1 PITOR 2:18 - ANU LUGOD N. T. (BSI)

¹⁸ Pagbokvdvnga, appvng mcnggcnamkokki noluk ru:tum kvdv:dcm agom lukamdcmpc tadlangka, cdc asin ansvngo:ncdcmmang odokkc asin agamcmbulum, cmpige:la bottc bottcpc lusunamkvdv:dcmsin.

1 PITOR 2:18 ပူးပေါင်းရင်းမြစ်များ

JAKOB 3:17

Cmpige:la tayc:tokkc gvinc kinnam agomdo lenpo:danna narcngtong cmdag, odokkc mcnganbola:dag, mc:jubmcngkabdag, lugab agom lcgangc tadmvnsudag, mc:yinsunamc bi:danna odokkc ainc apva:ycbulu du:dag. Mc:momc:ya kama:ncpc ila cdcmanggom mc:jupmcngkap kama:ncpc ima:pc.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

TITUS 3:2

pamvnsunamcm mcpakdopc, asin aiyo:dopc, odokkc appvng tani:ycm inam-sa:nam pv:namrungko lcngkandopc.

2 KORINTIANGKVDVNG 10:1

Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!