1 PITOR 2:19 - ANU LUGOD N. T. (BSI)

¹⁹ Kapcnc akoncm aidag cmna lula tolvgnammc jodi, Ru:ncpvncmc mcnga:nckoncmvlo, bv kinamcm menrasudag kcbang banggotma:pc ipusire:ycm pa:do.

1 PITOR 2:19 ပူးပေါင်းရင်းမြစ်များ

LU:KKC 6:32

“Nolum aipc mc:nong kvdv:dcm nolu aipc mc:mvlo, nolu okodcm pa:ycn? Kapila:nc papi:kdv:dci bulum aipc mc:nckvdv:dcm aipc mc:dag.

JO:N 15:21

Ckvdaggom bulu cdc appv:dcm ngok lcgangong iyc, lcga:dc bulu sc:ko ngom mclvgtagji kinmang.

AGER KVDVNG 11:23

Cdvlo bulu gvla Ru:ncpvnckc ayangcm ka:begtoji, bv mc:pokang; odokkc Ru:tummc mc:jvgla du:ncpc idopc luyircm luto lo:dvscm mc:la gvangkunamdcmpc du:dopc;

ROMANKVDVNG 13:5

Cdcmpidag akonc lulvg lunamcm tadpa:ru:yc, Ru:ncpvnckc aglvng lv:namdcmong lvngkosuge:mang cmnamongmang cmpige:la asin mcngkin-sakkin kokkisin.

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

2 KORINTIANGKVDVNG 8:1

Ngo nolum kintoka cmna mc:dag jc, bvrokvdvnga, Ru:ncpvnckc aya:dcm okodcm Makedonia mondoli:do lcngkankaji.

2 TIMOTI 1:12

Cmpige:la ngo anyi:mang, kapcnc ngo kindag sc:kom ngo mc:jvgdoji, odokkc ngo kindagrung jc Bv cdc Longcdc pvnga:dodo:pc ka:ribomla du:la:dag okodcm ngom lugablvgtagji.

HIBRIUKVDVNG 10:2

Ckvma:mvlo, bulu palvgngasuma:yalang? Kumnckvdv:dc lcko jodi narc:motobong, bulukkc cdvlosin pa:bcm mc:namc kama:ya:bo:pc.

1 PITOR 2:20

Kapcnc cdc oko inam aminko du:ycn, jodi nolu cdvlo imurko ige:la dcmkosudo odok lcgangc mentumsula torvgsudonc? Cmpige:la jodi cdvlo nolu ainc agercm gerdonc odokkc odok lcgangc mentumsula torvgsudo, nolukkc Ru:ncpvnckc aidag cmna tolvgnammc dung.

1 PITOR 4:15

Cmpige:la nolukkolok sc:komsin tani:mokencpc du:gcm gvmoyoka, cdcmanggom dopsongkoncmpc, cdcmanggom ager germurnckoncmpc, cdcmanggom aima:pc imoncmpc;