1 PITOR 3:1 - ANU LUGOD N. T. (BSI)

¹ Cdcmv:pc nc:ngkvdv:nolu, noluk milbong kvdv:dok lukamdcmpci tadlangka, odomvlojen akke, bulu agomdcm tadmanggom, mopvla:ya:pc agom apirkosin lumango:pc buluk nc:ngkvdv:dok inamsa:namki,

1 PITOR 3:1 ပူးပေါင်းရင်းမြစ်များ

METIU 18:15

“Nok bvrro nom imurko iycmvlo, bvkkolo:pc gvlang odokkc bvk imurcm lubilang, bvkkclang nok arango:lo. Bv nok agomcm tadmvlo, nok bvrodcm no pa:toku.

ROMANKVDVNG 10:16

Cmpige:la bulu appv:dc tadponc lutaddcm tattomang; kapila:nc Isaia:bv luto, “Ru:tuma, sc:konu mc:jvgton sc:kobv ngolukkolokkcm tattoji?”

ROMANKVDVNG 6:17

Cmpige:la Ru:ncpvncmc aipai binampc ika:langka, jc nolu sc:kobulu lckoncm pa:blok pagbopc ikaji asinbokki luyir agom tadncpc ikang okodcm nolu tadpc cmna tolvgtoji;

ROMANKVDVNG 7:2

Cdcmpinamc amilo gvnc nc:ng akonc lujvg lurodokki bvk milbongdo du:mvnna du:dag cddv longckoi bv turra du:dagji; cmpige:la bvk milbo:dc simvlo bv bvk milbo:dokki sarpaknampc idag lujvglurodok lukampc.

1 KORINTIANG KVDVNG 11:3

Cmpige:la ngo nolum kintoka cmna mc:dag jc appvng tani:lok ru:tumdc Kristobv, nc:ng tani:lok ru:tumdc milbo:dc, odokkc Kristokc ru:tumdc Ru:ncpvncbv.

1 KORINTIANG KVDVNG 14:34

Ainc yalokanc tani:kvdv:dok mondoli:kvdv:doggvngkcmpc, nc:ngkvdv:dc mondoli:kvdv:do aso:pc du:pcnammc. Kapila:nc bulum ngom ludopc lulangcm bimang, cmpige:la idum gvdumsuncpc ipa:do, lujvg lurodo lukamdcmpc.

1 KORINTIANG KVDVNG 7:16

Nc:nga, kapc no kindon nok milbo:dcm mopvtla:ycji: mopvtla:ma:ycji? Milbonga, kapc no kindon nok nc:dcm kapc mopvtla:ycji?

IPESIANG KVDVNG 5:33

Cdcmpidaggomsin, noluk appvngc av avkc nc:ngcm bvk avkcmpc aipc mc:sumotoka, odokkc appvng nc:ngcm ka:motoka jc bvk milbo:dcm bv mcnggcdagrung.

KOLOSIANG 3:18

Nc:ngkvdvnga, noluk milbongkvdv:dok agomcm tadlangka, kapc cdc Ru:tumkolo aidagji.

KOLOSIANG 4:5

Mo:rongolok tani:kvdv:dcm nolu kinnc-pa:ncpc ila ila:sa:langka, appvng ayirkvdv:do aiyo:pc.

2 TISSALONIANG 1:8

bulum palvgcm lvgla cdcmbulum sc:kobulu Ru:ncpvncmc kinma:ji odokkc cdc sc:kobulu ngoluk Ru:tum Jisukc tadponc lutaddcm lukamdcmpc tadma:ji.

HIBRIUKVDVNG 11:8

Mc:jvgkokki Abrahambv agom lukampc tadto cdvlo bv mo:takkolo:pc gvlenkang cmna goglentoji okodcm bv dungkansunamkopc torvgsupcnamma:ji; odokkc bv gvlenkang, okolopc gvpcnamma:ji cdcm kinma:pc.

HIBRIUKVDVNG 5:9

odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji,

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 PITOR 3:2

cdvlo bulu noluk mc:jup mcngkap odokkc milbong akkongcm mc:la ka:la du:nc.

1 PITOR 3:7

Cdcmv:pc nolu milbongkvdvnga, noluk nc:ng kvdv:dokki mcngcsagcla mc:jo:langka, nc:ngkvdv:dcm mcnggcla mc:la bulum rcmagncpc ru:namla:yam, kapc turnamsok aya:pc mc:namila:yam, cdcmpc ipc cmna jc noluk kumnamdcm motum morumma:dopc.

1 PITOR 4:17

Kapcnc ayirdc pvngangka:bong Ru:ncpvnckc okum cra:dokkc ba:robpc kcbang ba:pc; odokkc cdc jodi ngolukkolo ba:robmvlo, odokbuluk ba:tcrdc okopc iycji cdc sc:kobulu Ru:ncpvnckc tadponc lutaddcm tadma:nckvdv:dokkc?