20 cdvlo Ru:ncpvnckc mentumsula du:namc Noakc longckvdv:do toya:la du:tonc, ollu:dcm pado longcdo, okolo anggongkonc, cdcyam, pi:nyi tani:yc asidokkc turkang.
jodi Bv aku mo:pvdcm cmmumpc mclvgtomang, ckvdaggom Noamc mosv:tonc, dormo kanamlok tadponc lutad lunckopc, kvnvdkopcda ake tani:ycm, cdvlo Bv pu:mi asiko dormokama:nc mo:pvso:pc gvmotonc;
Mc:jvgkokki Noabv, Ru:ncpvncbv luno:la ansudopc lula a:pcnc agom kvdv:dokkc okodcmbulum ka:begmangaji, aropc ansuto odokkc ollungcm pato bvk cra:dcm turbonapc cmna; odokki Bv rcngamscm aisi:mang cmna kcbang ba:to odokkc dormo kanamlok dungkonsunckopc ikang okodc mc:jvgkokki ika:ji.
Kapilainc yabgodc ponme:la odokkc lambcdc gvnyi:ncdc, turkolo:pc gvbodag, odokkc cdcm pa:nckvdv:dc adji:ko.
Odokkc ngoluk Ru:tumkc mentumsula du:tedpo:la du:namdcm mopvnammc cmna kvlangka. Cdcmv:pc ngoluk aipc mc:bomsunam Bvro Poulbv:sin nolukkolo:pc bvm kinnam agom binamdcmpc adka,
Kapc iyya:n Ru:ncpvncbv jodi, Bvk aglvngcm odokkc Bvk ilang gvlangcm kinpc cmna mc:ya:mvlo, aglv:lok lcgang mopen morenpc cmna monamdcm airu:pc mentumsuto,
“Pcsoyoka, adjio:nc kcrcnga, kapila:nc cdc noluk Abukc aipc mc:pola nolum migom doko mo:pvdcm bipc cmna mc:du:bong.
Jc bv bvm narc: pc:sc:mola:ycpc cmna, bvm agom asidokki vrpu:la:yam.
Cdcmpila cdc sc:kobulu bvk agom kvdv:dcm torvgsutoji baptismongcm langapto, odokkc odo baptismongcm bisetla bulu lv:ying awum kvramko yallo idagai.
Noluk mc:jvgnamkokki kapc noluk yalokvdv:dok moturcm pa:to.
Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.
Kapcnc nolu me:r sobencmpc gvnyokla gvdungai, cmpige:la su:pak Me:rsoben ka:svncdo:pc odokkc yalokvdv:dok Ka:svmosvncdo:pc gvlatbotakkubong.
okolo Bv gvtonc odokkc makana:lo du:nckvdv:dcm lutadcm luto, sc:kobulu po:pcbo agom lukamdcmpc tattomang,
Cdcmpidag Ru:ncpvnckc mcngkampc cdc sc:kobulu du:gcm gvdonc ainc agercm imotoka odokkc buluk atmang kvdv:dcm mc:jvgnc Ru:ncmc tosv:lvgtoka.