1 PITOR 1:7 - ANU LUGOD N. T. (BSI)

⁷ cdcmpc jc noluk mc:jvgdok mc:jupmcngkamdc, avncmyam arc kaya:dag okodcm jitpakpcnc daggom vmvlo romka:dagji, aipai binapc lenycpc odokkc amin gvnamdc odokkc mcnggcnamdc Jisu Kristokc lendokudo mcnggcycpc.

1 PITOR 1:7 ပူးပေါင်းရင်းမြစ်များ

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

1 PITOR 4:12

Aipc mc:bomsunam kvdvnga kvnggv:pc vmvki romka:la ka:nam kvdv:dcm okodc nolukkolo kangkurpc cmna pvnga:dagnc cdcm mcngabla:ma:pc iyoka, nolukkcpc atv atv kangkv-tadkv ma:namc pvngangkagomsinci.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

1 KORINTIANG KVDVNG 3:13

vsvngkokki, sannc ncsinkokki, amrongkokki momvlo– tani: appv:dok agerkvdv:dcm ka:begamycku; kapila:nc cdc Longcdc cdcm lenapmoycku, kapila:nc cdcm vmvkokki romnenamycku, odokkc vmvdc ukka:la ka:ycku kapinc agercm sc:ko sc:ko gerkaji.

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,

2 PITOR 1:4

okodokki Bv ngolum bitonc Bvk airu:pc arc kanc odokkc bottcru:nc pesubinamdcm, jc odokbulukki nolu aima:n ager gernamdokbulukkc dunggcnla:ycpc cdc mo:pvso du:ncdc mc:boka:bokokki, odokkc taycng dungkotok inam gvnam gctc:mvnncpc ikang.

1 PITOR 2:4

Bvkkolo:pc gva:toka, cdc turra du:nc vlv:do:pc, taniyc mcpaknamdc cmpige:la Ru:ncpvnckc kangkolo balenna la:namc odokkc airu:pc arckannc;

METIU 25:21

Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

AGER KVDVNG 8:20

Cmpige:la Pitorbv bvm luto, “Nok murko:dc noggvngkolo omvgosvg ka:langka, kapila:nc no mc:dungai Ru:ncpvnckc aya:la binam amandcm murkongkokki pa:la:ycpc cmna!

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

JO:N 5:44

Nolu kapc mc:jvgycn, sc:kobv akon akonnokkcm aidag cmnamcm mancdcm odokkc Ru:ncpvnckolokkc gvinc aidag cmnamdcm mama:ncdcm?

LU:KKC 12:33

Noluk attar du:nc appvngcm kopagamtok, odokkc kogo:ncm binamkvdv:dcm bitoka, akuma:nc sogcncm nolu avkcm avyc mosv:sutoka, taycngamo:tok jidma:nc murkong lcngkumnancko, okolo oko dopsongcsin gva:ma:ji odokkc tabvncsin pvdmvgma:ji.

METIU 25:23

Bvk ru:tumdc bvm luto, ‘Aroru:pc aipc ito, ainc odokkc mc:dap-darapnc ager gerya:na; no adjio:doksin mc:dapdarapto, ngo nom bojcru:lokkcpc tolvgyc; nok ru:tumkc mc:pokolo mc:pomvntoka.’

METIU 19:28

Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

LUNGOR LUNAM 3:18

Cdcmpidag ngo nom luyirdung vmvkokki romna narc:monam avncm rctoka cmna, no:jen mircmycpc, odokkc kamponc attarcm nom molvgsupc odokkc nok akudali:namdok anyi:dcm ka:begsuma:dopc, odokkc amig tarclok yonnvgsunam kusere:ycm, no:jen ka:begdopc.

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

1 PITOR 2:7

Nolukkcpc cdcmpidag sc:kobulu mc:jvgdagnc, Bv airu:pc arckannc, cmpige:la cdc sc:kobulu mc:jvgma:nc, “Cdc vlvngardcm okodcm okum monckvdv:dc aimang cmna mcpaktonc cdc sungkendok mosa:nancpc ikang,”

1 PITOR 1:5

Sc:kobv Ru:ncpvnckc ilang gvlangki ka:ridagrila lc:dagji mc:jvgki du:tcr ayirdo mopvko lcngkanpc cmna dung.

ROMANKVDVNG 2:29

Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.

LU:KKC 17:30

Cdcmv:pc cdvlo tani:kc Awodc lenyckunc cdc iyc.

ROMANKVDVNG 2:10

cmpige:la amin gvnamc mcnggcnammc odokkc mc:po mcnganc appvngkcpc iycpc sc:ko ainc agercm gerdagji, Jiwu kvdv:dc panga:po:danna odokkc Girikkvdv:dc:sin.

ROMANKVDVNG 8:19

Kapila:nc ru:namkvdv:sc airu:pc Ru:ncpvnckc awodcm lcngkannamdcm ka:lv:la dung;

1 PITOR 1:13

Cdcmpidag noluk asinkvdv:dcm kvnggv:pc mc:sutoka, dojup-dokapla doncpc ilangka, noluk mc:tincm Pv:namko nolukkolo:pcjc ayangc pvnga:ycnc mc:tintoka Jisu Kristokc lendokudodo:pc.

1 PITOR 4:13

Cmpige:la su:paklo:pc nolu Kristokc du:g gvnamdcm gvmvnna du:g gvnamdcm mc:pobatsutoka, jen nolusin Bv cdvlo lenyckunc odo mc:pobatsuycpc odokkc mc:poycpc.

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

2 PITOR 3:14

Cdcmpidag, aipc mc:bomsunamkvdvnga, nolu scmbulum toya:la du:namc, Bvkkokki oko koiyangcmsin kama:pc pa:dokupc cdcmanggom imursiyar kama:dopc, odokkc mcnganna mcngandopc.