1 PITOR 4:11 - ANU LUGOD N. T. (BSI)

¹¹ sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.

1 PITOR 4:11 ပူးပေါင်းရင်းမြစ်များ

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

JO:N 13:31

Bv cdvlo gvlenka:nc, Jisubv luto, “Su:pak tani:kc Awodcm amingvmoyc, odokkc Bvkkolo Ru:ncpvncbv amin gvkang;

AGER KVDVNG 7:38

Cdcna bv:a:nc sc:kobv yumra:do tani: kcrc:do dungaji taycng among lutad lunckvdv:dokki sc:kobv Sinai Adi:do agom lubitoji, odokkc ngoluk abukvdv:dokki, odokkc bv turnc agomcm ngolum bipc cmna torvgsuka.

ROMANKVDVNG 11:36

Kapila:nc Bvkkolokkc odokkc Bvkkokki odokkc Bvkkolo:pc appvng attarkvdv:dc. Lo:dvscm Bvkkolo:pc amin gvnamdc dungka:langka! Amen.

ROMANKVDVNG 12:3

Kapila:nc ngom binam ayangabodokki nolukkolok appvngcm lulvgko lulvgdung av avyc cddvko mc:pcnammcji cdcmyam mc:ya:ma:dopc, cmpige:la mc:jupmcngkabo:pc kcbangcm ba:la mcdopc, appvngcm Ru:ncpvncbv bvm mc:jvgcm mc:monam mc:dopc binamdcmpc.

ROMANKVDVNG 16:27

Kinnc-pa:nc Ru:ncpvnc akko:dokkc aminc gvka:langka Jisu Kristokokki lo:dv-longkvpc! Amen.

ROMANKVDVNG 3:2

Appv:loi bojcdag. Lurobbompc, Jiwukvdv:dcm Ru:ncpvnckc agomkvdv:dcm togc:lvgtagai.

1 KORINTIANG KVDVNG 10:31

Cdcmpidag, nolu dodaggomba tv:daggom, cdcmanggom okodcmci no idonc, Ru:ncpvnckc amin gvnam lcgangonc itoka.

1 KORINTIANG KVDVNG 12:4

Su:pak angu angu amanc dung, cmpige:la yallo akkongko;

1 KORINTIANG KVDVNG 3:10

Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

1 KORINTIANG KVDVNG 6:20

Nolu noluk avkcmang; nolum arckokki rctung. Cdcmpidag Ru:ncpvncmc noluk amvrkvdv:do amin gvmotoka.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

2 KORINTIANGKVDVNG 9:13

Sc agersok ankangka:namso, nolu Ru:ncpvncmc noluk agom tadnamkokki amin gvmoyc Kristokc tadponc lutaddcm togcsula, odokkc buluk lcgangc noluk aman asin mcngkamdcmpc bidumsunamcm binamdokki odokkc ake appv:dok lcgangc.

IPESIANG KVDVNG 1:19

odokkc okodc kvngapla:ma:nam Bvk ilang gvla:dok bottanammcji ngolukkolo sc:kobulu mc:jvgdoji, Bvk bottcru:nc tornam ager gernamdcm bulupc

IPESIANG KVDVNG 4:29

Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

IPESIANG KVDVNG 5:20

lo:dvscm odokkc appvng lcgangc ngoluk Ru:tum Jisu Kristokc aminno Ru:ncpvnc Abumc aipai bila.

IPESIANG KVDVNG 6:10

Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki.

PILIPIANG KVDVNG 1:11

Dormokanamlok a:yckvdv:dc bi:la okodc Jisu Kristokokki gva:doji, Ru:ncpvnckc amin gvnamclang aipai binam lcgangc.

PILIPIANG KVDVNG 2:11

odokkc appvng aiyyo lude:supa:do jc Jisu Kristobv Ru:tumdc, Ru:ncpvnc Abudok amin gvnamdok gvdopc.

KOLOSIANG 4:6

Noluk agom kvdv:dcm lo:dvscm ayangabo kamolangka, aloki yonnampc, odomvlo jen nolu kinycpc nolu appvngcm kapc lutalsupcnammcji.

1 TISSALONIANG 2:4

Cmpige:la kapc ngolum tadponc lutaddcm togc:lvgdopc Ru:ncpvnc bvkkokki tolvgtonc, cdcmpila ngolu agomdcm ludo, tani:kvdv:dcm mc:lvgsumopc cmna imang, cmpige:la Ru:ncpvncmc mc:lvgsudopc sc:kobv ngoluk asinkvdv:dcm anka:la ka:dagji,

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

TITUS 2:1

Cmpige:la nolukkcpcdan okodc aiyo:pc lunam astrong agomcji poyirtoka.

TITUS 2:15

Sc appv:scm lutadgo:toka; luyirtoka odokkc ge:yirtoka appvng ilang-gvlangki. Sc:komsin nom lupakluyakkosuyok.

HIBRIUKVDVNG 13:7

Noluk gvgurla gvgcbonc kvdv:dcm mc:pa:langka, cdc sc:kobulu nolum Ru:ncpvnckc agomcm lubitoji; Buluk turnamkvdv:dokki kapc ikaji cdcm ka:langka, odokkc buluk mc:jvgkvdv:dcm mc:jvgkaimvnsulang.

HIBRIUKVDVNG 5:12

Kapcnc su:pakkc ayirso nolu poyirncpc ingappcnama:ji, nolum sc:koiyc poyirncko lckoda nolu lagidung Ru:ncpvnckc lupongarnam agomkvdv:dcm lubincko.

JAKOB 1:19

Scm kintoka, ngokkc aipc mc:bomsunam bvrrangkvdvnga. Appvng tani:ycm tadnamcm lomna tadmotoka, aso:pc agomcm lumotoka, aso:pc aglvgngcm sa:motoka,

JAKOB 1:26

Akonc jodi mc:suyc bv dormokannc, odokkc bvk ayodcm motumsumang cmpige:la bvk asindcm yadsudo, cdc tani:dok dormodc cmmumpc idag.

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

1 PITOR 2:5

odokkc turnc vlvngkoncmpc nolu av-avkvdvngc dormokanam yalokvdvng okumpc mosa:toka, angunnc dormo ager gerncpc, dormokanam yalolok palvgnampc bulu Jisu Kristokokki Ru:ncpvnckolo bisula:dopc.

1 PITOR 4:10

Kapc appvng aman ako ako pa:tonc, cdcm akonkc lcgangc akonc agercm gernatoka, angu angu aya:lokkcm Ru:ncpvnckc ainc attar kanggabya:ncmpc:

1 PITOR 4:16

ckvdaggom akonc jodi du:g gvdo Kristankoncmpc du:gcm gvmotoka, bvm anyv:sumopcnammang, cmpige:la odo amindokki bvm Ru:ncpvnckc amincm gvmotoka.

1 PITOR 5:11

Bvkkcpc migom donamdc lo:dv longkvpc ika:langka. Amen.

JU:D 1:25

ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.