1 PITOR 2:1 - ANU LUGOD N. T. (BSI)

¹ Cdcmpidag appvng ka:ru-ka:mangnammcm mc:pagamtoka odokkc yadgo:pagongcm odokkc mc:jubmcngkabma:nc asincm odokkc Ka:ruka:mangcm odokkc appvng lume:pc lujcmnam lunamcm.

1 PITOR 2:1 ပူးပေါင်းရင်းမြစ်များ

METIU 15:7

Nolu kcvgpc asin mcngunc kvdvngc! Isaia:bv Ru:ncpvnckc agomcm lungordodcm airu:pc luto noluk agomcm, cdvlo bv lungorkaji!

METIU 23:28

Cdcmv:pc nolusin ru:yidc tani:ka:pc dormokancpc ka:dag, cmpige:la asin ara:bc agom lc:sula kumnamc odokkc kaboma:pc kcba:ba:nam agom-asi lumurgvmurc bi:la dung.

METIU 24:51

odokkc bvm agom lc:sula lcngge:la lunckvdv:dok dungkolo lc:yc; odo tani:kvdv:dc kaptaksuycku odokkc buluk a:yckvdv:dcm dokcrcbamsuycku.

METIU 7:5

Nolu agom lc:sula lunnc, nok amikdok vsvng sv:po:dcm la:pakpo:tok, odokkc odopak no aiyo:pc ka:begycpc nok bvrodok amikdo du:nc vsvng sv:po:dcm la:pakpc.

MARKKC 12:15

“Ngolu bulum dorpa:don, cdcmanggom ngolu dorpa:ma:nci?” Cmpige:la buluk lc:sula lunam agomdcm kinge:la, Bv bulum luto, “Kapila ngom anka:la ka:dang? Ngom anvr poisangko boma:tei, odokkc cdcm ngom ka:motei.”

LU:KKC 11:44

Yowc: Yowa! Nolu mc:dvrpcnamc, kapila:nc nolu ka:begma:nam aggompc idag, odokkc tani:kvdv:dc cdcm kinma:pc odok tayc:do lambcm gvdag.”

LU:KKC 12:1

Odo cdcmpc idodcmci, cddv lvngkokojc: tani:yc yadkumsuka:nc jc bulu akonc akoncm sa:tupsa:somvnsukang, Bvk agom tadjvgla gvmvnnc tani:kvdv:dcm lusa:danna Bv lurobbomkang, Parisi:kvdv:dok komira:dcm ansulangka, okodc lc:sula aima:pc ager inamgvnamcji.

LU:KKC 6:42

Cdcmpcmanggom nok bvrodcm kapc lula:don, ‘Bvrra, nok amigdok du:nc takotdcm ngo la:pak bisoi,’ nok amigdok sv:po:dcm avyc ka:suma:pc ige:la? C:i kcvgpc agom lunckvdvnga, noluk avkc amigdok sv:po:dcm la:paksupo:tok, odokkc odo nolu aiyo:pc nok bvrodok amigdo du:nc takotdcm ka:begycpc.

JO:N 1:47

Jisubv Natanaelmc Bvkkolo:pc gva:dopc ka:to, odokkc bvm luto, “Ka:toka, Israel akonc aropcma:nckonc, sckkolo atv yadnam panam kama:nc.”

ROMANKVDVNG 1:29

Bulukkc appvng aisi:ma:nc ager gernam ipa:ma:nam ager, ka:bomc:bonam, ncnamc pv:namkopc dungai. Mirupc mc:namongc bi:la, tani:mokenc, pamvnsunamc, yadnamc, cmpcsin ka:lv:mvnsuma:namc, bulu pvsvpasapc agom luka:mvnsunc,

1 KORINTIANG KVDVNG 14:20

Bvrrangkvdvnga, noluk asinc ko:ka:pc iyoka; aima:nc agerlo onam kowawpc ilang, cmpige:la mc:namsagnamlo sv:titsunncmpc itoka.

1 KORINTIANG KVDVNG 5:8

Kajc ngolu, cdcmpidag cdc donam-tv:namdcm ilai, cdc aku komira:dokkimang, cdc aima:pc ncka:mvnsunclang aisi:ma:nc komirangdokkimang, cmpige:la komirang ilvgma:nam pitangdokki ainc asin gcnamclang arodokki.

2 KORINTIANGKVDVNG 12:20

Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

IPESIANG KVDVNG 4:31

Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc.

1 TISSALONIANG 2:3

Kapila:nc ngoluk kumna lunamdc imurgvmurlokkc cdcmanggom napv-narc:manamlokkc lenncmang, cdcmanggom cdcm lume:lula lunamki lunammang;

1 TIMOTI: 3:11

Nc:ngkvdv:dc cdcmv:pc kvnggv:pc asinc mc:dappa:ru:yc, lume:pc lujvggo:ncmang, cmpige:la ru:la dolang, appvng atv agerlo.

TITUS 2:3

Abv:nc nc:ngkvdv:dcmsin cdcmv:pc lulvgtoka agomasv inam-sa:namlo aiyo:dopc, lume:pc luncpc ima:dopc cdcmanggom tv:nclok pagbopc ima:dopc; okodc aidagji cdcm bulu poyirpa:yc,

HIBRIUKVDVNG 12:1

Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,

JAKOB 1:21

Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

JAKOB 3:14

Cmpige:la nolukkc jodi konncmpc ncgo-poggo du:yc odokkc ngowong cmna bottcpc mc:sunamko noluk asinkvdv:do du:yc, bottcpc mc:batsula mc:suyoka odokkc aro agomdcm lume:pc luyoka.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.

JAKOB 4:5

Cdcmanggom cdcm nolu mcngka:la ka:donci jc astro:dc arusu:ma:pc lutag cmna, “Bv ka:ruka:ma:la ngoluk ara:lo yalodcm du:motung cmna?”

JAKOB 5:9

Jcngka:mvnsuyoka, bvrrangkvdvnga, akonkc birudi:pc akonc, jen nolum kcbangcm ba:ma:ycpc; ka:toka, kcbang ba:ncdc yabgo kvdv:do dagla dung.

1 PITOR 2:16

Av mcngkampc du:ncpc turla du:langka, cdcmanggom noluk av mcngkampc du:namdcm aima:nc ager gernapc iyoka; cmpige:la Ru:ncpvnckc ager gerya:ncpc ilangka. Appvng tani:ycm mcnggclangka.

1 PITOR 2:22

Bv oko pa:bcmsin itomang; Bvkkolo oko yadgo:pagongcsin katomang.

1 PITOR 3:10

Kapcnc, “Sc:kobv turnamcm aipc mc:ycnc odokkc ainc longckvdv:dcm ka:begyc, bvm ayodcm aima:nc agerlokkcm odokkc bvk nabber kvdvngcm luyatla lunamlokkcm la:paktoka.

1 PITOR 4:2

lcdukc ayir appv:dcm adin amvrdo cdvlosin tani: mc:bo-ka:bokima:bong cmpige:la Ru:ncpvnckc mcngkamki turpc cmna.

1 PITOR 4:4

Bulu mcngabla:mang jc nolu su:pak bulum jonsuma:bong cdc c:mo:pinc aisi:ma:pc igong-gvgongdcm imvnmang odokkc bulu nolum aimang cmna ge:la ludag;

LUNGOR LUNAM 14:5

odokkc buluk nappa:do oko lume: lunamcmsin pa:tomang, kapcnc bulu mclvgla ager gerdopc mclvgnammc.