1 PITOR 2:21 - ANU LUGOD N. T. (BSI)

²¹ Kapcnc odok lcga:pc nolum gogtung, kapcnc Kristobv:sin ipusire:ycm noluk lcgangc pa:to, nolum kanggodkopc lcngkanbila, jc nolu Bvk lckorcm kormvnpcnamc.

1 PITOR 2:21 ပူးပေါင်းရင်းမြစ်များ

1 JO:N 2:6

Sc:kobv ludonc ngo Bvk dungkolo du:mvndo Bvk gvko lambcdok bv:sin gvmvnpcnamc.

METIU 16:24

Odo Jisubv Bvk agom tadjvgla gvmvnnc tani:kvdv:dcm lubito, “Tani: akonc ngok lcdulo gvmvnpc mc:ycnc, bvm avdc avycm cmmumc cmna lusumotok odokkc bvk kurusdcm jo:motok odokkc ngok lcdulo gvmvnmotok.

JO:N 13:15

Kapila:nc ngo nolum lcngkanko ibito, nolujen ngok nolum ikampc iycpc.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

1 JO:N 3:16

Odokki ngolu aipc mc:namcm kindag, jc Bvk turnamcm ngoluk lcgangc tolvgto; odokkc ngoluk turnam kvdvngcm bvrokvdv:dok lcgangc tolvgpa:do.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

1 KORINTIANG KVDVNG 11:1

Ngok gvkampc gvmvnncpc itoka, ngo kapc Kristokc lcdulo gvmvndoji.

1 PITOR 4:1

Odokkc odcmpila Kristobv adinamvrro ipusire:ycm pa:la, nolu av avyc cdc mcngkamdcm mc:sutoka, kapcnc sc:kobvi adinamvrdo du:gcm gvtonc pa:bcm mcpaktokubong,

PILIPIANG KVDVNG 2:5

Sc asinsc nolukkolo gctoka, okodc noluk Kristo Jisukolo du:ji, sc:kobv,

METIU 11:29

Ngok jungoli:ycm nolu tulvgsutok, odokkc ngokkolokkcm luyir-poyirnammcm torvgsutok; kapila:nc ngo ainc odokkc asinc rcmagnc tani:yc, odokkc noluk yalokvdv:dok lcga:pc du:rasukkom pa:ycpc.

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

METIU 10:38

Odokkc sc:kobv avkc kurusdcm jo:la ngok lcdulo gvmvma:ycnc bv ngokkcpc ipc arckamang.

1 PITOR 3:9

Aima:nc ager gernam lcgangc aima:nc agercm germvnsuyoka cdcmanggom ge:la lunam lcgangc ge:namcm; cmpige:la cdcmyam akirba:d bitoka, kapcnc odok lcga:pc nolum gogto, jen nolu akirba:dko pa:ycpc.

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.

HIBRIUKVDVNG 2:10

Kapcnc cdc aidagai jc Bv, sck lcngangc odokkc sckkokki appvng attarc du:pcnammcji, bojcrung aowom amin gvmopc, buluk motur pa:namdok igc-gvgcpo:ncpc ipcnammc ipusire: pa:namkokki pv:namkopc pv:dopc.

2 TIMOTI 3:12

Aropakpci sc:ko dormokanc turnamko Kristo Jisukolo turycnc ipusire:ycm pa:yc,

1 PITOR 1:20

Sc:kobv mo:pvscm mosa:ma:dapc ru:pvlvgtonc cmpigge:la noluk lcgangc ayir du:tcrdo lenmotonc.

1 TISSALONIANG 4:2

Kapila:nc ngolu oko luyircm Ru:tum Jisukolo nolum bikanc kindag.

1 TISSALONIANG 3:3

jc sc:kosin ipusire:sokki cngunma:ycpc cmna. Nolu av avkvdv:dci kindag jc cdc ngoluk pa:pcnampc ipcnammc.

AGER KVDVNG 17:3

Kristokcpc ipusire: pangge:la sikolokkc turkupcnamai cmnamdcm lulen-lua:la lubila, odokkc scmpc lula, “Sc Jisuscm sc:kom ngo nolum lutadcm lubidu:ji, bv:na Kristodc.”

AGER KVDVNG 9:16

kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”

LU:KKC 24:26

Kristobv cdc ipusire: kvdv:dcm pa:pcnam mangalang odokkc Bvk ungjvgkolo dungkupcnamai?”

1 PITOR 4:13

Cmpige:la su:paklo:pc nolu Kristokc du:g gvnamdcm gvmvnna du:g gvnamdcm mc:pobatsutoka, jen nolusin Bv cdvlo lenyckunc odo mc:pobatsuycpc odokkc mc:poycpc.