1 PITOR 1:5 - ANU LUGOD N. T. (BSI)

⁵ Sc:kobv Ru:ncpvnckc ilang gvlangki ka:ridagrila lc:dagji mc:jvgki du:tcr ayirdo mopvko lcngkanpc cmna dung.

1 PITOR 1:5 ပူးပေါင်းရင်းမြစ်များ

JO:N 12:48

Sc:kobv ngom lupakycnc odokkc ngok agom lunamkvdv:dcm torvgsuma:ycnc kcbang ba:namko du:do; ngok lunam agomkvdv:dc:na du:tcr longcdo bvk kcba:pc iycku.

JO:N 17:15

Bulum rcngamsokkcm la:pakbomkangkulangka cmna ngo kummang, cmpige:la no bulum aima:nc incdokkcm moya:langka.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

ROMANKVDVNG 11:20

Bulu dvrsotkang kapila:nc buluk mc:jvgma:namkokki, cmpige:la no mc:jvgla:yam dagla dung. Cdcmpidag pcsso tcm-tcmla du:langka.

ROMANKVDVNG 8:18

Ngo avyc mc:sudo jc sc siyumsv:rokc ipusire: pa:namkvdv:sc ngolukkolo lcngkanpcnam amin gvnamdcm luyv:supc arc kamang.

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

2 KORINTIANGKVDVNG 1:24

Cdc cdcmang jc ngolu noluk mc:jvgdok tayc:do ru:tumpc imang; ngolu noluk lcdulo agercm gerto noluk mc:ponam lcganc, kapila noluk mc:jvglo nolu kvnggv:la dung.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

IPESIANG KVDVNG 2:8

Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

IPESIANG KVDVNG 3:17

odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.

PILIPIANG KVDVNG 1:6

Odokkc ngo kindagrung jc sc:kobv ainc agerko gerrobtonc noluk ara:lo cdcm Jisu Kristokc longcdo ingapla boma:ycku.

PILIPIANG KVDVNG 4:7

Odokkc Ru:ncpvnckc mcngandc, okodc appvng mcngkinammcm gvkurra gvdagnc, noluk asincmnang noluk mc:namcm Kristo Jisukolo lc:ycpc.

2 TIMOTI 3:15

sckkolok no cdcm kintoji odokkc kapc kowawdokkc no angunnc adnamkvdv:dcm kintoji okodc:bulu nom moturnam lcgangc luyirla:dagji Kristo Jisukolo mc:jvgla.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

HIBRIUKVDVNG 6:12

odomvlo jen nolu aso-aso:ma:ycpc, cmpige:la mc:jvgla odokkc mentumsunamki pesunamdcm pa:nckvdv:dcm ka:yi:sula imvnncpc incpc itoka.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

1 PITOR 1:13

Cdcmpidag noluk asinkvdv:dcm kvnggv:pc mc:sutoka, dojup-dokapla doncpc ilangka, noluk mc:tincm Pv:namko nolukkolo:pcjc ayangc pvnga:ycnc mc:tintoka Jisu Kristokc lendokudodo:pc.

1 PITOR 4:13

Cmpige:la su:paklo:pc nolu Kristokc du:g gvnamdcm gvmvnna du:g gvnamdcm mc:pobatsutoka, jen nolusin Bv cdvlo lenyckunc odo mc:pobatsuycpc odokkc mc:poycpc.

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc:

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,