1 PITOR 3:16 - ANU LUGOD N. T. (BSI)

¹⁶ odokkc noluk mcngc-saggcm narc:pc mc:langka, cdcmpcmvlojen, cdvlo nolum aima:pc luycnc, cdc sc:kobulu noluk aipc Kristokolo inamsa:namdc anyi:sumoycpc.

1 PITOR 3:16 ပူးပေါင်းရင်းမြစ်များ

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

HIBRIUKVDVNG 13:18

Ngoluk lcgangc kumbitei; kapcnc ngolu kinsudag jc ngolukkc aiyo:pc mcngcsaggc dung, mcngc kadopc gerpc mc:namc appvng agerlo dung.

1 PITOR 2:15

Kapcnc cdc Ru:ncpvnckc mcngkampc jc ainc agercm gerla:gerla: okkomsin kinma:pc tani:kvdv:dc kinma:nammcm aso:pc du:moycpc.

TITUS 2:8

odokkc aropc ainc agomcm lunamcm cdc okodcm lupakla:ma:dopc, odomvlo jen atv birudi:nckoncm anyi:sumoycpc, ngolum akosin aima:ncko lunam kama:pc ila.

METIU 5:11

“Nolum aipc luitpcnamc cdclo tani:kvdvngc nolum ngok lcgangc luka:la luycnc, ipusire:la iycnc odokkc lume:pc appvng aima:nc agomcm jc:la luycnc odo.

1 PITOR 2:19

Kapcnc akoncm aidag cmna lula tolvgnammc jodi, Ru:ncpvncmc mcnga:nckoncmvlo, bv kinamcm menrasudag kcbang banggotma:pc ipusire:ycm pa:do.

1 PITOR 3:21

Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,

1 TIMOTI: 1:5

cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

ROMANKVDVNG 9:1

Ngo Kristokolo du:la agomdcm ludung, ngo lume:ycm lumang; ngok mc:nam sagnamsc Angunnc Yalodo ngom lukancm lubidag,

AGER KVDVNG 24:16

Cdcmpila ngo lo:dvscm Ru:ncpvnckc lcgangc tani:lo:pc narcngo:nc mc:nam sagnamcm mc:pc mc:dvrro mc:do.

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

2 TIMOTI 1:3

Ngo Ru:ncpvncmc aipai bido sc:kom ngo narc:pc mc:nam-sagnamki agercm gerbodoji, kapc ngok abukvdv:dc ika:ji, cdvlo ngo mcma:pc ngok kumkolo mc:pa:doji.

1 TIMOTI: 1:19

Mcngc-saggcm mcpakge:la, tani: akke buluk mc:jvgkvdv:dok siycng ollungcm jvngangammoto,

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

AGER KVDVNG 28:22

Ckvdaggom ngolu nokkolokkcm tadpc mc:dag nok mc:nam sagnam kvdv:dc okkoji; kapcnc sc ope:sok agomcm ngolu kindagjc appv:lo birudi:pc ludag.”

1 PITOR 4:4

Bulu mcngabla:mang jc nolu su:pak bulum jonsuma:bong cdc c:mo:pinc aisi:ma:pc igong-gvgongdcm imvnmang odokkc bulu nolum aimang cmna ge:la ludag;