1 PITOR 1:8 - ANU LUGOD N. T. (BSI)

⁸ Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.

1 PITOR 1:8 ပူးပေါင်းရင်းမြစ်များ

METIU 10:37

“Sc:kobv ngomyam avkc abudcm cdcmanggom ancdcm aiya:pc mc:ycnc bv ngokkcpc ipc arc kamang; odokkc sc:kobv ngomyam awodcm cdcmanggom omcdcm aipc mc:ya:ycnc bv ngokkcpc ipc arc kamang.

JO:N 14:15

“Nolu ngom aipc mc:mvlo, nolu ngok kvnggv:pc lulvgnam agom kvdv:dcm lukamdcmpc iyc.

JO:N 14:21

“Sc:kokc ngok kvnggv:pc lulvgnam agom kvdv:dc du:nc odokkc cdcmbulum taddagnc, bv:na ngom aipc mc:ncdc; odokkc sc:kobv ngom aipc mc:dagnc ngok Ba:bukokki ayangkosuyc, odokkc ngo bvm aipc mc:yc odokkc ngo avyc bvm lcngkansuyc.”

JO:N 14:24

“Sc:kobv ngom aipc mc:ma:ji ngok agomcm tadgabla lc:mang; odokkc noluk tadnam gomugkvdv:dc ngokkcmang cmpige:la cdc Abudokkc sc:ko ngom mclvgtagji.

JO:N 16:22

Cdcmpila nolukkc su:pak mc:dvrc dung, cmpige:la ngo nolum lckoda ka:begycku odokkc noluk asinkvdv:dc mc:poyc, odokkc sc:kosin nolukkolokkcm mc:podcm la:pakma:yc.

JO:N 20:29

Jisubv Bvm luto, “Ngom ka:begla:yc no mc:jvgdu:n? Sc:kobulu ka:begmangge:langgom mc:jvgdagnc bulu aipai pa:nc.”

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

AGER KVDVNG 16:34

Odokkc bv bulum bvk okumdo:pc gva:botoku, odokkc bulum donam tv:namcm bito; odokkc bvk okum cra:dok appv:dokki bv mc:pomcnganto bv:jc Ru:ncpvnckolo mcjvgto cmna.

ROMANKVDVNG 14:17

Kapila:nc Ru:ncpvnckc migom doko mo:pvdc dormo kanamclang mcnganc odokkc Angunnc Yalodo mc:pobadnamc;

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

1 KORINTIANG KVDVNG 16:22

Sc:kaikc jodi Ru:tummc aipc mc:namko kama:mvlo, bvm pelvgnampc ika:kangka. Ngoluk Ru:tuma, gvtokuk.

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

2 KORINTIANGKVDVNG 12:4

Ru:ncpvncbv kindag–odokkc bv agomcm tatto okodcm lubila:ma:nam agomcm tatto, okodcm tani:yc luma:pcsin ido.

2 KORINTIANGKVDVNG 4:18

Kapila:nc ngolu ka:begnam attarkvdv:do:pc ka:mang cmpige:la ka:begma:nam attarkvdv:do:pc; kapila:nc ka:begnam attarkvdv:dc lo:tungongko du:nc, cmpige:la ka:begma:nam attarkvdv:dc lo:dvpc du:tvnc.

2 KORINTIANGKVDVNG 5:7

Kapila:nc ngolu mc:jvgkki lambcm gvdo, ka:namkimang.

2 KORINTIANGKVDVNG 9:15

Ru:ncpvncmc aipai binampc ika:langka Bvk lukurbila:ma:nam amandokki.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

IPESIANG KVDVNG 3:19

Odokkc Kristokc aipcmc:namdcm kindopc okodo kinnamcm gvbadya:dagji, nolujen Ru:ncpvnckc appvng binamcm bi:ycpc.

IPESIANG KVDVNG 6:24

Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.

PILIPIANG KVDVNG 1:25

Scm aroru:pc mcnga:la mc:la, ngo kindag jc ngo du:tvyc odokkc noluk lcdulo du:tvyc, kapila:nc noluk pu:pojarponam lcgangc odokkc mc:jvgdo mc:pobatsula,

PILIPIANG KVDVNG 3:3

Kapcnc ngolu aropc gadpuknamkvdv:dc, sc:kobulu yaloki Ru:ncpvncmc kumdoji, odokkc Kristo Jisukolo amin gvnncji, odokkc adin-amvrlo mc:tinsumang.

PILIPIANG KVDVNG 4:4

Ru:tumkolo lo:dv:scm mc:pobadsutoka; lckoda ngo luyc, mc:pobatsutoka.

HIBRIUKVDVNG 11:1

Su:pak mc:jvgdc attar mc:namlok pa:ycrung cmnamc, ka:begma:nam attarlok mcngkvrungc.

HIBRIUKVDVNG 11:27

Mc:jvgkokki bv Igiptclcm mcto, migomdok aglv:dcm pcsoma:pc; kapcnc bv menrasula du:to sc:kom ka:begma:ji.

1 PITOR 1:6

Cdcm nolu mc:pobadsudo, su:pak asudowongko adji:ong ayirdo nolu angu angu ipusire: pa:daggom,

1 PITOR 2:7

Nolukkcpc cdcmpidag sc:kobulu mc:jvgdagnc, Bv airu:pc arckannc, cmpige:la cdc sc:kobulu mc:jvgma:nc, “Cdc vlvngardcm okodcm okum monckvdv:dc aimang cmna mcpaktonc cdc sungkendok mosa:nancpc ikang,”

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.