1 PITOR 2:12 - ANU LUGOD N. T. (BSI)

¹² Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

1 PITOR 2:12 ပူးပေါင်းရင်းမြစ်များ

1 PITOR 3:16

odokkc noluk mcngc-saggcm narc:pc mc:langka, cdcmpcmvlojen, cdvlo nolum aima:pc luycnc, cdc sc:kobulu noluk aipc Kristokolo inamsa:namdc anyi:sumoycpc.

METIU 5:16

Noluk pvangcm tani: kvdv:dok kangkolo pva:motoka, odomvlo bulu noluk ainc agerkvdv:dcm ka:begycpc odokkc taycngamo:tok du:nc noluk Abumc bottaru:nc cmna kumycpc.

2 KORINTIANGKVDVNG 8:21

Kapila:nc ngolu ka:mila okodc mcnggcnammcji cdcm ka:la gvdo Ru:tumkc ka:po:mang cmpige:la tani:kvdv:dok kangkolo:sin.

1 TISSALONIANG 4:12

odomvlo jen nolu mo:rongolok du:nckvdv:dcm lulvgla:ycpc, odokkc sckkolo:sin dagrasuma:ycpc.

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

JAKOB 3:13

Noluk ara:lo kinncpa:ncdc:lang mcngkinncdc sc:kon? Bvkkc ainc turnamdokki bvk ainc agerkvdv:dcm lcngkanmotok asinc ansv:pc mc:sula kinnam pa:namki.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

2 PITOR 3:11

Cdcmpinamc sc appvng attarkvdv:sc cdcmpila jitpagamycnc, kapinc tani:pc nolu ipcnammcn angunna turnamlo:bulu odokkc dormokanamlo,

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

ROMANKVDVNG 12:17

Aima:n agerdok lcgangc aima:ncm agercm gerlatsuyoka, cmpige:la appvngkc kangkolo okodc aidagji cdcmpinc mc:namsagnamcm mc:langka.

HIBRIUKVDVNG 13:18

Ngoluk lcgangc kumbitei; kapcnc ngolu kinsudag jc ngolukkc aiyo:pc mcngcsaggc dung, mcngc kadopc gerpc mc:namc appvng agerlo dung.

1 TIMOTI: 2:2

Kapcnc migomkvdv:dc odokkc appv:dc sc:kobulu bottcnnc ager gerkolo du:nc, jc ngolu ansv:nc odokkc mcngannc turnamcm turdopc, dormokanc odokkc mcnggcnammc appvng lambclo.

PILIPIANG KVDVNG 4:8

Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

IPESIANG KVDVNG 4:22

Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

HIBRIUKVDVNG 13:5

Noluk turnamdo murkongcm aipc mc:bola mc:yoka, odokkc nolukkc okko du:ji cdcmong mc:tv:sula du:langka; kapcnc Bv luto, “Ngo cdvlosin bila:ma:pc ima:yc cdcmanggom nolum mcma:yc.”

ROMANKVDVNG 15:9

odokkc cdcmpc ipc jc Ru:ncpvncmc kinma:nc tani:kvdv:dc Ru:ncpvncmc amin gvmoycpc cmna bvk aya:la mc:yinsunam lcgangc. Cdcm adla lc:namdcmpc, “Cdcmpidag ngo nom aipai cmyc tani:kvdv:dok ara:lo, odokkc nok amindcm ni:tompc moyc.”

LU:KKC 19:44

odokkc nom amo:lo gctabyc, nomna: nok ommangkvdv:dcm, odokkc bulu vlvngcm akon tayc:do akoncm lc:ma:yc; kapila:nc no palvg lvgnamdok ayirdcm kintomang.”

METIU 10:25

Agom tadjvgla gvmvnnc tani:dokkcpc bvk luyirncdcmpc inamdci pv:dag, odokkc pagbodc bvk ru:tumdcmpc inamdci pv:sepv:yedag. Bulu okum cra:dok ru:tumdcmci Belsobub cmyc, cddvk abayangko lubarla bulu cra:dok luggcm gcync!

METIU 5:11

“Nolum aipc luitpcnamc cdclo tani:kvdvngc nolum ngok lcgangc luka:la luycnc, ipusire:la iycnc odokkc lume:pc appvng aima:nc agomcm jc:la luycnc odo.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.

IPESIANG KVDVNG 2:3

Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.

2 KORINTIANGKVDVNG 13:7

Cmpige:la ngolu Ru:ncpvncmc kumdojc nolu germurcm germa:ycpc cmna–ngolu jc ankang kangkvdcm rvgsuycpc cmna:mang, cmpige:la nolujen okodc aidagji cdcm iycpc, ngolum ilang-gvla:ma:dopc ka:daggom.

1 KORINTIANG KVDVNG 14:25

bvk asinbok kinma:dopc lc:nam agom appv:dokki lulenamdo; odokkc cdcmpidag, bv: obumla owa:la bv Ru:ncpvncmc kumyc odokkc lulenyc jc Ru:ncpvncbv aropakpc ngoluk ara:so dung.

AGER KVDVNG 24:13

Bulukkolok akosinci nokkolo:pc su:pak ngok agomcm lukanna lubila:mang.

AGER KVDVNG 15:14

Simionbv lukanbito kapc Ru:ncpvncbv Bvm kinma:nckvdv:dcm gvla ka:toji, bulum Bvk amin lcgangc la:lenpc.

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

LU:KKC 1:68

“Israeldok Ru:tum Ru:ncsa:ncb gerka:langka, Kapila:nc Bvk tani:kvdv:dcm gvka:la Bv ka:to odokkc rclentoku,

METIU 9:8

Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.

AGER KVDVNG 25:7

Odokkc bv cdvlo gva:toji, Jiwu kvdv:dc sc:kobulu Jerusalemdokkc gvkaji bvk kcra:do dagkang, bvk birudi:pc bojcrungko kvnggvng kvnggv:nc ajcngcm boma:la luto okodcm bulu lukanna lubila:toma:ji. Poulbv bvk lurasula lunamdo luto,

JO:N 13:31

Bv cdvlo gvlenka:nc, Jisubv luto, “Su:pak tani:kc Awodcm amingvmoyc, odokkc Bvkkolo Ru:ncpvncbv amin gvkang;

AGER KVDVNG 28:22

Ckvdaggom ngolu nokkolokkcm tadpc mc:dag nok mc:nam sagnam kvdv:dc okkoji; kapcnc sc ope:sok agomcm ngolu kindagjc appv:lo birudi:pc ludag.”

ROMANKVDVNG 14:18

sc:kobv cdcmpc Kristokc agercm gerdoji Ru:ncpvnckc torvgsupcnammc odokkc tani:kvdv:dc aidag cmna tolvgdag.

1 TIMOTI: 5:10

odokkc bv ainc ager lcgangc aipc aidag cmna lunampc ipc lagiyc, kapc akonc ommangcm usa:basa:toji, mibo-bonamcm lcngkantoji, aipc kumnc tani:kvdv:dok allcm vrbitoji, odokkc appvng agerlo aincm ipc avdc tolvgsutoji.

1 PITOR 2:15

Kapcnc cdc Ru:ncpvnckc mcngkampc jc ainc agercm gerla:gerla: okkomsin kinma:pc tani:kvdv:dc kinma:nammcm aso:pc du:moycpc.