1 KORINTIANG KVDVNG 9:25 - ANU LUGOD N. T. (BSI)

²⁵ Cdcmpidag dugtoka no:jen cdcm pa:ycpc. Appvng moduduka:mvnsunc mentumsula du:namcm appvng agerlo idag. Bulu cdcm omvgpcnc dogsori: abvlcgang idag, cmpige:la ngolu omvgpcma:nc abv lcgangc ido.

1 KORINTIANG KVDVNG 9:25 ပူးပေါင်းရင်းမြစ်များ

2 TIMOTI 2:5

Oko yc:mvnsunc tani:ycsin bv lujvg-lurodokkcmpc mopvma:mvlo v:rnc dumlubcm pa:mang.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

1 TIMOTI: 6:12

Ainc mc:jvgdok lcgangc silvg-siya:la mc:toka lo:dv-longkvpc turnamdcm gagtvla du:toka okodo:pc nolum gogtoji cdvlo no ainc lude:sunamdcm bojcrung lukanbinclok kcra:lo lusukaji.

LUNGOR LUNAM 3:11

Ngo lomdanna gvdu:bong; nokkc okodc du:ji kvnggv:pc gagla du:toka, odomvlo jen sc:kosin nok migom dumlubcm rotpakma:ycpc.

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

2 PITOR 1:6

odokkc ainc ager gernamko kinnamki, odokkc kinnamdcm avyc mentumsunamki, odokki avyc mentumsunamdcm lo:dv longkvpc du:tvdagtvnamdcm dormokanamdokki,

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

1 PITOR 1:4

odokkc dungkan-dakkansunam lo:pc okodc yogma:ji, narc:ma:pc ila lc:ycji, odokkc sana:ma:ycji, noluk lcgangc taycng amo:to lc:tung.

GALATIANG KVDVNG 5:23

aikamponammc, mc:jvg-jvrvgnammc, ainc asin gcla inamc, avycm mentumsula du:namc; cdcmbulumpinclok birudi:pc oko lujvglurrosin kamang.

HIBRIUKVDVNG 12:28

Cdcmpidag kajc mc:lvgsulai yonku:la:ma:nam migomdungko amo:dcm pa:la:yam, odokkc cdcmpidag kajc Ru:ncpvnckolo:pc tolvglai kvnggv:pc mcnggcru:la;

HIBRIUKVDVNG 12:4

Noluk pa:pkokki moka:mvnsunamdcm noluk i:ycm bidmogcdopc imangcida.

1 KORINTIANG KVDVNG 15:54

Cdvlo jitpakncdc jitpakma:ncdcm gcycnc, odokkc sikuncdc sikuma:ncdcm molvgsuycnc, odo okodcm adla lc:tu:nc cdc pvnga:yc: “Sinamcm mopvla mcpakto.”

LUNGOR LUNAM 4:10

cdc vyvngkolang anyi abv:nc tani:kvdv:dc Bvk kcra:do owa:dag sc:kobv migom dungkodo dunga:dagji odokkc Bvm kumdagji sc:kobv lo:dv longkvpc turra du:dagji, buluk migom dumlubcm bulu migom dungkodo lc:dag,

LUNGOR LUNAM 4:4

Migom dungkodok yedrila vyvngkolang appi:ko migom tedko dungai, odokkc migom dungkodo tednckvdv:dc vyingkolang appi:ko abv:nc tani:yc dungai, kamponc attarcm gcla: gcla, avn dumlubcm buluk mittukvdv:dc gcla.

TITUS 1:8

cmpige:la mibobolv:nc, arrom aipc mc:namc, bvk avyc avkc ru:tumpc isula, lc:si-lc:romkama:pc, angunnc, odokkc avycm mentumsula du:la:ncpc;

TITUS 2:2

Abv:ya:nc tani:kvdv:dcm mc:jupmcngkapdopc lulvglangka, mcnga:lang, mcngcsagcla, mc:jvglo aiyo:pc mcnga:la, aipc mc:la, odokkc kvnggv:la du:namlo.