1 KORINTIANG KVDVNG 9:22 - ANU LUGOD N. T. (BSI)

²² Asin kvnggv:ma:nc kvdv:dokkcpc ngo kvnggv:ma:ncpc ito, jc ngo:jen kvnggv:ma:nc kvdv:dcm mopvla:pc cmna. Ngo appv: tani:lo:pc appv:pc itobong, jc appv:pc ila ngo akkemci mopvla:ycpc cmna.

1 KORINTIANG KVDVNG 9:22 ပူးပေါင်းရင်းမြစ်များ

1 KORINTIANG KVDVNG 10:33

ngo kapc appvng agercm gerdon appvng tani:ycm mc:lvgsudopc ikvla ka:do, ngok avkc ainamcm masuma:pc, cmpige:la bojcrungc aidopc, bulujen turdopc.

1 KORINTIANG KVDVNG 9:19

Kapila:nc ngo appv:tani:lokkc mopvtdaggom, ngo avyc appvngkcpc pagbopc isuto jc ngo bojcyangko mopvla:dopc cmna.

ROMANKVDVNG 15:1

Ngolu sc:kobulu ilang gvla:dagji rcmagnc kvdv:dcm gerdumsupcnammc, odokkc ngolu avyc avycm aipc mc:tvngsupcnammang;

ROMANKVDVNG 11:14

ngo ngok agercm unjvgmodo ngok ajon Jiwu kvdv:dcm ncmopc cmna gerdo, odokkc bulukkolok akkem asudowko mopvtla:dopc.

GALATIANG KVDVNG 6:1

Bvrokvdvnga, tani: akonc jodi atv imurko iyc, nolu sc:kobulu yalodokki du:nc ainc asin gcla inamkokki yalokokki bvm motupa:do. Nolu avycm avyc ka:sutoka, ckvma:mvlo nolusin ankang ka:nampc iyc.

1 KORINTIANG KVDVNG 8:13

Cdcmpidag, donamdc jodi ngok bvrokc imur lcga:pc ido, ngo cdvlosin adincm doma:yc, ckvma:mvlo ngo ngok bvrodcm domurmoncpc idag.

1 KORINTIANG KVDVNG 7:16

Nc:nga, kapc no kindon nok milbo:dcm mopvtla:ycji: mopvtla:ma:ycji? Milbonga, kapc no kindon nok nc:dcm kapc mopvtla:ycji?

2 KORINTIANGKVDVNG 11:29

Sc:kobv torma:nc, odokkc ngo torma:nci? Sc:kom otapdopc motang, odokkc, ngo aglvngsa:ma:nci?

ROMANKVDVNG 14:1

Sc:kobv mc:jvgnamdok mc:nam gvnam rcmagdagji cdc tani:dokkcpc, bvm gogrvgsutok, cmpige:la agom mcngkamdcm luker-luyermvnsupcdan gogma:pcka.

ROMANKVDVNG 14:2

Akonc mc:jvgdag bv atvmumko doycpc, cdvlo rcmagnc tani:dc oying-ogeyongko doycji.

ROMANKVDVNG 15:2

ngoluk appvngc kajc bvkkc bvkkc kumrvko:rcm bvk ainam lcgangc bvm aikampomopc cmna aipc mc:molai.

1 KORINTIANG KVDVNG 9:23

Ngo cdcm tadponc lutaddok lcgangc ido, jc ngo odok akirba:dkvdv:dok pa:mvnpc cmna.