1 TIMOTI: 2:7 - ANU LUGOD N. T. (BSI)

⁷ Odok lcgangc ngom lutad luyirncpclang mclvgla ager gerncpc mclvgbito kapc ngo arodcm lubitu:ji, ngo lume:ycm lumang, Angu tani:kvdv:dok poyirnc mc:jvglo:lang arolo.

1 TIMOTI: 2:7 ပူးပေါင်းရင်းမြစ်များ

JO:N 7:35

Jiwukvdv:dc akoncm akonc luka:mvnsuto “sc tani:sc okolopc gvpcmna mc:du:ncm ngolujc Bvm mabegla:ma:ycnc? Girik kvdv:dok asum asumpc yadkumsula du:nc kvdv:do:pc gvla luyirycnci odokkc Girikkvdv:dcm luyirycnci?

AGER KVDVNG 14:27

Odokkc cdvlo bulu ko:pv:toji, bulu mondoli:dok tani:kvdv:dcm lckko:pc gokkumsuto odokkc Ru:ncbv bulukkokki gernam appv:dcm lubiamtoku, odokkc kapc Bv tani:kvdv:dok ara:lo mc:jvglok yabgoko moge:toji.

AGER KVDVNG 22:21

Odokkc bv ngom luto, ‘Gvkang; kapila:nc ngo Angu tani: mo:tc:pc du:nc tani:kvdv:do:pc nom mclvgyc.’ ”

AGER KVDVNG 26:20

cmpige:la Damasku:dokkc kvdv:do:pc lutadbipo:to odokkc, odokkc Jerusalemdokkc kvdv:do:pc odokkc Judia:dok dunggong do:lung appv:do, odokkc Angu tani:appv:do, bulu jen asinc mc:dvrra mc:latsulangkula Ru:ncpvnckolo:pc gvlatyckupc odokkc buluk mc:dvrra mc:latsukunamdcmpc agercm gerycpc.

AGER KVDVNG 9:15

Cmpige:la Ru:tumbv bvm luto, “Gvkang, kapila:nc bvk ngok balennamko ngok amincm Angu opvn kvdvdcmna: migomkvdv:dcm odokkc Israeldok ommang kvdv:dcm, lutadbigo:dopc;

ROMANKVDVNG 1:9

Kapila:nc Ru:ncpvncbv ngok lukanbinnc, sc:kom ngo Bvk Awodok tadponc lutaddcm ngok yalokokki ager gerbidoji, jc ngo mcma:ru:pc nolum lubidung ngok kumdokvdv:do lo:dvscm,

ROMANKVDVNG 10:14

Cmpige:la kapc tani:kvdv:dc Bvm gogycn sc:kom bulu mc:jvgma:ji? Odokkc kapc bulu Bvm mc:jvgycn sc:kokc agomcm bulu cdvlosin tadkvma:ji? Odokkc bulu kapc tadycn agom lutadbinc ako kama:pc?

ROMANKVDVNG 11:13

Su:pak ngo Angu tani:kvdv:dcm ludung. Ngo cddvkopcjc mclvgla ager germonammcnc;

ROMANKVDVNG 15:16

kapila:nc Ru:ncpvnckc ngom binam ayang abodokki Jisu Kristokc migom ager gerncpc idopc Angu tani:kvdv:do:pc Ru:ncpvnckc tadponc lutaddok kumnam ager gernc tani:kvdv:dok gernam agerki, odomvlo ja:te Angu tani:kvdv:dok binamdc, Angunnc yalodokki narc:mola torvgsuycpc.

ROMANKVDVNG 9:1

Ngo Kristokolo du:la agomdcm ludung, ngo lume:ycm lumang; ngok mc:nam sagnamsc Angunnc Yalodo ngom lukancm lubidag,

1 KORINTIANG KVDVNG 9:1

Ngo morvt pa:ncma:lang? Ngo mclvgla ager germonammcma:lang? Ngoluk Ru:tum Jisu Kristomc ka:mangalang. Ru:tumkolo nolu ngok ager gerncma:lang?

2 KORINTIANGKVDVNG 11:31

Ru:ncpvncdc odokkc Ru:tum Jisukc Abudc, sc:kobv lo:dv:pc akirba:d pa:ncnc, kindag jc ngo lume:ycm lumang.

GALATIANG KVDVNG 1:16

Bvk Awodcm ngom lcngkannvngkang, cdcmpc ikang jc ngo jen Bvm Ru:ncmc kinma:nc tani:kvdv:dok ara:lo lutadbigo:ycpc cmna, ngo adin amvrkokki lumangai,

GALATIANG KVDVNG 1:20

(Okokokki nolukkolo:pc addu:nc, Ru:ncpvnckc kcra:lo, ngo lume:ycm lumang!)

GALATIANG KVDVNG 2:16

Ckvdaggom sc:ko kindag jc tani:akonc lujvg lurodok agerkvdv:dokki ainc cmna lumang cmpige:la Jisu Kristomc mc:jvgnamdokki, anki ngolu Kristo Jisukolo mc:jvglo, Kristokolo mc:jvgla ainc cmna ludopc, odokkc lujvglurodok agerkvdv:dokki sc:kosin ainc cmna luma:yc.

GALATIANG KVDVNG 2:9

Odokkc cdvlo bulu ngom binam aya:dcm mcngkinto, Jakobbv:lang Kepa:bv odokkc Jo:nbv, sc:kobulu vlvng kuntc cmna bottcru:pc amin gvdaganc, ngomna Barnaba:mc ajon jonsunamdok lagbvg alagdcm bito, jc ngo Ru:ncmc kinma:nc tani:kvdv:do:pc gvpcnammc odokkc bulu gadpuknam kvdv:do:pc;

GALATIANG KVDVNG 3:9

Cmpila cdcmpcmvlom cdc mc:jvgnclok tani:kvdv:dc Abrahamkokki aipai pa:nc sckkc mc:jvgc du:ngaji.

2 TIMOTI 1:11

Sc tadponc lutadsok lcgangc ngom lutadbigo:ncpc agercm togc:lvgtungai odokkc cdcmpidag ngo ipusire:ycm pa:do ngo kapc idoji.

2 PITOR 2:5

jodi Bv aku mo:pvdcm cmmumpc mclvgtomang, ckvdaggom Noamc mosv:tonc, dormo kanamlok tadponc lutad lunckopc, kvnvdkopcda ake tani:ycm, cdvlo Bv pu:mi asiko dormokama:nc mo:pvso:pc gvmotonc;