1 PITOR 4:10 - ANU LUGOD N. T. (BSI)

¹⁰ Kapc appvng aman ako ako pa:tonc, cdcm akonkc lcgangc akonc agercm gernatoka, angu angu aya:lokkcm Ru:ncpvnckc ainc attar kanggabya:ncmpc:

1 PITOR 4:10 ပူးပေါင်းရင်းမြစ်များ

MARKKC 10:45

Kapila:nc tani:kc awodc:sin atvko ila:sa:la binamko pangkapc gvmang cmpige:la atvko ila:sa:la bikapcmvn gvdu:n, odokkc Bv bojcru:lok turnam lcgangc rcpvtnanc arc bikapc.”

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 3:10

Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

IPESIANG KVDVNG 4:11

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

ROMANKVDVNG 15:27

Cdcm ipc bulu mc:lvgsukangai, odokkc aroru:pci bulu bulukkcpc murkong langgcsucsin, kapila:nc Angu tani:kvdv:dc buluk yalodok akirba:d pa:namkvdv:dcm lukansukapc gvdomvlo, bulu bulukkcpc atv attar akirba:d kvdv:dok lcgangcsin ager gerncpc ipc ipcnammc.

TITUS 1:7

Kapcnc dormo ager gergcnclok gergurnc Ru:ncpvnckc okum kanggabya:ncpc ipc, aima:nc agom lugong kapa:ru:ma:yc; bv ngowong cmna mc:suru:pa:ma:yc cdcmanggom apong tv:la tvngvrsunnc cdcmanggom kvnggv:pc pamvnsugo:la cdcmanggom arc pa:pc cmna mc:bo ka:boncpc ima:pc,

IPESIANG KVDVNG 3:8

Ngokkcpc, aipc kumnc tani: appv: dokkcmyam adji:ya:nc-daggom, sc aya:scm bitungai Angu tani:kvdv:dcm Kristokc mala malenna:ma:nam mitc-mircm kvdv:dcm lubidopc,

LU:KKC 12:42

Odo Ru:tumbv luto, “sc:kobvn cmpcmvlo mc:jvgncla: mc:jvg kinncdc, sc:kom bvk ru:tumdc Bvk okumdok appv:dok ka:bomdagbomncpc togc:lvgycnc, bulum dodvlo donamcm bidopc?

1 KORINTIANG KVDVNG 4:7

Kapila:nc sc:ko nolukkolo atvko anguko ka:begdang? Nolukkc okko du:n nolu okodcm pa:toma:ji? Nolu cdcm pa:tomvlo, kapila nolu bottapc mansudon cdc aman kama:ncpc?

LU:KKC 19:13

Bvk ager gerya:nc tani: vyvngdcm gogangge:la, bv bulum vyvngkolang pi:nyiko anvr murkongcm bito, odokkc bulum luto, ‘Sokki rcnam-konamko ilang ngo gvlatkuma:sisscm.’

LU:KKC 8:3

odokkc Joanna:bv, Kuja:kc nc:dc, Herodkc okum ka:sv:mosv:ncdc, odokkc Susanna:bv, odokkc bojcrungkoda akke, sc:kobulu buluk lcgangc buluk attarkokki ila:sa:la bikaji.

2 KORINTIANGKVDVNG 6:1

Bvkkokki lckopc agercm gerbosula, odokkc, ngolu nolum kumna:sola: ludung Ru:ncpvnckc ayangabodcm cmmumpc torvgsuyoka.

ROMANKVDVNG 15:25

Silo-yampo, cmpaidcmpai, Jerusalempc gvdag Ru:ncmc kumnc ainc tani:kvdv:dok lcgangc bidumsunam bombila.

METIU 25:44

“Odo bulusin luyc, ‘Ru:tuma, ngolu cdvlo nom kcno:dopc cdcmanggom tv:lv:dopc, kangkinma:nampc, attar gcma:dopc, mola:ma:dopc cdcmanggom makana:lo du:dopc ka:ton, odokkc nom ka:sv:mosv:toma:n?’

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

2 TIMOTI 1:18

Ru:tumbv bvm mc:yinsunam pa:dopc bika:langka Ru:tumkolokkc odo Longcdo–odokkc nom aipc kinbu:la bv Ipesu:do appvng agercm gerla:yam.

METIU 24:45

“Sc:kon cmpcmvlo mc:dapnc odokkc kinnc ager gerya:ncdc, sc:kom bvk ru:tumdc bvk okumcra:d togc:lvgtonc, buluk apincm dodvdo bidopc?

METIU 24:14

Odokkc sc migom du:tc:dok tadponc lutadscm mo:pv appv:so lungapbiyc, appvng opvnnok lukansubinampc; odokkc cdc gvtcr gvngapdc a:yc.

2 KORINTIANGKVDVNG 9:1

Su:pak sc ngokkcpc adbardanna adnampc nolukkolo:pc idag aipc mc:jvgnc tani:kvdv:dok lcga:pc binamko binamkvdv:dok agomdcm.

METIU 24:21

Kapila:nc odo okolosinci dungko-ycko kama:nampc iycpc lendoa:dodokkc cdcmpc ikvmang mo:pvso su:paklo:pc, cdcmanggom cdvlosinci ikuma:ycbong.

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.

METIU 25:17

Cdcmv:pc, sc:ko cdum pvnyiko langkaji pvnyikoda cdumcm molento.