10

Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

1 TIMOTI: 3:2

Su:pak Kristan Ru:tum ager gerncdc nindaila lunam tani:pc ipc lagima:yc, nc:ng akko:lok milbo:pc, tarung ru:jo:nc mcngc-sagcnc,

KOLOSIANG 1:5

Kapila:nc noluk lcgangc taycng amo:to mc:tincm lc:namdokki. Sokkcm nolu arolok agom gomugdcm po:pcbong tatto.

IPESIANG KVDVNG 4:21

Mc:jvgla jc nolu Bvk agomcm tadtobong odokkc bvkkolo luyirkosuto, kapc arodc Jisukolo:ji.

GALATIANG KVDVNG 3:1

C:i monba: ba:nc Galatiangkvdvng! Nolum sc:ko luyuton, sc:k ka:de:pc Jisumc tani:ka:de:pc kurusdo pvtketo cmna lulen-lua:la lubiton?

2 KORINTIANGKVDVNG 6:16

Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.

AGER KVDVNG 14:15

Ngolusin tani:yvngc, nolugvngkcmpc innc, odokkc nolum tadponc lutadko bombitung, nolujen scm cmmum ager sokkc turnc Ru:ncpvnckolo:pc gva:yckupc sc:kobv taycng amo:tcmna mo:pvscm ru:tu:ji odokkc siycngcmna odok du:nc appv:dcm.

JO:N 6:69

Odokkc ngolu mc:jvgtobong, odokkc ngolu kintobong jc no Ru:ncpvnckc angunncdc.”

JO:N 1:17

Kapila:nc Mose:kokki lujvglurodcm bitungai; ayangclang arodc Jisu Kristokokki gvido.

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

2 TIMOTI 2:20

Okum bottcnc crangkolo avnclang murkong arcmbati:ong du:mang cmpige:la vsvngclang among attarcsin du:dag, odokkc akedcm mcnggcnam ager gernapc, akedcm mcnggcma:nc ager gernapc.

1 TIMOTI: 3:5

kapcnc jodi tani:akonc bvk avkc okum cra:dcm kasv:mosvng kinma:yc, bv kapc Ru:ncpvnckc mondoli:dcm ka:sv:la:ycn?

2 KORINTIANGKVDVNG 6:7

dormokanamdok yoktung-katokki lagbvk alakdok lcgangc odokkc lakkedok lcgangc;

2 KORINTIANGKVDVNG 3:3

Nolu ka:to jc nolu Kristobvkkc mclvgnam do:jvgko siyaikokki annammang cmpige:la Ru:ncpvnckc turradu:nc Yalokkokki adnamc, odokkc vlvng ataklo:mang cmpige:la tani asinkvdv:do.

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

1 KORINTIANG KVDVNG 3:16

Nolu kinma:nci nolujc Runcpvnckc Yalodc:jc nolukkolo du:dag cmna?

1 KORINTIANG KVDVNG 10:32

Jiwukvdv:dcmba Girikkvdv:dcm oko aima:p mcnamcmsin mcngkosuyok cdcmanggom Ru:ncpvnckc mondoli:dcm,

1 TIMOTI: 3:14

Ngo nolukkolo:pc lomdanna gvpc cmna mc:dung, cmpige:la ngo sc luyirra jvgnamscm nolum ludung jc,

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

HIBRIUKVDVNG 10:21

odokkc ngolukkc bottcru:nc dormo ager gerncko Ru:ncpvnckc okumdokkcpc,

1 PITOR 4:17

Kapcnc ayirdc pvngangka:bong Ru:ncpvnckc okum cra:dokkc ba:robpc kcbang ba:pc; odokkc cdc jodi ngolukkolo ba:robmvlo, odokbuluk ba:tcrdc okopc iycji cdc sc:kobulu Ru:ncpvnckc tadponc lutaddcm tadma:nckvdv:dokkc?