1 PITOR 1:12 - ANU LUGOD N. T. (BSI)

¹² Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

1 PITOR 1:12 ပူးပေါင်းရင်းမြစ်များ

METIU 11:25

Odo ayirdo Jisubv lutadla lubito, “Ngo nom aipai bido, Ba:ba, taycng amo:tok odokkc mo:pvsok Ru:tuma, no:na scmbulum kinnc-pa:nc tani:kvdvdokkcm odokkc mcngkinma:nc kvdv:dokkcm lc:sitonc odokkc kowaukvdv:dcm lcngkanto;

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

METIU 16:17

Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto.

MARKKC 16:15

Odokkc Bv bulum luto, “Mo:pvsok appv:lo:pc gvkangka odokkc ru:nam appv:dcm tadponc lutaddcm lutadta:ka.

LU:KKC 15:10

Cdcmpc, ngo nolum lubidung, Ru:ncvnckc agom lutad lunckvdv:dok kangkolo papi:nc akonc asinc mc:dvrra mc:latsuyckumvlo mc:podag.”

LU:KKC 2:26

Odokkc Angunnc Yalodokki bvm lcngkantungai jc Ru:tumkc Kristomc ka:ma:sisscm bv sinamcm sima:yc.

LU:KKC 9:6

Odokkc bulu do:lu do:lungkvdv:dok, tadponc do:yv:dcm lugo:bila gvngapkang odokkc appv:loi kinamcm csa:molangkula.

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

AGER KVDVNG 10:44

Pitorbv cdcm lula du:dodcm Angunnc Yalodc tannc appv:dok tayc:do dc:yingkang.

AGER KVDVNG 16:10

Odokkc cdvlo bv kangordcm ka:toji oddung ngolu Makedonia:pc gvpc cmna mato, Ru:tumbv ngolum tadponc lutaddcm bulum lubita:ka cmna gogtung cmna ru:scgge:la.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

AGER KVDVNG 4:31

Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

AGER KVDVNG 4:8

Odo Pitorbv, Angunnc Yalodc du:bomdanna du:la, bulum luto,

AGER KVDVNG 8:25

Cdcmpidodcm bulu cdvlo Ru:tumkc agomdcm lukanbitoji odokkc lutoji, bulu Jerusalempc gvladamkangku, Samaria:dok bojcru: do:lu:lo tadponc lutaddcm lugo:bila.

ROMANKVDVNG 1:15

Cdcmpila ngo tadponc lutaddcm sc:kobulu Ro:mdo du:nc nolukkolo:sin lulvngc mole:dung.

ROMANKVDVNG 1:17

Kapila:nc Ru:ncpvnckc dormo kanamdc mc:jvgkokki mc:jvglcgangc lenkang; cdcm kapc adla lc:tagji, “Sc:kobv mc:jvgki dormokadagaji turyc.”

ROMANKVDVNG 10:15

Odokkc kapc tani:kvdv:dc lutadbiycn bulum mclvgma:mvlo? Cdcm adla lc:namdcmpc, “sc:kobulu tadponc lutaddcm lubidagji kapc alckvdv:dc kangkandagnc!”

ROMANKVDVNG 15:19

Angunnc Yalodok ilang gvlangkokki, odomvlo jen Jerusalemdokkc odokkc dunggong appvngc Illirikumdo:pc ngo pv:namkopc Kristokc tadponc lutaddcm lugo:bito,

1 KORINTIANG KVDVNG 2:10

Ru:ncpncbv ngolum Yalodokki lcngkanto. Kapila:nc Yalodc appvngcm mago:dag, Ru:ncpvnckc orv:nc agom kvdv:dcmci.

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

2 KORINTIANGKVDVNG 6:6

Napv-narcngkokki, kinnamkokki, menya:sula du:namkokki, asin aya:pc mc:namkokki, Angunnc Yalodc, narc:pc:sc:nc ayangc, aropaknc agom lunamc, odokkc Ru:ncpvnckc tornamdc;

GALATIANG KVDVNG 1:12

Kapila:nc ngo cdcm tani:lokkcm pa:mangai, cdcmanggom cdcm ngo poyirmangai, cmpige:la cdc Jisu Kristokc lungor lunamkokki pv:do.

GALATIANG KVDVNG 1:16

Bvk Awodcm ngom lcngkannvngkang, cdcmpc ikang jc ngo jen Bvm Ru:ncmc kinma:nc tani:kvdv:dok ara:lo lutadbigo:ycpc cmna, ngo adin amvrkokki lumangai,

IPESIANG KVDVNG 3:10

Jc mondoli:dokki Ru:ncpvnckc bojcrungkopc inc kinnamdcm jen su:pak kinmoycpc migom doko mo:pvkvdv:do odokkc ilang-gvlang kvdv:do taycng dungkokvdv:do.

1 TISSALONIANG 2:9

Kapcnc nolu ngoluk ager gernamclang kvnggv:pc ager gernamcm kindag, bvrokvdvnga; ngolu yummcmnang longgcm agercm gerto, odomvlo nolukkolok sc:komsin jo:namko jo:dopc ima:dopc, cdvlo ngolu Ru:ncpvnckc tadponc lutaddcm nolukkolo lubitoji.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

HIBRIUKVDVNG 11:13

Cdc appv:dc mc:jvgloi singapkang, okodcm cdcm pa:ma:pc pesutoji, cmpige:la cdcm kangge:la odokkc mo:tc:lokkc kumrvgsuto, odokkc arro cmna togcsuge:la jc bulu lambclok kinma:nam gvpatnnckkc odokkc mo:pvsokkc gvpakla gvnnc.

HIBRIUKVDVNG 2:4

cdvlo Ru:ncpvncbv:sin lcnggodkokki lukanbitoji odokkc mcngapla:manam agerkokki odokkc Angunnc Yalodok amancm Bvk mcngkampc binamdcmpc.

HIBRIUKVDVNG 4:2

Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.

1 PITOR 1:25

cmpige:la Ru:tumkc agomdc lo:dv longkvpc du:tvdag.” Cdc agomdc tadponc lutadc okodcm nolukkolo:pc lutadla lubito.

1 PITOR 4:6

Kapcnc cdcmpila:na cdc tadponc lutaddcm sinckvdv:dcmsin lutadbikanc, jc tani:kvdv:dcmpc adin amvrro kcbangcm ba:daggomsinci, bulu Ru:ncpvnckcmpc yalodo turla du:la:ycpc.

LUNGOR LUNAM 5:11

Odokkc ngo ka:to, odokkc migom dungkodok dunggong appv:do tadto odokkc turla du:nc simvnkvdv:dc odokkc abv:nc tani:kvdv:dc bojcrung taycng among lutad lunclok gomugcm, kvla kvngapla:ma:namkopc lv:lvng lv:lvngkopc odokkc lv:yinglok lv:yingkopc,