1 TIMOTI: 1:11 - ANU LUGOD N. T. (BSI)

¹¹ Ru:cpvnckc akirba:d pa:nc tadponc lutaddokkcmpc ima:ji ngom okodokki lugablvgtagji.

1 TIMOTI: 1:11 ပူးပေါင်းရင်းမြစ်များ

GALATIANG KVDVNG 2:7

Cmpige:la odok kekonpc, cdvlo bulu ka:to jc ngom tadponc lutaddcm gadpukma:nam kvdv:dok lcga:pc togc:lvgtak, kapc Pitormc tadponc lutaddokki gadpukma:nam kvdv:do:pc togc:lvgtagji.

TITUS 1:3

sc:kobv cdvlosin lume:ycm luma:nc dv:tagkvdv:dok dv:tak po:pcbong pesubitoji odokkc lenpcnam ayirardo Bvk agomdo lcngkansuto lutad inamdokki okodokki ngom Ru:ncpvnckc lulvgkki ngoluk Motuncdc lugablvgtoji.

1 TIMOTI: 6:15

odokkc cdcm lendokupc ayir aiyo:pc pv:dodo lcngkanycku akirba:d pa:ncdokki odokkc Appvngcmyam Bottaya:nclokki, Migomnok ru:tumdokki,

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

ROMANKVDVNG 2:16

ngok tadponc agomdcmpc, Ru:ncpvncbv tani:lok lc:sinam kvdv:dcm kcbangcm Kristo Jisukkokki ba:dag.

2 TIMOTI 2:2

odokkc no okodcm ngokkolokkcm tadtoji bojcrung lukanbinclokkcm mc:jvgnc tani:ycm togc:lvgnam sc:kobulu ammemsin poyirbila:dopc.

2 TIMOTI 1:14

Angunnc Yalodokki oko arodcm nom togc:lvgtaganc aipc mc:toka okodc ngolukkolo du:ji.

2 TIMOTI 1:11

Sc tadponc lutadsok lcgangc ngom lutadbigo:ncpc agercm togc:lvgtungai odokkc cdcmpidag ngo ipusire:ycm pa:do ngo kapc idoji.

1 TIMOTI: 6:20

O Timoti, nom okodcm bigablvgtagnc ka:sv:mosv:toka. Dormokama:nc agom luke:nc kvdv:dcm mcpaktoka odokkc luyotmvnsunam kvdv:dcm okodcm lume:pc kinnam cmna ludoji,

1 TIMOTI: 2:7

Odok lcgangc ngom lutad luyirncpclang mclvgla ager gerncpc mclvgbito kapc ngo arodcm lubitu:ji, ngo lume:ycm lumang, Angu tani:kvdv:dok poyirnc mc:jvglo:lang arolo.

1 TISSALONIANG 2:4

Cmpige:la kapc ngolum tadponc lutaddcm togc:lvgdopc Ru:ncpvnc bvkkokki tolvgtonc, cdcmpila ngolu agomdcm ludo, tani:kvdv:dcm mc:lvgsumopc cmna imang, cmpige:la Ru:ncpvncmc mc:lvgsudopc sc:kobv ngoluk asinkvdv:dcm anka:la ka:dagji,

KOLOSIANG 1:25

cdcyam, mondoli:dc, okodokkcpc ngo migom ager gerncpc ika:ji taycng among migom ager gerkodokkcmpc okodcm ngom noluk lcga:pc bitungaji, Ru:ncpvnckc agomdcm Pv:dandopc kinapmodopc,

IPESIANG KVDVNG 3:10

Jc mondoli:dokki Ru:ncpvnckc bojcrungkopc inc kinnamdcm jen su:pak kinmoycpc migom doko mo:pvkvdv:do odokkc ilang-gvlang kvdv:do taycng dungkokvdv:do.

IPESIANG KVDVNG 2:7

jc a:pcnc dv:tak ayirkvdv:do Bv kvngapla:ma:nam Bvk aya:dok mitcmircm kvdv:dcm ngolum Kristo Jisukolo asin aipc mc:namki lcngkanycpc cmna.

IPESIANG KVDVNG 1:12

ngolu sc:kobulu mcnga:po:dannc Kristokolo mctinsutonc Bvm aipai bila amin gvnam lcgangc turdopc tolvgtag odokkc agercm bitung.

IPESIANG KVDVNG 1:6

Bvk amin gvnc aya:dokkcpc aipai bipc okodcm Bv ngolukkolo bitonc Mc:bomsunamkvdv:do.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

1 KORINTIANG KVDVNG 9:17

Kapila:nc ngo jodi cdcm ngok mcngkamkokki iyc, ngok amanc dung; cmpige:la ngok avkc ilvngkokki ima:mvlo, ngom bottapc gerpcnam agerkokki lulvgtag.

LU:KKC 2:14

“Appvngcm Oudaryangkoto Ru:ncsa:nckc Aipaiyc, odokkc, tani:amo:so Bvk aipc mc:lvgsunam tani:kvd:dok ara:lo mc:pomcnganc!”