1 PITOR 4:3 - ANU LUGOD N. T. (BSI)

³ Cdc gvpaknc ayirdcm cdc pvngka:bong okodcm Ru:ncmc kinma:nc tani: kvdv:dc ilv:dagaji, ka:bomc:boge:la aglvngc sa:namkvdv:dc, tvngvrdowursunamc, tvngvrsula madgo:nammc, tv:la jcnggumnammc, odokkc lujvgluro lunam kama:pc monam moimang kumnamc.

1 PITOR 4:3 ပူးပေါင်းရင်းမြစ်များ

MARKKC 7:22

amilo gvma:-la:ma:dapc imvn-gvmvnsunamc, dopso:nammc, mokenammc, amikc nc:ngcm la:binammc, yadnamc, ka:bomc:bogo:la gvnamc pa:lv:nammc, aima:n agerc, ncsunammc, lume:pc aimang cmna lugo:nammc, bottapc lusunamc, monba:-ba:namc.

AGER KVDVNG 17:30

kinma:pc du:nam ayirdcm Ru:ncpvncbv mc:yinsutobong, cmpige:la su:pak appv:lo Bv tani: appvngcm asin mcdvrla mc:latsutokuka cmna lulvgcm ludag,

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

1 KORINTIANG KVDVNG 12:2

Nolu kindag jc nolu cdvlo ui-kumna:ji nolu agom luma:nc monam moimang kvdv:do:pc gvyodbola gvtungai, cdcmpc idag imanggom nolum gvnampc idungaboi.

1 KORINTIANG KVDVNG 6:11

Cmpige:la nolum vrpu:to, nolum narc:pc:scmoto, nolum Ru:tum Jisu Kristokc aminno ainc cmna kcbangcm ba:tobong odokkc ngoluk Ru:ncpvnckc Yalodo.

2 KORINTIANGKVDVNG 12:21

Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

GALATIANG KVDVNG 5:19

Su:pak adin amvrdok agerkvdv:dc lendanna dung: nc:ng milbo:pc gvmang la:ma:pc la:mvnsunam, narc:ma:nam, ka:bomc:bogo:la gvnamc,

GALATIANG KVDVNG 5:21

ncnamc, tvngvrdowursunamc, apong tv:la jcnggumla du:namc, odokkc cdcmbulumpinnc. Ngo nolum lutaddung, jc cdc sc:kobulu cdcmpinc agercm gerdoji Ru:ncpvnckc migom doko amo:do du:mvnpangku ma:ycku.

IPESIANG KVDVNG 5:18

Odokkc apongcm tv:la tvngvrsuncpc iyoka, kapcnc cdc aima:nc ka:bo-mc:bonammc;

1 TISSALONIANG 4:5

cdc angutani: kvdv:dok ka:bomc:bonampcmang sc:kobulu Ru:ncpvncmc kinma:ji!

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

1 PITOR 1:14

Kapc agom tadnc ko:kang kvdvvngc, noluk po:pckc kinma:pa:ma:nc mc:nam sagnamdc ajonpc du:tvyok,

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.