1 PITOR 1:17 - ANU LUGOD N. T. (BSI)

¹⁷ Odokkc jodi nolu Bvk Abukopc gogyc sc:kobv bvkkc bvkkc inamdcmpc akonongcm ka:ma:pc kcbangcm ba:donc, noluk amikc amo:lo yc:bomkosula du:do ayir appv:do pcsokono asinc gcla du:langka.

1 PITOR 1:17 ပူးပေါင်းရင်းမြစ်များ

METIU 6:9

Cdcmpidag scmpc kumtoka: Ngoluk taycng amo:tok du:nc Abba, Nokkc amincm kumnampc ika:langka.

PILIPIANG KVDVNG 2:12

Cdcmpidag, ngok mc:bomsunamkvdvnga, nolu kapc lo:dvscm agom lukamdcmpc tadtonc, cdcmv:pc su:pakgom, ngok ka:dodo:mang cmpige:la airu:p bojcyangko ngok ka:ma:dodcm, pcsola odokkc jinna noluk avkc motunam agerkvdv:dcm gerrentoka;

2 KORINTIANGKVDVNG 7:1

Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

HIBRIUKVDVNG 12:28

Cdcmpidag kajc mc:lvgsulai yonku:la:ma:nam migomdungko amo:dcm pa:la:yam, odokkc cdcmpidag kajc Ru:ncpvnckolo:pc tolvglai kvnggv:pc mcnggcru:la;

IPESIANG KVDVNG 1:17

jc ngolu Ru:tum Jisu Kristokc Ru:ncpvncbv, amin gvnamlok Abudc nolum taycng Yalo kinnamcm biycpc odokkc Bvk kinnamlok lungor lunamc.

GALATIANG KVDVNG 2:6

Odokkc cdc sc:kobulu amin gvdagaji o:kaiko cmna (okodcm bulu ngokkokki angumotoma:ji; Ru:ncpvncbv oko atcgcmsin lcngkanmang) –cdcmbulum, ngo ludung, sc:kobulu amin gvdagaji okkomsin ngokkolo mosettmang.

ROMANKVDVNG 11:20

Bulu dvrsotkang kapila:nc buluk mc:jvgma:namkokki, cmpige:la no mc:jvgla:yam dagla dung. Cdcmpidag pcsso tcm-tcmla du:langka.

METIU 22:16

Odokkc buluk agom tadjvgla gvmvnnc tani:kvdv:dc Bvkkolo:pc mclvgto, Herodkc tani:kvdv:dok lcdulo, scmpc lula, “Luyirna, ngolu kindag no arro, odokkc Ru:ncpvnckc lambcdcm arokopcrung luyirdag, odokkc oko tani:ycmsin sc:komsin pcsomang; kapila:nc no tani:lok adji:bottcm Ka:mang.

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

HIBRIUKVDVNG 4:1

Cmpila, cdvlo Bvk gva:la du:rasukodc du:pakdagnc, kajc pcsola:jc ckvma:mvlo nolukkolok akoncm odopc gva:langkuma:dopc kcbang ba:ycpc.

KOLOSIANG 3:25

Kapcnc imur ager gerncdcm bvk germurdok lcgang palvgcm lvgycku, odokkc odo mc:nam mc:mang kama:yc.

IPESIANG KVDVNG 6:9

Ru:tumkvdvnga, bulum cdcmvng ilangka, odokkc morvdnammcm mentumsulangka, kinna jc sc:kobv buluk Ru:tumclang odokkc nolukkcdc taycng amo:to dung, odokkc jc Bv akonongcm mc:namc

IPESIANG KVDVNG 3:14

Odok lcgangc ngok lcbvngcm Abukc kcra:do tuma:do,

1 PITOR 3:15

cmpige:la noluk asinkvdv:do Kristomc Ru:tumpc mc:jubla mcnga:la. Nolukkolo du:nc mc:tindcm lo:dvscm mosv:sulangka sc:kobv kvlenna tadpc cmna morasupc cmnamc:ycji, ckvdaggom cdcm asin ansv:la:la mcnggcnam kumnamki ilangka;

2 KORINTIANGKVDVNG 5:6

Cdcmpidag ngolu lo:dvscm asinc bottapc mc:do; ngolu kindag jc cdvlo ngolu amvrdo avk okumlo dungkampc du:ji ngolu Ru:tumkolokkc mo:tc:pc du:do.

2 KORINTIANGKVDVNG 1:2

Nolukkolo:pc ngoluk Abu Ru:ncpvnckolokkc mc:po mcngancm odokkc Ru:tum Jisu Kristokolokkc ayangcmna: mcngancm bika:langka.

2 KORINTIANGKVDVNG 7:11

Kapila:nc ka:toka kapinc kvnggv:pc asinsc dormokapc mc:dvrmc:songcm nolukkolo mc:lenmotonc, oko ilanggvlangcm nolu av avkvdv:dcm narc:mopc, kapinc aglvngcm, kapinc pcsomonamcm, kapinc asinang onamcnc, kapinc lubonna lunamcnc, kapinc palvg lvgnamcnc! Agomc apirloi nolu avycm avyc agerdo imur kama:nckopc lcngkansuto.

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.