1 PITOR 3:9 - ANU LUGOD N. T. (BSI)

⁹ Aima:nc ager gernam lcgangc aima:nc agercm germvnsuyoka cdcmanggom ge:la lunam lcgangc ge:namcm; cmpige:la cdcmyam akirba:d bitoka, kapcnc odok lcga:pc nolum gogto, jen nolu akirba:dko pa:ycpc.

1 PITOR 3:9 ပူးပေါင်းရင်းမြစ်များ

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

METIU 5:39

Cmpige:la ngo nolum ludung, Aima:ncdcm nv:tumyoka. Ckvdaggom sc:kaiyc nolum lagbvkkc migmodok piycmvlo, bvm akondcmsin tokanbilang;

METIU 5:44

Cmpige:la ngo nolum ludung, noluk ka:ruka:mangcm aya:mvnsulangka odokkc sc:kobulu nolum ipusire:la idagnc buluk lcgangc kumnangka,

MARKKC 10:17

Odokkc Bvk gvtc:lok gvbomnammc, tani:akonc duga:la Bvk kcra:do lcbvng tumangkang, odokkc Bvm tawuto, “Airu:nc Luyirna, turyarla turnamdcm pa:pc ngo okkardcm ipcru:nammcn?”

LU:KKC 10:25

Odokkc ka:toka lujvgluro lunc akonc luka:la kangkvpc cmna darobkang, scmpc lula, “Luyirna, turyarla du:nam turnamdcm pa:pc ngo okkom ipcnammcn?”

LU:KKC 18:18

Odokkc ya:me:opc migom donckonc Bvm tawuto, “Airu:nc Luyirna, turyarla turnamdcm pa:pc ngo o:ko ipcnammcn?”

ROMANKVDVNG 12:14

Sc:kobulu nolum ipusire:ycm idagnc bulum akirba:d bilangka; aipai bilangka cmpige:la bulum pelvgyoka.

ROMANKVDVNG 12:17

Aima:n agerdok lcgangc aima:ncm agercm gerlatsuyoka, cmpige:la appvngkc kangkolo okodc aidagji cdcmpinc mc:namsagnamcm mc:langka.

ROMANKVDVNG 8:28

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

ROMANKVDVNG 8:30

Odokkc cdc sc:kobulum bv po:pcbong ru:lvgtoji bv gogtosin; odokkc cdc sc:kobulum bulu gogtoji Bv ainc cmna kcbang ba:tosin, odokkc cdc sc:kobulum bv ainc cmna kcbang ba:toji bv amincmsin gvmoto.

GALATIANG KVDVNG 3:14

Jc Abrahamkc akirba:ddc Kristo Jisukolo Ru:ncmc kinma:nc tani:kvdv:do gvangka:langka, odomvlo ngolu Yalodok pesunamdcm mc:jvgkokki pa:la:ycpc.

IPESIANG KVDVNG 4:32

Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

HIBRIUKVDVNG 12:17

Kapcnc nolu kindag jc lcdupc, cdvlo bv akirba:ddcm pangkonsupc matonc, bvm bitomang, kapcnc bvkkc asinc mc:dvrra mc:latsukunam ayirkatomang, bv cdcm miksidvla madagkugom.

HIBRIUKVDVNG 6:14

“Aroru:pc ngo nom akirba:d biyc odokkc nom ommangcm bojcmoyc.”

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.