1 TIMOTI: 2:6 - ANU LUGOD N. T. (BSI)

⁶ cdc Kristo Jisu tani:dc, sc:kobv avdc appvngkc lcgangc dorrennakupc bipaksutonc, lukanbinamdc akodc ayir pv:dardo lubikaji.

1 TIMOTI: 2:6 ပူးပေါင်းရင်းမြစ်များ

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

GALATIANG KVDVNG 4:4

Cmpige:la cdvlo ayirdc pvngangka:nc, Ru:ncpvncbv Bvk Awodcm mclvgto, nc:ngc onamdcm, lujvglurodokkcm onamdc,

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

1 KORINTIANG KVDVNG 1:6

Kristomc lukanbinamdc:sinci nolukkolo aropakpc arokang–

1 TIMOTI: 6:15

odokkc cdcm lendokupc ayir aiyo:pc pv:dodo lcngkanycku akirba:d pa:ncdokki odokkc Appvngcmyam Bottaya:nclokki, Migomnok ru:tumdokki,

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

TITUS 1:3

sc:kobv cdvlosin lume:ycm luma:nc dv:tagkvdv:dok dv:tak po:pcbong pesubitoji odokkc lenpcnam ayirardo Bvk agomdo lcngkansuto lutad inamdokki okodokki ngom Ru:ncpvnckc lulvgkki ngoluk Motuncdc lugablvgtoji.

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

ROMANKVDVNG 5:6

Nolu cdvlo mc:lang-gvla:ma:la dungaji, odo ayirardo Kristobv ngolu aisi:ma:pc inamkvdv:dok lcga:pc sikang.

JO:N 10:15

Abudbv ngom kapc kindagji odokkc ngo Abudcm kindag; odokkc ngok turnamcm bera soben kvdv:dok lcga:pc tolvgdag.

JO:N 6:51

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

MARKKC 10:45

Kapila:nc tani:kc awodc:sin atvko ila:sa:la binamko pangkapc gvmang cmpige:la atvko ila:sa:la bikapcmvn gvdu:n, odokkc Bv bojcru:lok turnam lcgangc rcpvtnanc arc bikapc.”

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

HIBRIUKVDVNG 9:12

sc ru:nampvnam kvdv: sokkcmang,) Bv lo:dvlokkcpc Angunnc Dungkodo:pc gva:to, sobenlokkcmba: so:bo awolok i:ycm la:ma:pc cmpige:la Bvk avkc i:ycm langge:la, cdcmpc lo:dvlongkvlcgangc rclennapc ito.

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

2 TISSALONIANG 1:10

cdvlo Bv gvyckunc odo longcdo Bvk aipc mc:namkvdv:dok ara:lo amin gvycji, odokkc mcngapla:ma:pc appv:lo ikakupc sc:kobulu mc:jvgtonc, lcga:dc ngoluk nolukkolo lukanbinamdcm mc:jvgto.

ROMANKVDVNG 16:26

Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–

IPESIANG KVDVNG 1:17

jc ngolu Ru:tum Jisu Kristokc Ru:ncpvncbv, amin gvnamlok Abudc nolum taycng Yalo kinnamcm biycpc odokkc Bvk kinnamlok lungor lunamc.

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

IPESIANG KVDVNG 3:5

Okodcm tani: awokvdv:dcm kinmomangaji ake opvn kvdv:dcm kapc su:pak cdcm Bvk angunnc mclvgla ager germonam tani:kvdv:dcm lungor lunckvdv:dcm Yalodokki lcngkantoji;

MARKKC 1:15

“Ayirdc pvngka:bong, Ru:ncpvnckc migompc dungko mo:pvdc pvnga:dandobong; mc:dvrra mc:latsutokuka, odokkc tadponc lutaddcm mc:jvgtoka.”

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;