9 Kanggabo:lang ckvma:mvlo sc noluk dolvngcm donamdc kapcjila lcsudsuko sv:tu:pc sckkai mcngkinma:nc kvdv:dokkcpc iyc.
Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.
Av mcngkampc du:ncpc turla du:langka, cdcmanggom noluk av mcngkampc du:namdcm aima:nc ager gernapc iyoka; cmpige:la Ru:ncpvnckc ager gerya:ncpc ilangka. Appvng tani:ycm mcnggclangka.
Bulu avkc mcngkam mcngkampc agomcm pesula lubidag, cmpige:la bulu avkvdv:dc imursiyarnclok pagbo; kapcnc okodci tani:akoncm mopvdagnc, odokkcpc bv pagbopc idag.
Sc:komsin bvk avkc ainamcm mamoyok, cmpige:la bvk kumrv korvdok ainamcmpak lumolang.
Jiwukvdv:dcmba Girikkvdv:dcm oko aima:p mcnamcmsin mcngkosuyok cdcmanggom Ru:ncpvnckc mondoli:dcm,
Asin kvnggv:ma:nc kvdv:dokkcpc ngo kvnggv:ma:ncpc ito, jc ngo:jen kvnggv:ma:nc kvdv:dcm mopvla:pc cmna. Ngo appv: tani:lo:pc appv:pc itobong, jc appv:pc ila ngo akkemci mopvla:ycpc cmna.
Cdcmpidag nok bvrodok birudi:pc pa:bcm ila odokkc buluk mcngc-saggcm tarcmola cdvlo cdc mcngkinma:ji no Kristokc birudi:pc pa:bcm ido.
Kapila:nc akonc jodi nom ka:mvlo, kinncpa:nc kanc tani:konc, monam moimangcm kumko okumkolok tcbulkolo, bv asin pvta-monncmpc ima:yclang, bvk mcngc-sagcdc mcngkinma:mvlo, monam moimangcm binam donamdcm dopc?
Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.
Ngo anyi:supc, ngo lupa:ru:yc, ngolu odok lcga:pc airu:pc rcmagdagai. Cmpige:la okkomci sc:koi bottapc lubonsupc asinc mcngkvycnc–ngo monba:ba:ncmpc ludung– ngo:sin cdcm bottapc lubonsupc asinc mc:sudag.
ngo ludung bvk mcngkubtablapdcm, nokkcdc:mang cdcm doyoka. Kapila:nc kapila ngok mcngkampc ilang gvla: namdcm akon tani:lok mc:namkokki mc:moyen?
Ngolu sc:kobulu ilang gvla:dagji rcmagnc kvdv:dcm gerdumsupcnammc, odokkc ngolu avyc avycm aipc mc:tvngsupcnammang;
“Ka:sulangka sc adji:onckvdv:sok akosinci tayumyok;
Cmpige:la nom sc:kaiyc jodi luyc, “Scm palvgkolo bitungai,” odo tani:dok lcga:pc mc:bila sc:kobv nom lubitoji, odokkc mcngkub-tablapnam lcgangc–
Ngolu sck lambclo:sin mokomnammcm lc:mang, odomvlojen oko imurkosin ngoluk ager gernamdo pa:ma:ycpc.
Sc:kobv torma:nc, odokkc ngo torma:nci? Sc:kom otapdopc motang, odokkc, ngo aglvngsa:ma:nci?
Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.