1 PITOR 2:16 - ANU LUGOD N. T. (BSI)

¹⁶ Av mcngkampc du:ncpc turla du:langka, cdcmanggom noluk av mcngkampc du:namdcm aima:nc ager gernapc iyoka; cmpige:la Ru:ncpvnckc ager gerya:ncpc ilangka. Appvng tani:ycm mcnggclangka.

1 PITOR 2:16 ပူးပေါင်းရင်းမြစ်များ

METIU 23:13

“Ckvdaggom nolukkcpc mc:dvrpcnamc, poyirna odokkc Parisi:kvdvng, agom lc:sula lunc mc:jola kinnc tani:kvdvngc! Lcga:dc nolu taycng amo:tok migom du:tcng mo:pvdcm tani:kvdv:dokkcm mokapdag;

JO:N 15:22

Ngo gvmangamvlo odokkc bulum lubimangamvlo, bulu pa:bvm ima:ya:pc; cmpige:la su:pak bulukkc buluk pa:pkvdv:dok lcgangc mc:yinsunamc kama:ycbong.

ROMANKVDVNG 6:18

odokkc pa:blokkcm mopvnampc ila:yam, dormo inamlok pagbopc ikang.

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

1 KORINTIANG KVDVNG 7:22

Kapila:nc Ru:tumkolo sc:kom gogtagnc pagbokopc malennvgkunammc Ru:tumkolo. Cdcmv:pc sc:kom mcge:lvgnamcji cdvlo Kristokc pagbopc gogtoji.

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

IPESIANG KVDVNG 6:6

amigc ka:la du:namkokki gernamo:mang, tani:ycm aipc mc:monammcmpc, cmpige:la Kristokc ager gerya:ncpc, asinkokki Ru:ncpvnckc mcngkampc agercm gerla.

KOLOSIANG 3:24

kinna jc Ru:tumkolokkcm nolu pangkonsupcnamdcm noluk amanpc, nolu Ru:tum Kristokc agercm gerdung.

1 TISSALONIANG 2:5

Kapcnc ngolu cdvlosin lume:pc lubonsula lunam agomcm lumang, kapc nolu kindagji cdcmanggom dorvnam lcgangc gcnambomnamcm, kapc Ru:ncpvncbv lukanbinnc.

JAKOB 1:25

Cmpige:la sc:kobv aiyo:pc ainc lujvg lurodo:pc ka:dagji, appvngcm aipc mc:mvnsunamlok lujvg lurodcm, odokkc mcmang-ke:ke:pc lukam tadtvla tadyc, mitpankunc tadncpc imang cmpige:la gerncpc cdc incdcmbulumpc iyc, bv bvk inam gvnamlo:bulu akirba:d pa:yc.

JAKOB 2:12

Asin aipc mc:la gernam agerkvdv:dcm lujvg lurodok du:ncm kcba:ba:pcnampcnampc agomcm lulangka odokkc agercm gerlangka.

2 PITOR 2:19

Bulu avkc mcngkam mcngkampc agomcm pesula lubidag, cmpige:la bulu avkvdv:dc imursiyarnclok pagbo; kapcnc okodci tani:akoncm mopvdagnc, odokkcpc bv pagbopc idag.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.