1 PITOR 4:7 - ANU LUGOD N. T. (BSI)

⁷ Appvng attarlok du:tcrdc pvnga:dandu:bong; cdcmpidag noluk kumnam lcgangc mcngkintvla odokkc mc:jupmcngkapla du:langka.

1 PITOR 4:7 ပူးပေါင်းရင်းမြစ်များ

1 PITOR 1:13

Cdcmpidag noluk asinkvdv:dcm kvnggv:pc mc:sutoka, dojup-dokapla doncpc ilangka, noluk mc:tincm Pv:namko nolukkolo:pcjc ayangc pvnga:ycnc mc:tintoka Jisu Kristokc lendokudodo:pc.

1 PITOR 5:8

Asinc agamnangka, ansula du:langka. Noluk miru uidc ngvrgo:nc inggompc, sc:kaiycm gampc ngvrgo:la dung.

2 TIMOTI 4:5

Nokkcdan, lo:dcm du:tvdagtvncpc itoka, du:g-gvnamcm gvlangka, lutad lubinc tani:lok agercm gerlangka, nok migom ager gernamcm gerpvtlang.

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

HIBRIUKVDVNG 10:25

lckopc rvgsunammcm mc:yamc:sama:pc, akke kapc iyitdagji, cmpige:la akoncm akon lusv:lvgla, odokkc appv:dcmyam nolu ka:toka Longcdc aninpc pvnga:du:bong.

KOLOSIANG 4:2

Mcmangke:ke:pc kumtvla du:langka, aipai binamdcm bitvla;

TITUS 2:12

ngoluk dormo kama:n appv:dcm odokkc mo:pvsok aima:pc mc:namsagnam mcpakdopc luyirdag, odokkc ansv:n asin gcla turra du:dopc, dormokala, odokkc so mo:pvsok dormokanc turnamko turla, ngoluk akirba:d pa:nam toya:dcm toka:la du:la,

ROMANKVDVNG 12:12

Noluk mc:tinnamdo mc:pomcngantoka, ipusire:dowcm mentumsulangka, kumnamcm kumtvla du:langka.

PILIPIANG KVDVNG 4:5

Appvng tani:ycm kinmotoka noluk mentumsula du:namdcm.

LU:KKC 22:46

“Kapila nolu yubdang? Darobtoka odokkc kumtoka nolujen ankang kangkvnamcm pa:ma:ycpc.”

LUNGOR LUNAM 16:15

(“Ka:toka, ngo dopsongkoncmpc gvdoku! Sc:kobv darra toya:la du:nc akirba:d pa:nc, Bvk gcnam attarkvdv:dcm gctvla odomvlo jen bv pvtsula gvma:ycpc odokkc ka:de:pc ka:begma:ycpc!”)

1 PITOR 3:7

Cdcmv:pc nolu milbongkvdvnga, noluk nc:ng kvdv:dokki mcngcsagcla mc:jo:langka, nc:ngkvdv:dcm mcnggcla mc:la bulum rcmagncpc ru:namla:yam, kapc turnamsok aya:pc mc:namila:yam, cdcmpc ipc cmna jc noluk kumnamdcm motum morumma:dopc.

IPESIANG KVDVNG 6:18

Yalodo appvng ayirlo kumlangka, appvng kumnamclang kumrcnamkokki. Cdc appv:do mentumsula du:namkokki ansuka:sula du:langka, aipc kumnc tani:kvdv:dok appvngkc lcgangc kumrcla kumna,

1 KORINTIANG KVDVNG 15:24

Odokkc du:tcrdc pvnga:do, cdvlo Bv migom dungko amo:dcm Ru:ncpvncmc Abudcm biycji appvng migom donamcm odokkc appvng ilang-gvlangcm odokkc tornamcm momvgmosvgge:la.

1 KORINTIANG KVDVNG 7:29

Ngok lunamdc bvrokvdvnga, tola lc:nam ayirdc airu:pc aninpc pvnga:du:bong; su:pakkolokkc, sc:kobulukkc yamnc du:ji bulukkc akosin kamangv:ncmpc du:motoka,

METIU 24:42

“Toya:la du:tok cdcmpidag, kapila:nc nolu kinmang oko longcdo noluk Ru:tumdc gvyckuji.

LU:KKC 21:36

Ckvdaggom appvng ayirro ka:sula du:langka, nolujen cdc appv:dc lendodcm dugpvtsunanc tornamcm pa:dopc kumna du:langka, odokkc tani:kc Awodok kcra:lo dagkansula:dopc.”

METIU 25:13

“Darra toya:la du:lang cdcmpidag, kapila:nc nolu Longcdcm cdcmanggom ayirdcmsin kinmang.

HIBRIUKVDVNG 9:26

kapcnc odomvlo Bv du:g gviya:pc mo:pvscm runggabdodokkcbong lckko lckko:lo. Cmpige:la cdc kapc idagji, Bv lo:dv longkv lcgangc Bvk avdcm bisula pa:bcm la:pakpc cmna dv:tak kvdv:dok du:tcrso lcngkansutoji.