1 PITOR 2:24 - ANU LUGOD N. T. (BSI)

²⁴ Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

1 PITOR 2:24 ပူးပေါင်းရင်းမြစ်များ

METIU 8:17

Cdcai agom lungorla lunc Isaia:bv okodcm lutaganc cdcmv:pc idopc lunamdc, “Bv ngoluk mola:ma:namkvdv:dcm odokkc kinamramnam kvdv:dcm la:pu:bito.”

ROMANKVDVNG 6:11

Cdcmpidag nolusin av avkvdvngc pa:b lcgangc sinnc cmna mcngkinsupcnammc odokkc Ru:ncpvnckcpc Kristo Jisu kolo turpcru:nammc.

LUNGOR LUNAM 22:2

Ru:ncpvnckc migom tedkodokkc odokkc cdc Awome:r sobendok dungkodokkc nogordok ali: lambcdok pongkokdokkc binncko; odokkcsin, a:nc kekon-kesagdo, cdc turnamdok vsv:dc odok vyvngkolang anyikopc angu angupc e:nc a:yckvdv:dc, odok a:yckvdv:dc po:lo po:lolo; odokkc vsv:dok a:yckvdv:dc opvnkvdv:dok csa:mokunam lcgangc.

1 JO:N 2:29

Jodi nolu kindo jc Bv dormokannc, nolu aroru:pc mc:sula:yc jc ainc agercm sc:kobvi gerdonc Bvkkolok onamc.

JAKOB 5:16

Cdcmpidag noluk pa:pkvdv:dcm akonc akonkolo lude:sutoka, odomvlo jen nolum csa:moyckupc. Dormokanc tani:dok kumnamdc ager kvnggv:pc ilang gvla:dag.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

ROMANKVDVNG 6:2

Kapcsin imang! Kapc ngolu sc:kobulu pa:plcgang sinckvdv:dc odo lckoda turra du:ycn?

KOLOSIANG 3:3

Kapila:nc nolu sikang odokkc, odokkc noluk Ru:ncpvnckolo Kristokokki lc:sula lc:tung.

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

JO:N 1:29

Longkondcm bv Jisumc bvkkolo:pc gva:dopc ka:to, odokkc luto, “Ka:toka, Ru:ncpvnckc Me:r Soben Awodcm, sc:kobv mo:pvsok pa:bcm jo:pakdagji!

ROMANKVDVNG 7:6

Cmpige:la su:pak ngolum lujvglurodokkc mclenlvgkunammcbong cdc sikodokkcm okodc ngolum makana:lo ycnggabla lc:tungaji, odomvlojen ngolu aku lujvgluro adgabnamdcmpc germa:yc cmpige:la Yalodok turnamdcmpc.

1 JO:N 3:7

Ameo:nc ommang kvdvnga, nolu sc:kosin yadkosuyoka. Sc:kobv aro agercm gerdonc dormokannc, kapc Bv dormokadagji.

ROMANKVDVNG 6:7

Kapila:nc sc:kobv sika:ji bv pa:b lokkc gvpvtsukang.

ROMANKVDVNG 6:16

Nolu kinma:nci jc nolu sc:koikc lukamdcmpc tadycmvlo odok pagbopc idag cmna, no sc:kokc lukamdcmpc taddoji odok pagbopc ido, pa:blokkcpc, okodc sinamlo:pc gvbodagji, cdcmanggom agom lukamdcmpc tadnamdcmpc, okodc dormo inamlo:pc gvbodagji?

2 KORINTIANGKVDVNG 6:17

Cdcmpidag buluk ara:dokkc gvlentoka odokkc bulukkolokkc angutoka, Ru:tumbv ludag, odokkc narc:ma:nc okkomsin gakkvyoka; odo ngo nolum gogrvgsuyc.

AGER KVDVNG 5:30

Ngoluk abubuluk Ru:ncpvncbv Jisumc turmotoku sc:komc nolu vsvngkolo ragjonge:la moketonc.

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

METIU 5:20

Kapila:nc ngo nolum lubidung, noluk Ru:ncpvncmc kumgotdc potin adnckvdv:dcmla, Parisi:kvdv:dcmyam, aiya:ma:mvlo, nolu cdvlosin taycngamong migom dungkodo:pc gva:lankuma:yc.

HIBRIUKVDVNG 12:13

odokkc noluk alckvdv:dok lcgangc yvg cmnc lambcm motoka, odomvlojen okodc lcbe:dagji opansuma:ycpc cmpige:la cdcmyam aimoyckupc.

AGER KVDVNG 13:29

Odokkc Bvk agomcm adkam appv:dcmpc cdvlo ingapka:ji, bulu Bvm vsv:dokkcm la:yito, odokkc agokolo Bvm lc:to.

AGER KVDVNG 10:35

cmpige:la appvng opvnno sc:kobvi Bvm pcsogcycji odokkc okodc aidagji cdcm imvlo Bvkkcpc torvgsula:dag.

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

KOLOSIANG 2:20

Nolu jodi Kristokc lcdulo simvnkang Mo:pvsok ncrkvg yalokvdv:do sika:bong, kapila nolu su:paksin mo:pvsokkcmpc turdon? Kapila nolu lujvglurokvdv:do tolvgsudon.

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

AGER KVDVNG 10:39

Odokkc ngolu odo appv:dok ka:nc kvdv:dc dung Bvk Jiwukvdv:dok do:lung kvdv:do:lang Jirusalemdok anyi:pakdo inamkvdv:dcm. Bulu bvm ragsangge:la moketo;

METIU 27:26

Odo bv bulum Barabbasmc mclennvgbitoku, odokkc Jisumc somotangki dcmmoge:la kuruslo Bvm mokedopc mclvgto.

IPESIANG KVDVNG 5:9

pva:dok ommangcmpc lambc gvtok (kapcnc pva:dok a:ycdcm appvng ainamlo odokkc dormokanamlo odokkc arolo pa:do,)

JO:N 19:1

Odo Pilatbv Jisumc gvbokang odokkc dcmmoto.

PILIPIANG KVDVNG 1:11

Dormokanamlok a:yckvdv:dc bi:la okodc Jisu Kristokokki gva:doji, Ru:ncpvnckc amin gvnamclang aipai binam lcgangc.

MARKKC 15:15

Cdcmpila Pilatbv, yadkumsunc tani:kvdv:dcm mc:lvgsumopc cmna, buluk lcga:pc Barabbasmc mclennvgbitoku; odokkc Jisumc sabukkokki dcmage:la kuruslo pctkedopc tolvgto.

1 KORINTIANG KVDVNG 15:3

Kapila:nc ngo mayangarnamdcmpc okodcm ngo pa:toji, jc Kristobv ngoluk pa:p lcgangc Ru:nckc agom jvggabdcmpc sikang,

KOLOSIANG 2:14

oko yc:tumnamdc ngoluk birudi:pc dagridagji odok lugot lujcmdokki luncdcm la:pakge:la; scm bv angupc lc:to, cdcm Kurusdo pvtlvgge:la.

HIBRIUKVDVNG 10:5

Odokkokki, cdvlo Kristobv mo:pvso:pc gvtonc, bv luto: “Palvgnam kvdv:dc odokkc binamkvdv:dcm no matomang, cmpige:la no ngok lcgangc amvrko ru:to;

HIBRIUKVDVNG 10:10

Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.