1 KORINTIANG KVDVNG 9:19 - ANU LUGOD N. T. (BSI)

¹⁹ Kapila:nc ngo appv:tani:lokkc mopvtdaggom, ngo avyc appvngkcpc pagbopc isuto jc ngo bojcyangko mopvla:dopc cmna.

1 KORINTIANG KVDVNG 9:19 ပူးပေါင်းရင်းမြစ်များ

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

METIU 18:15

“Nok bvrro nom imurko iycmvlo, bvkkolo:pc gvlang odokkc bvk imurcm lubilang, bvkkclang nok arango:lo. Bv nok agomcm tadmvlo, nok bvrodcm no pa:toku.

1 KORINTIANG KVDVNG 10:33

ngo kapc appvng agercm gerdon appvng tani:ycm mc:lvgsudopc ikvla ka:do, ngok avkc ainamcm masuma:pc, cmpige:la bojcrungc aidopc, bulujen turdopc.

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

2 KORINTIANGKVDVNG 4:5

Kapila:nc okodcm ngolu lutadbidonc cdc ngoluk av avkcmang, cmpige:la Jisu Kristobv Ru:tumpc incdc cmna, ngolu av-avyc noluk ager gerya:ncpc Jisukc lcgangc.

ROMANKVDVNG 15:2

ngoluk appvngc kajc bvkkc bvkkc kumrvko:rcm bvk ainam lcgangc bvm aikampomopc cmna aipc mc:molai.

1 PITOR 3:1

Cdcmv:pc nc:ngkvdv:nolu, noluk milbong kvdv:dok lukamdcmpci tadlangka, odomvlojen akke, bulu agomdcm tadmanggom, mopvla:ya:pc agom apirkosin lumango:pc buluk nc:ngkvdv:dok inamsa:namki,

1 KORINTIANG KVDVNG 9:1

Ngo morvt pa:ncma:lang? Ngo mclvgla ager germonammcma:lang? Ngoluk Ru:tum Jisu Kristomc ka:mangalang. Ru:tumkolo nolu ngok ager gerncma:lang?

ROMANKVDVNG 1:14

Ngo Girikkvdv:doklang Angu tani: kvdv:dcm, asin mc:jo:nclang aima:nc kvdv:dok lcgangc gvpcru:nammc:

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

1 KORINTIANG KVDVNG 7:16

Nc:nga, kapc no kindon nok milbo:dcm mopvtla:ycji: mopvtla:ma:ycji? Milbonga, kapc no kindon nok nc:dcm kapc mopvtla:ycji?

ROMANKVDVNG 11:14

ngo ngok agercm unjvgmodo ngok ajon Jiwu kvdv:dcm ncmopc cmna gerdo, odokkc bulukkolok akkem asudowko mopvtla:dopc.

1 KORINTIANG KVDVNG 10:29

ngo ludung bvk mcngkubtablapdcm, nokkcdc:mang cdcm doyoka. Kapila:nc kapila ngok mcngkampc ilang gvla: namdcm akon tani:lok mc:namkokki mc:moyen?

2 KORINTIANGKVDVNG 4:15

Kapila:nc cdc appv:dc noluk lcgangc, odomvlo jen kapc ayangc bojc bojcya:pc gvbarka:nc bojcya:ng tani:yc aipai binamc bojcya:yc, Ru:ncpvnckc aminc gvdopc.

2 KORINTIANGKVDVNG 12:14

Su:pak ngo lcwumpc nolukkodo:pc gvpc cmna mosv:sudung. Odokkc ngo jo:nampc ima:yc, kapila:nc ngo nolukkc okodc:ji mamang cmpige:la nolu; kapila:nc ko:kangkvdv:dc buluk anc abukvdv:dok lcgangc lcngkumsubipcnam kamang, cmpige:la ancabukvdv:dc buluk ommang kvdv:dok lcgang.