1 TIMOTI: 1:5 - ANU LUGOD N. T. (BSI)

⁵ cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

1 TIMOTI: 1:5 ပူးပေါင်းရင်းမြစ်များ

METIU 12:35

Ainc tani:dc bvk ainc kumsu:dokkcm aincm la:lendag, odokkc aima:nc tani:dc bvk aima:nc kumsu:dokkcm aima:ncm la:lendag.

METIU 5:8

“Narc:nc asin gcnc kvdv:dc aipc luitpcnamc, kapila:nc bulu Ru:ncpvncmc ka:begyc.

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

AGER KVDVNG 23:1

Odokkc Poulbv, kcba:dcm ka:mi:miri:la kangge:la, luto, “Bvrrang kvdvnga, ngo Ru:ncpvnckc kangkolo appvng mc:namsagnamcm kinna silolo:pc dung.”

AGER KVDVNG 24:16

Cdcmpila ngo lo:dvscm Ru:ncpvnckc lcgangc tani:lo:pc narcngo:nc mc:nam sagnamcm mc:pc mc:dvrro mc:do.

ROMANKVDVNG 10:4

Kapila:nc Kristobv lujvglurodok du:tcrc, jc appvngc sc:kkci mc:jvgc du:ji dormokadag cmna luycpc.

ROMANKVDVNG 12:9

Aipc mc:namc mc:jup mcngkaplangkangka; tayumlang okodc aima:nc agercji, gagla du:lang okodc aidagji;

ROMANKVDVNG 14:15

Nok bvrodc no okodcm dola dojcg jckka:ji, no aya:lok lambcm gvmangcibong. No okodcm dodoji Kristobv sckkc lcgangc sika:ji bvkkcpc sinampc imoyoka.

ROMANKVDVNG 9:1

Ngo Kristokolo du:la agomdcm ludung, ngo lume:ycm lumang; ngok mc:nam sagnamsc Angunnc Yalodo ngom lukancm lubidag,

1 KORINTIANG KVDVNG 13:1

Ngo jodi tani:kvdv:doklang taycng lutad lunckvdv:dok agomkokki agomcm luyc, ckvdaggom aipc mc:namc kama:yc, ngo bc:la du:nc bottcnc arcm aborko cdcmanggom tubla bc:nc lu:pe.

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

1 TIMOTI: 1:18

Sc lujcmscm ngo nom lulvgdung, Timoti:ya, ngok aowa, lungor lunamdok lukamdcmpc okodc nokkolo:pc sudkandagnc, jc cdc bulukkokki ilanggvlangcm pa:la nolu ainc mimagcm motoka, mc:jvgdcm mcnggabbomla odokkc ainc mcngc-saggcm mcnggabbomna.

1 TIMOTI: 1:19

Mcngc-saggcm mcpakge:la, tani: akke buluk mc:jvgkvdv:dok siycng ollungcm jvngangammoto,

1 TIMOTI: 3:9

bulu narc:nc mcngkuptablapdcm mc:bomna du:pa:ru:yc.

2 TIMOTI 1:3

Ngo Ru:ncpvncmc aipai bido sc:kom ngo narc:pc mc:nam-sagnamki agercm gerbodoji, kapc ngok abukvdv:dc ika:ji, cdvlo ngo mcma:pc ngok kumkolo mc:pa:doji.

2 TIMOTI 1:5

Ngom noluk mc:juppc mc:jvgnamdcm mc:pa:motok, cdc nok ya:yo Loiskolo dunga:danna mc:jvgdcm dunganc odokkc nok anc Iunisekolo odokkc su:pak, ngo su:pak kindagrung, nokkolo dung.

2 TIMOTI 2:22

Cdcmpidag ya:me: sv:sang aima:pc mc:namcm mcpaktoka odokkc dormokama:ncm ka:mi:toka, mc:jvgcm, aipc mc:namcm, odokkc mcngancm, cdc sc:kobulu Ru:tummc gogdagji narcngo:nc asinki.

TITUS 1:15

Angunncdokkcpc appvngci angundag, cmpige:la aima:ncdokkcpc odokkc mc:jvgma:ncdokkcpc okodc:sinci angunmang, buluk asinrungkvdv:dci odokkc mcngcsagcmc:namkvdv:dci mcngkcrcp-mc:mcrcpdag.

HIBRIUKVDVNG 10:22

kajc aro asinki kcra:pc gva:lai mc:jvgc pv:namrungko du:la, ngoluk asinkvdv:dc abkatla narc:la odokkc aima:si:ma:nc mc:namlokkc odokkc amvrkvdv:dcm angunnc asikokki.

HIBRIUKVDVNG 13:18

Ngoluk lcgangc kumbitei; kapcnc ngolu kinsudag jc ngolukkc aiyo:pc mcngcsaggc dung, mcngc kadopc gerpc mc:namc appvng agerlo dung.

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

JAKOB 4:8

Ru:ncpvnckc kcra:pc gva:toka odokkc Bv:sin noluk kcra:pc gva:ycpc. Noluk alagkvdv:dcm mopu:sutoka, c:i papi:kvdvnga, odokkc noluk asinkvdv:dcm narc:motoka, c:i asin ba:nyikopc gcnctani:ya.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 PITOR 3:16

odokkc noluk mcngc-saggcm narc:pc mc:langka, cdcmpcmvlojen, cdvlo nolum aima:pc luycnc, cdc sc:kobulu noluk aipc Kristokolo inamsa:namdc anyi:sumoycpc.

1 PITOR 3:21

Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,

1 PITOR 4:8

Appv:dcmyam akoncm akonc aipc mc:namdcm mcngasuma:pc mc:lv:lang, aipc mc:namdc bojcrung pa:bcmsin kupkomdag.

2 PITOR 1:7

odokkc dormokanamdc bvrrangpc aipc mc:namki, odokkc bvrrangpc aipc mc:namdc aipc mc:namki.

1 JO:N 3:10

Odokki cdcm ka:begycpc jc sc:kobulu Ru:ncpvnckc ommangcji, odokkc sc:kobulu uikc ommangcji: sc:kobvi arrom ima:ji Ru:ncpvnckcmang, cdcmanggom sc:kobv bvk bvrodcm aipc mc:ma:ji.

1 JO:N 3:23

Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.